Foto: pixabay.com
Keshe, 3 qazanda Senat otyrysynda depýtat Gennadii Shipovskih TikTok áleýmettik jelisin yqtimal qaýipti dep atap, birqatar shart qoiyp, olar oryndalmaǵan jaǵdaida platformany buǵattaýdy usyndy.
Ult.kz basylymy Senatta aitylǵan platformany synaý jaǵdaiy boiynsha TikTok baspasóz qyzmetinen túsinikteme surapty.
Jaýapta jergilikti qaýymdastyqtyń qaýipsizdigi TikTok úshin birinshi kezektegi basymdyǵy ekeni aitylǵan.
"TikTok platformasynda óshpendilik negizindegi áreketterge, jekkórýshilik ideologiialaryn nasihattaýǵa, sondai-aq zorlyq-zombylyq pen óshpendilikti nasihattaityn tulǵalar men uiymdardyń bolýyna jol berilmeidi. Biz mundai kontentti joiamyz", - delingen resmi málimdemede.
Sonymen qatar kompaniia TikTok 13 jasqa deiingi qoldanýshylarǵa arnalmaǵanyn málimdedi.
"2024 jyldyń qańtarynan tamyzyna deiin TikTok Qazaqstanda 13 jastan kishi paidalanýshylarǵa tiesili 1 239 635 akkaýntty joidy, al ótken jyldyń ishinde olardyń sany 1 842 467 akkaýntqa jetti", - dep atap ótti jeli ókilderi.
Aita keteiik, qazirgi kezde bul áleýmettik jeli elde úlken tanymaldyqqa ie, 2024 jyly Qazaqstanda 20,1 million halyqtyń 14 milliony TikTok qoldanýshysy bolyp otyr. Buǵan deiin atalǵan jeliniń qaýipsizdik saiasaty týraly maqala jariialaǵan edik.
