پرەزيدەنت قاسىم-جومارت توقاەۆ الماتىدا ٶتٸپ جاتقان «قازاقستان – قىتاي» ينۆەستيتسييالىق فورۋمىندا ەكٸ ەل اراسىنداعى ساۋدا-ەكونوميكالىق بايلانىستاردى ودان ەرٸ دامىتۋ باعىتتارىنا توقتالدى, دەپ حابارلايدى ult.kz.
فورۋم باستالار الدىندا جيىنعا قاتىسۋشىلار ماڭعىستاۋ وبلىسىنداعى قايعىلى وقيعا سالدارىنان قازا تاپقان ەسكەري قىزمەتشٸلەردٸ بٸر مينۋت ٷنسٸزدٸكپەن ەسكە الدى.
مەملەكەت باسشىسى قازاقستان مەن قىتاي اراسىنداعى ستراتەگييالىق سەرٸكتەستٸكتٸڭ جاڭا كەزەڭگە قادام باسقانىن اتاپ ٶتتٸ.
«بٷگٸندە قازاق-قىتاي قارىم-قاتىناسى ساپالىق تۇرعىدان جاڭا دەڭگەيگە كٶتەرٸلدٸ دەپ ايتۋعا بولادى. بٸز مەڭگٸلٸك دوس ەرٸ سەنٸمدٸ سەرٸكتەس رەتٸندە ىنتىماقتاستىعىمىزدىڭ جاڭا “التىن 30 جىلدىق” كەزەڭٸنە قادام باسىپ جاتىرمىز», – دەدٸ پرەزيدەنت.
قاسىم-جومارت توقاەۆتىڭ ايتۋىنشا, قىتاي – قازاقستاننىڭ ەڭ ٸرٸ ساۋدا سەرٸكتەسٸ. بىلتىر ەكٸ ەل اراسىنداعى تاۋار اينالىمى شامامەن 50 ملرد دوللارعا جەتكەن. ٷكٸمەتتەر بۇل كٶرسەتكٸشتٸ 100 ملرد دوللارعا دەيٸن جەتكٸزۋ باعىتىندا جۇمىس ٸستەپ جاتىر.
سونىمەن قاتار قىتاي قازاقستان ەكونوميكاسىنا 29 ملرد دوللاردان استام ينۆەستيتسييا قۇيعان. قازٸر ەلٸمٸزدە قىتايدىڭ قاتىسۋىمەن 9 مىڭنان استام كەسٸپورىن جۇمىس ٸستەيدٸ.
پرەزيدەنت ٶنەركەسٸپ, تسيفرلاندىرۋ, «اقىلدى قالالار», سپۋتنيكتٸك تەحنولوگييالار, اۋىل شارۋاشىلىعى, دەنساۋلىق ساقتاۋ جەنە بٸلٸم بەرۋ سالالارىنداعى ىنتىماقتاستىقتىڭ دا نىعايىپ كەلە جاتقانىن ايتتى.
توقاەۆ ينۆەستيتسييالىق احۋالدى جاقسارتۋ ٷشٸن ينۆەستورلاردىڭ قۇقىقتارىن قورعاۋعا ەرەكشە مەن بەرٸلەتٸنٸن اتاپ ٶتتٸ. وسى ماقساتتا باس پروكۋراتۋرا جانىنان ينۆەستورلاردىڭ قۇقىقتارىن قورعاۋ كوميتەتٸ قۇرىلعانىن, ال باس پروكۋرورعا ينۆەستيتسييالىق ومبۋدسمەن مٸندەتتەرٸ جٷكتەلگەنٸن جەتكٸزدٸ.
ورتا دەلٸزدٸ دامىتۋعا باسىمدىق بەرٸلمەك
مەملەكەت باسشىسى قازاقستان مەن قىتاي اراسىنداعى سەرٸكتەستٸكتٸڭ نەگٸزگٸ باعىتتارىنىڭ بٸرٸ كٶلٸك-لوگيستيكا سالاسى ەكەنٸن ايتتى.
ونىڭ سٶزٸنشە, ليانيۋنگاننان اقتاۋعا دەيٸن قىتاي جاعالاۋىن كاسپييمەن بايلانىستىراتىن لوگيستيكالىق توراپتار جەلٸسٸ قالىپتاسىپ كەلەدٸ. ال چەندۋ قالاسىنداعى قازاق-قىتاي تەرمينالى وسى باعىتتاعى ماڭىزدى بۋىنعا اينالماق.
«ازييا مەن ەۋروپا اراسىنداعى زاماناۋي كٶلٸك بايلانىسىن تٷزەتٸن ورتا دەلٸزدٸ ٶركەندەتۋدٸ ايرىقشا مٸندەت دەپ سانايمىز», – دەدٸ قاسىم-جومارت توقاەۆ.
پرەزيدەنتتٸڭ ايتۋىنشا, 2029 جىلعا قاراي قىتايدان ەۋروپاعا قاتىنايتىن كونتەينەرلٸ پويىزداردىڭ سانى 3 مىڭعا دەيٸن جەتۋٸ مٷمكٸن. بۇل قازاقستاننىڭ جاھاندىق لوگيستيكا جٷيەسٸندەگٸ رٶلٸن كٷشەيتەدٸ.
سونداي-اق بيىل تامىزدا ارال – كاسپيي اۆتوماگيسترالٸنٸڭ قۇرىلىسى باستالعان. جاڭا جول شىعىس – باتىس باعىتىنداعى تاسىمال كٶلەمٸن ارتتىرۋعا مٷمكٸندٸك بەرەدٸ.
تاياۋ ۋاقىتتا مويىنتى – قىزىلجار جەنە باقتى – اياگٶز تەمٸرجولدارىنىڭ قۇرىلىسى اياقتالاتىنى ايتىلدى.
بۇدان بٶلەك, «اقىلدى شەكارا» پيلوتتىق جوباسى اياسىندا تسيفرلىق تەحنولوگييالار ەنگٸزٸلٸپ جاتىر. قىتايلىق Minmetals Logistics كورپوراتسيياسىمەن بٸرلەسٸپ جٷرگٸزۋشٸسٸز كٶلٸك تەحنولوگييالارى مەن تسيفرلىق شەشٸمدەر قولدانىلاتىن لوگيستيكا دەلٸزٸن قۇرۋ جوسپارلانعان.
پرەزيدەنت ازاماتتىق اۆياتسييا سالاسىنداعى بايلانىستارعا دا توقتالدى. بيىل الماتى – سيان, الماتى – شانحاي, استانا – گۋانچجوۋ جەنە اقتاۋ – ٷرٸمجٸ باعىتتارى بويىنشا جاڭا ەۋە رەيستەرٸ اشىلعان. وسى اپتادا الماتى مەن چۋنتسين قالالارىن تٸكەلەي بايلانىستىراتىن العاشقى جولاۋشىلار رەيسٸ ٸسكە قوسىلعان.
