Máskeýde ótken fýtboldan álem chempionaty aiaqtalǵan soń álem nazary búgin AQSh prezidenti Donald Tramp pen Resei kóshbasshysy Vladimir Pýtinniń tarihi kezdesýi ótetin Helsinkige aýdy. Tramp pen AQSh-tyń birinshi hanymy Melaniia Helsinkige jeksenbi kúni keshke kelip jetti, dep habarlaidy "Ult aqparat".
Sammitte Tramp pen Pýtin ońasha sóilespek. Biraq áńgime ne týraly bolatyny aldyn ala aitylǵan joq. Eki iri iadrolyq derjava prezidentteriniń kezdesýde ne talqylaityny aldyn ala aitylmaýy – tuńǵysh ret bolyp turǵan jaǵdai.
Degenmen Tramptyń Vashington men Máskeý arasyndaǵy yntymaqtastyqty nyǵaitýdy kózdeitini belgili boldy.
Birneshe kún buryn basylymdar Tramp pen Pýtin Ýkraina batysyndaǵy jaǵdai men Resei annektsiialap alǵan Qyrym jaily sóilesetinin jazǵan. Iadrolyq qarýsyzdandyrý men iadrolyq qarýdy taratpaý týraly da áńgime bolatyny aityldy.
Alaida shildeniń 13-inde AQSh Reseidiń Bas barlaý basqarmasynyń 12 qyzmetkerine aiyp taqqan soń yqtimal taqyryptarǵa qatysty boljamdar kúrt ózgergen. Vashingtonda Tramptyń "AQSh sailaýyna aralasý operatsiiasyna jetekshilik etken" Pýtinniń "qolyn alýyna" narazylyq aityla bastady.
Biraq Máskeý AQSh sailaýyna aralasqany týraly aiyptaýlardy joqqa shyǵarady.
Ótken aptada Briýsselde baspasóz qyzmetiniń ókilderine suhbat berý kezinde Tramp buǵan deiingi kezdesýlerde Pýtinniń óte sypaiy bolǵanyn aitty.
«Ol - naǵyz qarsylas. Alaida jaý demeimin. Kúnderdiń bir kúni dostasyp ketetinimizge senemin», - dedi Tramp.
Tramp pen Pýtin arasyndaǵy kezdesýge Helsinki qalasy jaidan-jai tańdalmady. Tarihi turǵydan alyp qaraǵanda, dál osy Finliandiiada aldymen amerikalyq jáne keńestik bilik ókilderiniń kezdesýleri, artynan Amerika men Reseidiń kelissózderi júrgizilgeni belgili boldy. Buǵan eldiń geografiialyq ornalasýy men beitaraptyq saiasatyn ustanýy sebep bolyp otyr.
Tramp birneshe kún buryn Ulbyritaniiaǵa barǵanda oǵan qarsylyq bildirgen myńdaǵan adamnyń ereýili ótti. Pýtinmen kezdeser aldynda – shildeniń 15-inde ereýilder Helsinkide jalǵasty. Azattyqtyń orys qyzmeti Resei prezidentiniń kelýine qarsy narazylyq aktsiialary da baiqalǵanyn jazǵan edi.
