مەسكەۋدە ٶتكەن فۋتبولدان ەلەم چەمپيوناتى اياقتالعان سوڭ ەلەم نازارى بٷگٸن اقش پرەزيدەنتٸ دونالد ترامپ پەن رەسەي كٶشباسشىسى ۆلاديمير پۋتيننٸڭ تاريحي كەزدەسۋٸ ٶتەتٸن حەلسينكيگە اۋدى. ترامپ پەن اقش-تىڭ بٸرٸنشٸ حانىمى مەلانييا حەلسينكيگە جەكسەنبٸ كٷنٸ كەشكە كەلٸپ جەتتٸ, دەپ حابارلايدى "ۇلت اقپارات".
سامميتتە ترامپ پەن پۋتين وڭاشا سٶيلەسپەك. بٸراق ەڭگٸمە نە تۋرالى بولاتىنى الدىن الا ايتىلعان جوق. ەكٸ ٸرٸ يادرولىق دەرجاۆا پرەزيدەنتتەرٸنٸڭ كەزدەسۋدە نە تالقىلايتىنى الدىن الا ايتىلماۋى – تۇڭعىش رەت بولىپ تۇرعان جاعداي.
دەگەنمەن ترامپتىڭ ۆاشينگتون مەن مەسكەۋ اراسىنداعى ىنتىماقتاستىقتى نىعايتۋدى كٶزدەيتٸنٸ بەلگٸلٸ بولدى.
بٸرنەشە كٷن بۇرىن باسىلىمدار ترامپ پەن پۋتين ۋكراينا باتىسىنداعى جاعداي مەن رەسەي اننەكتسييالاپ العان قىرىم جايلى سٶيلەسەتٸنٸن جازعان. يادرولىق قارۋسىزداندىرۋ مەن يادرولىق قارۋدى تاراتپاۋ تۋرالى دا ەڭگٸمە بولاتىنى ايتىلدى.
الايدا شٸلدەنٸڭ 13-ٸندە اقش رەسەيدٸڭ باس بارلاۋ باسقارماسىنىڭ 12 قىزمەتكەرٸنە ايىپ تاققان سوڭ ىقتيمال تاقىرىپتارعا قاتىستى بولجامدار كٷرت ٶزگەرگەن. ۆاشينگتوندا ترامپتىڭ "اقش سايلاۋىنا ارالاسۋ وپەراتسيياسىنا جەتەكشٸلٸك ەتكەن" پۋتيننٸڭ "قولىن الۋىنا" نارازىلىق ايتىلا باستادى.
بٸراق مەسكەۋ اقش سايلاۋىنا ارالاسقانى تۋرالى ايىپتاۋلاردى جوققا شىعارادى.
ٶتكەن اپتادا بريۋسسەلدە باسپاسٶز قىزمەتٸنٸڭ ٶكٸلدەرٸنە سۇحبات بەرۋ كەزٸندە ترامپ بۇعان دەيٸنگٸ كەزدەسۋلەردە پۋتيننٸڭ ٶتە سىپايى بولعانىن ايتتى.
«ول - ناعىز قارسىلاس. الايدا جاۋ دەمەيمٸن. كٷندەردٸڭ بٸر كٷنٸ دوستاسىپ كەتەتٸنٸمٸزگە سەنەمٸن», - دەدٸ ترامپ.
ترامپ پەن پۋتين اراسىنداعى كەزدەسۋگە حەلسينكي قالاسى جايدان-جاي تاڭدالمادى. تاريحي تۇرعىدان الىپ قاراعاندا, دەل وسى فينلياندييادا الدىمەن امەريكالىق جەنە كەڭەستٸك بيلٸك ٶكٸلدەرٸنٸڭ كەزدەسۋلەرٸ, ارتىنان امەريكا مەن رەسەيدٸڭ كەلٸسسٶزدەرٸ جٷرگٸزٸلگەنٸ بەلگٸلٸ بولدى. بۇعان ەلدٸڭ گەوگرافييالىق ورنالاسۋى مەن بەيتاراپتىق ساياساتىن ۇستانۋى سەبەپ بولىپ وتىر.
ترامپ بٸرنەشە كٷن بۇرىن ۇلبىريتانيياعا بارعاندا وعان قارسىلىق بٸلدٸرگەن مىڭداعان ادامنىڭ ەرەۋٸلٸ ٶتتٸ. پۋتينمەن كەزدەسەر الدىندا – شٸلدەنٸڭ 15-ٸندە ەرەۋٸلدەر حەلسينكيدە جالعاستى. ازاتتىقتىڭ ورىس قىزمەتٸ رەسەي پرەزيدەنتٸنٸڭ كەلۋٸنە قارسى نارازىلىق اكتسييالارى دا بايقالعانىن جازعان ەدٸ.
