استانادا قىتايدىڭ دەستٷرلٸ كٷز ورتاسى مەرەكەسٸنە جەنە قىتاي حالىق رەسپۋبليكاسىنىڭ قۇرىلعانىنا 77 جىل تولۋىنا وراي «تيانيا گۋن تسى شي» اتتى مەرەكەلٸك كونتسەرت ٶتتٸ, دەپ حابارلايدى ult.kz.
قازاقستان مەن قىتاي اراسىنداعى مەدەني الماسۋ مەن دوستىق بايلانىستاردى ودان ەرٸ نىعايتۋعا ارنالعان كونتسەرتتٸ استاناداعى قىتاي مەدەني ورتالىعى چۋنتسين قالاسىنىڭ وپەرا تەاترىمەن بٸرلەسٸپ ۇيىمداستىردى.
مەرەكەلٸك شارا قىتاي حالىق رەسپۋبليكاسىنىڭ مەدەنيەت جەنە تۋريزم مينيسترلٸگٸ مەن چۋنتسين قالاسىنىڭ حالىق ٷكٸمەتٸ باستاماسىمەن جٷزەگە اسقان جوبا اياسىندا ٶتتٸ. ٸس-شارانى استاناداعى قىتاي مەدەني ورتالىعى قازاقستانداعى قىتاي ەلشٸلٸگٸنٸڭ قولداۋىمەن ۇيىمداستىردى. ال كونتسەرتتٸڭ ٶتۋٸنە قازاقستان رەسپۋبليكاسىنىڭ مەدەنيەت جەنە اقپارات مينيسترلٸگٸ مەن قاليبەك قۋانىشباەۆ اتىنداعى قازاق ۇلتتىق مۋزىكالىق-دراما تەاترى جان-جاقتى قولداۋ كٶرسەتتٸ.
كەشتٸ اشقان قىتايدىڭ قازاقستانداعى ەلشٸسٸ حان چۋنلين مىرزا مەرەكەنٸڭ ەرەكشە مەنٸنە توقتالدى.
«التىن كٷز سالقىن سامالىن ەكەلٸپ, تٷنگٸ اسپاندا تولىق اي جارقىرايدى. ال جٸبەك جولىنىڭ كەشكٸ سامالى ٶزٸمەن بٸرگە شىنايى دوستىقتىڭ جىلۋىن جەتكٸزگەندەي», — دەدٸ حان چۋنلين.
ول سونداي-اق كونتسەرتتٸ ۇيىمداستىرۋعا قولداۋ كٶرسەتكەن قازاقستان رەسپۋبليكاسىنىڭ مەدەنيەت جەنە اقپارات مينيسترلٸگٸنە العىس بٸلدٸردٸ.
ٶز كەزەگٸندە قازاقستان رەسپۋبليكاسى مەدەنيەت جەنە اقپارات ۆيتسە-مينيسترٸ ايبەك سىدىقوۆ كونتسەرتتٸڭ ماڭىزىنا توقتالىپ, قىتايدىڭ ۇلتتىق مەرەكەسٸ مەن كٷز ورتاسى مەرەكەسٸنە وراي ٸزگٸ تٸلەگٸن جەتكٸزدٸ.
«بٷگٸنگٸ «بٸر اسپان استىنداعى ورتاق سەت» اتتى كٷزگٸ كونتسەرتتٸڭ اشىلۋىمەن شىن جٷرەكتەن قۇتتىقتايمىن! سونداي-اق قىتايدىڭ بارلىق قۇرمەتتٸ قوناقتارى مەن دوستارىنا قىتايدىڭ ۇلتتىق مەرەكەسٸ جەنە كٷز ورتاسى مەرەكەسٸ (چجۋنتسيۋ) وراي شىنايى ٸزگٸ تٸلەكتەرٸمدٸ بٸلدٸرەمٸن!» — دەدٸ ۆيتسە-مينيستر ٶز سٶزٸندە.
«تيانيا گۋن تسى شي» كونتسەرتٸ قازاقستان مەن قىتايدىڭ مەدەنيەت جىلدارى باعدارلاماسىنىڭ بٸر بٶلٸگٸ بولدى. شارانىڭ نەگٸزگٸ ماقساتى – ەكٸ ەل اراسىنداعى مەدەني بايلانىستاردى, ٶزارا تٷسٸنٸستٸك پەن حالىقتار اراسىنداعى دوستىقتى نىعايتۋ.
چۋنتسين قالاسىنىڭ مەدەنيەت جەنە تۋريزمدٸ دامىتۋ كوميتەتٸ تٶراعاسىنىڭ ورىنباسارى لو سياوچۋن كونتسەرتتٸڭ قازاقستان مەن قىتاي اراسىنداعى مەدەني ٶزارا ٸس-قيمىلدىڭ جالعاسى ەكەنٸن اتاپ ٶتتٸ.
«بٷگٸنگٸ ورتا كٷز مەرەكەسٸنە ارنالعان كونتسەرت – ەكٸ ەل باسشىلارى اراسىنداعى ماڭىزدى ۋاعدالاستىقتاردىڭ ناقتى جٷزەگە اسۋىنىڭ جارقىن كٶرٸنٸسٸ ەرٸ مەدەنيەت جىلىنىڭ پراكتيكالىق جالعاسى», — دەدٸ ول.
