اقش پرەزيدەنتٸ سشا دونالد ترامپ رەسەي مەن قىتايدىڭ سولتٷستٸك كورەياعا قارسى جاڭا سانكتسييا سالۋ تۋرالى بۇۇ قاۋٸپسٸزدٸك كەڭەسٸ قارارىن قولداپ داۋىس بەرگەنٸن قۇپتادى. بۇل تۋرالى اق ٷي باسپاسٶز قىزمەتٸ تاراتقان اقپاراتتا ايتىلعان.
وندا ترامپتىڭ "سولتٷستٸك كورەيانى قاۋٸپتٸ تۇراقسىزدىق تۋعىزاتىن ٸس-قيمىلىن توقتاتۋعا مەجبٷر ەتۋ ٷشٸن وعان ديپلوماتييالىق جەنە ەكونوميكالىق قىسىمدى كٷشەيتۋ جٶنٸندە وداقتاستار جەنە ەرٸپتەستەرمەن بٸرگە جۇمىستى جالعاستىرۋعا نيەتتٸ" ەكەنٸ ايتىلعان.
وسىنىڭ قارساڭىندا بۇۇ قاۋٸپسٸزدٸك كەڭەسٸ سولتٷستٸك كورەياعا زىمىران ۇشىرۋ سىناقتارىن ٶتكٸزۋدٸ جالعاستىرعانى ٷشٸن جاڭادان سانكتسييالار سالۋ تۋرالى قاراردى بٸراۋىزدان قابىلداعان. ول سانكتسييالار سالدارىنان پحەنيان ەكسپورتتان تٷسەتٸن تابىستىڭ ٷشتەن بٸر بٶلٸگٸ – بٸر ميلليارد دوللاردان ايىرىلۋى مٷمكٸن.
جاڭا سانكتسييا بويىنشا سولتٷستٸك كورەيانىڭ سىرتقا شىعاراتىن كٶمٸر, تەمٸر, قورعاسىن جەنە تەڭٸز ٶنٸمدەرٸنە ەمبارگو سالىنادى. بۇعان قوسا بۇۇ-عا مٷشە ەلدەردە سولتٷستٸك كورەيادان بارعان جۇمىسشىلار سانىن كٶبەيتۋگە, سولتٷستٸك كورەيامەن بٸرلەسكەن كەسٸپورىنداردى كەڭەيتۋگە جەنە ونداي كەسٸپورىنداردى جاڭادان قۇرۋعا تىيىم سالىنادى. بۇۇ سانكتسييا تٸزٸمٸنە بۇرىنعىلارعا قوسىمشا سولتٷستٸك كورەيانىڭ توعىز ازاماتى مەن تٶرت كومپانيياسى ەنگٸزٸلگەن.
سەنبٸ كٷنٸ بۇۇ-داعى قىتاي ٶكٸلٸ ليۋ تسزەي پحەنياندى كورەي تٷبەگٸندەگٸ شيەلەنٸستٸ ودان سايىن ۋشىقتىراتىن قادامدارعا بارماۋعا شاقىردى. رەسەيدٸڭ ٶكٸلٸ ۆاسيليي نەبەنزيا سولتٷستٸك كورەيانى يادرولىق باعدارلامادان باس تارتۋعا ٷندەدٸ.
بۇعان دەيٸن اقش پحەنياننىڭ جاقىندا ەكٸ قايتارا ٶتكٸزگەن قۇرلىقارالىق بالليستيكالىق زىمىران سىناعىنا جاۋاپ رەتٸندە وسى ەلگە قارسى جاڭا سانكتسييالار ەنگٸزۋ تۋرالى ۇسىنىس ەنگٸزگەن.
سولتٷستٸك كورەياعا يادرولىق جەنە زىمىران باعدارلاماسىمەن اينالىسۋىنا تىيىم سالعان بۇۇ-نىڭ بۇعان دەيٸن قابىلداعان قارارلارىن پحەنيان ورىنداماي, سىناقتاردى جالعاستىرعان. ونى ەلەم ەدەرٸنٸڭ كٶپشٸلٸگٸ ايىپتاعان.
