سۋرەت: اقوردا
مەملەكەت باسشىسى قاسىم-جومارت توقاەۆ بۇقارالىق اقپارات قۇرالدارى قىزمەتكەرلەرٸن مەرەكەسٸمەن قۇتتىقتادى.
"قۇرمەتتٸ جۋرناليستەر!
بۇقارالىق اقپارات قۇرالدارىنىڭ قىزمەتكەرلەرٸ!
سٸزدەردٸ كەسٸبي مەرەكەلەرٸڭٸزبەن قۇتتىقتايمىن! ەلٸمٸزدٸڭ بۇقارالىق اقپارات قۇرالدارى قوعام ساناسىن جاڭعىرتىپ, ۇلت تۇتاستىعىن نىعايتۋ جولىندا ايرىقشا رٶل اتقارادى. باسپاسٶز سالاسىن دامىتۋ, سونداي-اق جۋرناليستەردٸڭ قۇقىقتارى مەن زاڭدى مٷددەلەرٸن قورعاۋ – مەملەكەتتٸڭ ماڭىزدى مٸندەتٸنٸڭ بٸرٸ.
قازاق جۋرناليستيكاسىنىڭ تاعىلىمدى تاريحى, اعا بۋىن قالىپتاستىرعان ەرەكشە قولتاڭباسى بار. بٸز ونىڭ باي شەجٸرەسٸ مەن اعارتۋشىلىق دەستٷرٸن بارىنشا ساقتاۋىمىز قاجەت. بٷگٸنگٸ اقپارات سالاسىنىڭ ٶكٸلدەرٸ وسى ساباقتاستىقتى لايىقتى جالعاستىرىپ, ٶزٸنە جٷكتەلگەن جاۋاپتى ميسسييانى ابىرويمەن اتقارىپ كەلەدٸ.
سٸزدەر قاي كەزدە دە حالىققا شىنايى ەرٸ جەدەل حابار تاراتىپ, كەسٸبي بٸلٸكتٸلٸكتٸڭ وزىق ٷلگٸسٸن كٶرسەتٸپ جٷرسٸزدەر. بولاشاقتا دا ەلدٸك مەسەلەلەردٸ كٶتەرٸپ, ۇلتتىق قۇندىلىقتاردى ناسيحاتتاۋعا بەلسەنە اتسالىسا بەرەسٸزدەر دەپ سەنەمٸن. بارشاڭىزعا باق-بەرەكە, تولاعاي تابىس, شىعارماشىلىق شابىت تٸلەيمٸن!", - دەپ جازىلعان پرەزيدەنت قۇتتىقتاۋىندا.
