فوتو: pixabay.com
كەشە, 3 قازاندا سەنات وتىرىسىندا دەپۋتات گەنناديي شيپوۆسكيح TikTok ەلەۋمەتتٸك جەلٸسٸن ىقتيمال قاۋٸپتٸ دەپ اتاپ, بٸرقاتار شارت قويىپ, ولار ورىندالماعان جاعدايدا پلاتفورمانى بۇعاتتاۋدى ۇسىندى.
Ult.kz باسىلىمى سەناتتا ايتىلعان پلاتفورمانى سىناۋ جاعدايى بويىنشا TikTok باسپاسٶز قىزمەتٸنەن تٷسٸنٸكتەمە سۇراپتى.
جاۋاپتا جەرگٸلٸكتٸ قاۋىمداستىقتىڭ قاۋٸپسٸزدٸگٸ TikTok ٷشٸن بٸرٸنشٸ كەزەكتەگٸ باسىمدىعى ەكەنٸ ايتىلعان.
"TikTok پلاتفورماسىندا ٶشپەندٸلٸك نەگٸزٸندەگٸ ەرەكەتتەرگە, جەككٶرۋشٸلٸك يدەولوگييالارىن ناسيحاتتاۋعا, سونداي-اق زورلىق-زومبىلىق پەن ٶشپەندٸلٸكتٸ ناسيحاتتايتىن تۇلعالار مەن ۇيىمداردىڭ بولۋىنا جول بەرٸلمەيدٸ. بٸز مۇنداي كونتەنتتٸ جويامىز", - دەلٸنگەن رەسمي مەلٸمدەمەدە.
سونىمەن قاتار كومپانييا TikTok 13 جاسقا دەيٸنگٸ قولدانۋشىلارعا ارنالماعانىن مەلٸمدەدٸ.
"2024 جىلدىڭ قاڭتارىنان تامىزىنا دەيٸن TikTok قازاقستاندا 13 جاستان كٸشٸ پايدالانۋشىلارعا تيەسٸلٸ 1 239 635 اككاۋنتتى جويدى, ال ٶتكەن جىلدىڭ ٸشٸندە ولاردىڭ سانى 1 842 467 اككاۋنتقا جەتتٸ", - دەپ اتاپ ٶتتٸ جەلٸ ٶكٸلدەرٸ.
ايتا كەتەيٸك, قازٸرگٸ كەزدە بۇل ەلەۋمەتتٸك جەلٸ ەلدە ٷلكەن تانىمالدىققا يە, 2024 جىلى قازاقستاندا 20,1 ميلليون حالىقتىڭ 14 ميلليونى TikTok قولدانۋشىسى بولىپ وتىر. بۇعان دەيٸن اتالعان جەلٸنٸڭ قاۋٸپسٸزدٸك ساياساتى تۋرالى ماقالا جارييالاعان ەدٸك.
