قازاقستاندا سوڭعى تٶرت جىلدان بەرٸ جەكەشەلەندٸرۋدٸڭ ەكٸنشٸ كەزەڭٸ جٷرگٸزٸلٸپ كەلەدٸ. سودان نە ۇتتىق, نە ۇتىلدىق دەگەندٸ مەجٸلٸس دەپۋتاتى ايقىن قوڭىروۆ ايشىقتاپ بەرٸپ, پرەمەر-مينيستردٸڭ الدىنا جايىپ سالدى.
وسى جىلداردا 600-دەن ارتىق نىسان ساتىلىپتى. بٸراق سودان الىنعان ەكونوميكالىق تيٸمدٸلٸك جوقتىڭ قاسى ەكەن. ٶيتكەنٸ:
- بارلىق نىساننىڭ باعاسى 256 ملرد. تەڭگە بولعان. بۇل رەسپۋبليكالىق بيۋدجەت كٸرٸسٸنٸڭ 1 پايىزىنا دا جەتپەيدٸ. ونىڭ ٷستٸنە بۇل سومادان جەكەشەلەندٸرۋدٸ دايىنداعاندار مەن ٶتكٸزگەندەردٸڭ قوماقتى شىعىنان الىپ تاستاساق, ساتۋدان تٷسكەن تابىس سان سوقتىرادى.
- ساتىلعان نىسانداردىڭ 54 پايىزى ەلەۋمەتتٸك باعىتتاعى نىساندار (دەنساۋلىق ساقتاۋ, بٸلٸم جەنە ت.س.س.). بۇلار جەكەمەنشٸك سەكتوردان ەكونوميكالىق تيٸمدٸلٸك تٷسٸرمەيدٸ, تەك ٶزدەرٸنٸڭ شىعىندارىن جابۋ جەنە پايدا تابۋ ٷشٸن ولار قىزمەتتەرٸنٸڭ تاريفتەرٸن كٶتەرٸپ جٸبەرەرٸ حاق. سونداي-اق مەملەكەتتٸك ورگاندار مەن ۇلتتىق كومپانييالاردىڭ قىزمەت كٶرسەتۋ نىساندارى دا كٶپ ساتىلعان. بۇل دا بەسەكەلەستٸك ورتانى ارتتىرا المايدى, تەك ٶزدەرٸ عانا قىزمەت كٶرسەتٸپ, تاريفتەرٸن كٶتەرمەسە تٷسٸرمەيدٸ.
- جەكەشەلەندٸرۋ فوند رىنوگىن ارتتىرۋعا پايدا تيگٸزگەن جوق, ٶيتكەنٸ ساتىلعان 114 حولدينگتٸڭ 29 عانا اۋكتسيوندا العاشقى باعاسىنان اسا العان. قالعان 75 پايىزى (85 نىسان) العاشقى باعاسىنان ارزانداتىلىپ, ٶز باعاسىنان ەلدەقايدا ارزانعا كەتتٸ.
- جەكەشەلەندٸرۋگە شىعارىلعان بارلىق نىسانداردى ساتۋدىڭ قاجەتتٸلٸگٸن ەسكەرمەي, ارتىنان ويلانىپ 321 نىساننىڭ ساتىلۋى توقتاتىلدى. بۇل جەكەشەلەندٸرۋگە دايىندىقتىڭ تٶمەن بولعانىن كٶرسەتتٸ. ەيتەۋٸر ساتۋ كەرەك ەكەن دەپ بەرٸن تٸزٸمگە قوسا بەرگەن.
- جەكەشەلەندٸرسەك بولدى, ينۆەستيتسييا اعىلادى دەگەن دەمە ايدالادا قالدى. قازٸر جەكەشەلەندٸرٸلگەن نىساندارداعى ەكونوميكالىق بەلسەندٸلٸك تٶمەندەمەسە ارتقان جوق. مەملەكەتتٸڭ قاتىسىن قاي سالادا تٶمەندەتۋ كەرەكتٸگٸن دە ەشكٸم انىقتاپ, زەردەلەپ كٶرگەن ەمەس.
مٸنە, وسىنىڭ بەرٸ جەكەشەلەندٸرۋدٸڭ تىم اسىعىس جٷرگٸزٸلٸپ, ەيتەۋٸر كوماندا بولعان سوڭ ورىنداۋ كەرەك دەپ شەنەۋنٸكتەردٸڭ ەشتەڭەنٸ ەكشەمەگەنٸن كٶرسەتەدٸ. ونىڭ ٷستٸنە «قازاقينۆەست», قازاقتۋريزم» دەگەن تاعى دا اسا ٸرٸ ۇلتتىق كومپانييالار قۇرىلدى. وسىنىڭ ٶزٸ مەملەكەتتٸڭ ەكونوميكاعا ارالاسۋىن كٶبەيتە تٷسپەسە ازايتپاي وتىرعاندىعىنىڭ كٶرٸنٸسٸ.
وسى مەسەلەلەردٸ ەسكەرە كەلٸپ, ايقىن قوڭىروۆ باستاعان مەجٸلٸستەگٸ «حالىق كوممۋنيستەرٸ» پارتيياسى فراكتسيياسىنىڭ مٷشەلەرٸ جەكەشەلەندٸرۋدٸ قازٸرگٸدەي جٷرگٸزۋدٸ توقتاتىپ, ودان دا مەملەكەتتٸك اكتيۆتەردٸ باسقارۋدىڭ جەتٸلدٸرٸلگەن تۇجىرىمىن جاساۋ كەرەكتٸگٸن ۇسىنىپ وتىر.
س.ەلەۋ, ساراپشى