كونتسەرتكە قازاقستان مەن قىتايدىڭ تٷرلٸ سالالارىنداعى جوعارى لاۋازىمدى ٶكٸلدەر, سونداي-اق بٸرقاتار مەملەكەتتەردٸڭ ەلشٸلەرٸ قاتىستى.
كەش قوناقتارىنا قىتايدىڭ مۋزىكالىق ٶنەرٸنٸڭ بايلىعى مەن سان الۋاندىعىن تانىتاتىن ارنايى باعدارلاما ۇسىنىلدى. استانا كٶرەرمەندەرٸ الدىندا ەيگٸلٸ چۋنتسين وپەرا تەاترىنىڭ ٶنەرپازدارى ٶنەر كٶرسەتتٸ.
كونتسەرتتٸڭ شىمىلدىعى قازاقتىڭ «جٷرەك» حالىق ەنٸ مەن قىتايدىڭ «كٷن قۋانىشپەن كٶتەرٸلەدٸ» اتتى حالىق ەنٸ نەگٸزٸندە ورىندالعان ەسەرلٸ دۋەتپەن اشىلدى. ەكٸ ەلدٸڭ ەندەرٸن توعىستىرعان العاشقى مۋزىكالىق نٶمٸر كەشتٸڭ نەگٸزگٸ مازمۇنىن ايقىنداعانداي بولدى.
فوتو: ult.kz
ودان كەيٸن ٶنەرپازدار قازاقتىڭ «انا», «تۋعان جەردٸڭ بۇلتتارى» ەندەرٸن ورىنداپ, ۇيعىر ەندەرٸنەن دە شاشۋ شاتى. ٶنەرپازدار كٶرەرمەندەرگە قىتايدىڭ حالىق شىعارماشىلىعىنان بٸرقاتار مۋزىكالىق تۋىندىلاردى ۇسىندى. ولار ەسترادالىق ەندەر ايتىپ, دەستٷرلٸ اسپاپتاردا مۋزىكالىق شىعارمالار ورىندادى.
فوتو: ult.kz
مەرەكەلٸك كونتسەرت قىتايدىڭ دەستٷرلٸ مەدەنيەتٸن تانىستىرۋمەن قاتار, قازاقستان مەن قىتاي اراسىنداعى مەدەني-گۋمانيتارلىق ىنتىماقتاستىقتى دامىتۋعا باعىتتالعان كەزەكتٸ ماڭىزدى شارا بولدى.
فوتو: ult.kz
فوتو: ult.kz
كٷز ورتاسى مەرەكەسٸ, قىتاي تٸلٸندە چجۋنتسيۋتسزە دەپ اتالاتىن بۇل مەيرام قىتاي حالقى ەرەكشە قادٸر تۇتاتىن دەستٷرلٸ مەرەكەلەردٸڭ بٸرٸ سانالادى. ول اي كٷنتٸزبەسٸ بويىنشا سەگٸزٸنشٸ ايدىڭ 15-كٷنٸندە اتالىپ ٶتەدٸ. بيىل كٷز ورتاسى مەرەكەسٸ 25 قىركٷيەككە سەيكەس كەلەدٸ.
مەرەكە ەڭ الدىمەن تولعان ايدى تاماشالاۋ, وتباسى مٷشەلەرٸنٸڭ باسىن قوسۋ جەنە جاقىندارىنا اماندىق, بەرەكە مەن مولشىلىق تٸلەۋ دەستٷرلەرٸمەن بايلانىستى. قىتاي مەدەنيەتٸندە تولىق اي وتباسىنىڭ تۇتاستىعى مەن ادامداردىڭ بٸرلٸگٸن بٸلدٸرەتٸن ەرەكشە نىشان سانالادى.
چجۋنتسيۋتسزەنٸڭ باستى سيمۆولدارىنىڭ بٸرٸ – يۋەبين دەپ اتالاتىن دٶڭگەلەك پٸشٸندٸ اي بەلٸشتەرٸ. ونىڭ دٶڭگەلەك فورماسى تولىق ايدى بەينەلەپ, وتباسى بٸرلٸگٸ مەن باقىتتىڭ بەلگٸسٸ رەتٸندە قابىلدانادى. مەرەكە كەزٸندە مۇنداي تەتتٸلەردٸ وتباسى مٷشەلەرٸ بٸرگە بٶلٸسٸپ, بٸر-بٸرٸنە ٸزگٸ تٸلەكتەرٸن بٸلدٸرەدٸ.
فوتو: ult.kz
فوتو: ult.kz
بيىل كٷز ورتاسى مەرەكەسٸنٸڭ ماڭىزى قىتاي ٷشٸن تاعى بٸر ايتۋلى كٷنمەن ساباقتاسىپ وتىر. اتاپ ايتقاندا, 1 قازاندا قىتاي حالىق رەسپۋبليكاسىنىڭ قۇرىلعانىنا 77 جىل تولادى. وسىعان بايلانىستى بيىلعى مەرەكەلٸك شارالاردا دەستٷرلٸ مەدەني قۇندىلىقتارمەن قاتار, ەلدٸڭ ماڭىزدى تاريحي داتاسى دا كەڭٸنەن اتالىپ ٶتۋدە.
