قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸنٸڭ تەلەكوممۋنيكاتسييالار كوميتەتٸ ابونەنتكە تٸركەلمەگەن SIM كارتا تاراتقان ۇيالى وپەراتورلاردىڭ كەيبٸر ديللەرلەرٸن تەكسەرۋدٸ اياقتادى, دەپ حابارلايدى "ۇلت اقپارات".
نەتيجەسٸندە 4 ساۋدا نٷكتەسٸنە, سونىڭ ٸشٸندە «تەحنودوم» جەنە «مەچتا» ەلەكترونيكا دٷكەندەرٸنە ايىپپۇل سالىندى. تەلەكوممۋنيكاتسييالار كوميتەتٸ ەلٸمٸزدە 42 ملن SIM كارتا ساتىلعانىن انىقتادى. ەگەر ولاردى حالىق سانىنا بٶلسە, ەرقايسىسىنا 2-3 ابونەنت نٶمٸرٸنەن كەلەدٸ. بٸراق, ٸس جٷزٸندە بەرٸ باسقاشا.
«جاقىندا ٸسكە قوسىلعان ارنايى سەرۆيس ارقىلى ازاماتتار بٸرنەشە مىڭ نٶمٸردٸڭ يەسٸ ەكەنٸن انىقتاۋدا. ەرينە, بۇل ازاماتتار سول نٶمٸرلەر ارقىلى كٸمنٸڭ, قايدا جەنە نە ٷشٸن قوڭىراۋ شالعانىنان حابارسىز. سول سەبەپتٸ بايلانىس وپەراتورىنا حابارلاسىپ, بەلگٸسٸز نٶمٸرلەردٸ بۇعاتتايدى. ال, بۇعاتتالعان SIM كارتانىڭ پايدالانۋشىلارى بايلانىسسىز قالادى. سوندىقتان دا بٸز قازاقستاندىقتاردىڭ قۇقىقتارىن قورعاۋ ٷشٸن وسىنداي تەكسەرۋ جٷرگٸزۋ قاجەت دەپ ەسەپتەيمٸز», - دەدٸ كوميتەت تٶراعاسى ۆيتاليي ياروشەنكو.
سونىمەن قاتار, مينيسترلٸك ٶكٸلٸ بۇل مەسەلەدە ازاماتتاردىڭ دا جاۋاپكەرشٸلٸك تانىتۋى ماڭىزدى ەكەنٸن اتاپ ٶتتٸ.
«ابونەنتتٸك نٶمٸردٸ ساتىپ العان كەزدە ازاماتتار شارت جاساۋدى تالاپ ەتۋٸ, ٶز مٷددەلەرٸن قورعاۋى تيٸس. ٶيتكەنٸ ديلەرلەر كٶبٸنەسە ٶز ەرەكەتتەرٸنٸڭ زاڭسىز ەكەنٸن بٸلەدٸ جەنە ازاماتتاردىڭ اڭعالدىعىن پايدالانادى. سوندىقتان, SIM كارتانى ساتىپ الۋ بارىسىندا تٸركەۋدٸ ۇسىنباسا ٶزٸڭٸز تالاپ ەتٸڭٸز», - دەيدٸ ياروشەنكو.
تەلەكوممۋنيكاتسييالار كوميتەتٸنٸڭ تٶراعاسى «زاڭسىز» SIM كارتانىڭ نارىعىن جويۋ جٶنٸندەگٸ جۇمىستاردىڭ جالعاساتىنىن ايتتى.
ەسكە سالا كەتسەك, بۇعان دەيٸن تاتالمىش كوميتەت ۇيالى بايلانىس قىزمەتٸنٸڭ ٷزٸلۋ سەبەبٸن اتاعان بولاتىن.
