تابيعي سيپاتتاعى تٶتەنشە جاعدايلار سالدارىنان زارداپ شەككەندەرگە كەلتٸرٸلگەن زيياندى (زالالدى) ٶتەۋ قاعيدالارى جارييالاندى, دەپ حابارلايدى قر ٷكٸمەتٸنٸڭ باسپاسٶز قىزمەتٸ.
قازاقستان رەسپۋبليكاسى ٷكٸمەتٸنٸڭ 2014 جىلعى 19 جەلتوقسانداعى №1358 قاۋلىسىنا ساي تٶتەنشە جاعدايلار سالدارىنان زارداپ شەككەندەرگە كەلتٸرٸلگەن زالالدى ٶتەۋ الگوريتمٸ بىلاي:
1. ماتەريالدىق زالال كەلتٸرٸلگەن زارداپ شەگۋشٸلەر تج تۋىنداعان كٷننەن باستاپ كٷنتٸزبەلٸك 30 كٷن ٸشٸندە جەرگٸلٸكتٸ اتقارۋشى ورگانعا (ەكٸمدٸك) ماتەريالدىق زالالدى ٶتەۋ تۋرالى ٶتٸنٸش بەرەدٸ.
جەبٸرلەنۋشٸنٸڭ ٶزٸنٸڭ ٶتٸنٸش جازۋعا مٷمكٸندٸگٸ بولماعان جاعدايدا, ونىڭ تۋىستارى نەمەسە سەنٸمحات نەگٸزٸندە ٶزگە دە ادامدار, سونداي-اق ەگەر جەبٸرلەنۋشٸ كەمەلەتتٸك جاسقا تولماعان بولسا, زاڭدى ٶكٸلدەرٸ كەلتٸرٸلگەن زيياندى (زالالدى) ٶتەۋ تۋرالى ٶتٸنٸشپەن جٷگٸنە الادى.
كەلتٸرٸلگەن زالالدى ٶتەۋ تۋرالى ٶتٸنٸشكە: زارداپ شەگۋشٸ ادامنىڭ جەكە باسىن كۋەلاندىراتىن قۇجاتتىڭ كٶشٸرمەسٸ; تابيعي سيپاتتاعى تج تۋىنداعان سەتتەن باستاپ نەمەسە تج جويۋ كەزەڭٸندە زارداپ شەككەن ادامنىڭ جوعالعان جەنە/نەمەسە بٷلٸنگەن مٷلكٸنٸڭ تٸزبەسٸ قوسا بەرٸلەدٸ.
2. ٶتٸنٸشتەر مەن قۇجاتتاردى تٸركەۋدٸ ەكٸمدٸك زارداپ شەگۋشٸگە قۇجاتتاردىڭ قابىلدانعانىن راستايتىن قولحات بەرە وتىرىپ, ماتەريالدىق زالالدى ٶتەۋ تۋرالى ٶتٸنٸشتەردٸ تٸركەۋ جۋرنالىندا جٷرگٸزەدٸ.
3. ماتەريالدىق زالالدى ٶتەۋ تۋرالى ٶتٸنٸش ەكٸمدٸككە قۇجاتتار كەلٸپ تٷسكەن كٷننەن باستاپ 15 جۇمىس كٷنٸ ٸشٸندە قارالادى.
4. ەكٸمدٸك ٶتٸنٸش تٸركەلگەن كٷننەن باستاپ 10 جۇمىس كٷنٸ ٸشٸندە باعالاۋشىنى تارتا وتىرىپ, كەلتٸرٸلگەن زالالدىڭ مٶلشەرٸن باعالاۋدى (ٶتٸنٸش بەرۋشٸنٸڭ مٷلكٸنە قولجەتٸمدٸلٸك بولۋعا تيٸس) ۇيىمداستىرادى.
جەبٸرلەنۋشٸ باعالاۋ جٷرگٸزٸلەتٸن ۋاقىت پەن ورىندى انىقتايدى, كەيٸن جەبٸرلەنۋشٸ باعالاۋ تۋرالى ەسەپپەن تانىسۋعا تيٸس.
5. ەكٸمدٸك باعالاۋشى قورىتىندى شىعارعاننان كەيٸن 3 جۇمىس كٷنٸ ٸشٸندە وبلىستىڭ, رەسپۋبليكالىق ماڭىزى بار قالانىڭ, استانانىڭ, اۋداننىڭ جەنە وبلىستىق ماڭىزى بار قالانىڭ بيۋدجەتٸن اتقارۋ جٶنٸندەگٸ ۋەكٸلەتتٸ ورگانمەن كەلٸسٸلگەن قاراجات بٶلۋ تۋرالى شەشٸم قابىلدايدى.
6. زارداپ شەككەندەرگە تٶلەم تيٸستٸ شەشٸم قابىلدانعاننان كەيٸن كٷنتٸزبەلٸك 30 كٷن ٸشٸندە جٷزەگە اسىرىلادى.
مٷلٸكتٸ تولىققاندى ەرٸ ساپالى باعالاۋ ٷشٸن ساراپشىلاردىڭ جۇمىسى سۋ تاسقىنى جاعدايى تۇراقتالىپ, ٷيلەر مەن اۋلا اۋماقتارىنان سۋ تولىعىمەن تارتىلعاننان كەيٸن باستالادى.
