فوتو:تجم
بٷگٸن قر سۋ رەسۋرستارى جەنە يرريگاتسييا مينيسترلٸگٸنٸڭ رەسمي ٶكٸلٸ مٶلدٸر ەبدۋاليەۆا قازاقستانداعى ٶزەندەر مەن كٶلدەرگە تاسقىن سۋلاردى جٸبەرۋ تۋرالى مەلٸمدەدٸ دەپ حابارلايدى "ۇلت اقپارات".
"سۋ رەسۋرستارى جەنە يرريگاتسييا مينيسترلٸگٸ كاسپيي تەڭٸزٸنە شامامەن 1 ملرد تەكشە مەتر تاسقىن سۋىن جٸبەردٸ. ول ٷشٸن اتىراۋ وبلىسىنىڭ قازسۋشار فيليالى 4 ارنانى: باقساي, نارىن, چەرنايا رەچكا جەنە سوكولوك پايدالانادى. جالپى, بۇل ارنالار تەۋلٸگٸنە 12 ميلليون تەكشە مەترگە دەيٸن سۋ ٶتكٸزە الادى. ولاردىڭ ەرقايسىسىندا «قازسۋشار» ماماندارى تازارتۋ, نىعايتۋ جەنە باسقا دا جۇمىستار جٷرگٸزدٸ. مىسالى, سوكولوك كانالىنىڭ بويىندا ۇزىندىعى 14,5 شاقىرىم قوسىمشا ارنا قازىلدى, ول ارقىلى تاسقىن سۋى كاسپييگە جٸبەرٸلەدٸ. بٷگٸنگٸ تاڭدا مينيسترلٸكتٸڭ باستى مٸندەتتەرٸنٸڭ بٸرٸ - تاسقىن سۋىن كٶلدەر مەن ٶزەندەرگە جٸبەرۋ. ماماندار بالقاش كٶلٸنە دە سۋ جٸبەرۋ جۇمىسىن جالعاستىرۋدا. كٶلگە قاپشاعاي سۋ قويماسىنان شامامەن 2,5 ملرد تەكشە مەتر جٸبەرٸلدٸ", -دەدٸ م. ەبدۋاليەۆا.
سونداي-اق, ۆەدومستۆو رەسەيدەن كەلگەن 30 ملن تەكشە مەتر سۋدى باتىس قازاقستان وبلىسىنىڭ قامىس-سامار كٶلدەرٸنە دە جٸبەرٸپ جاتىر ەكەن. مينيسترلٸك ٶكٸلٸنٸڭ سٶزٸنشە, اتالعان كٶلدەر جٷيەسٸنە سوڭعى 20 جىلدا سۋ بارماعان.
"سوڭعى جىلدارى كەۋٸپ قالعان باتىس قازاقستان وبلىسىنىڭ ەدٸلسور, جالتىركٶل, بٸرقازان, سوركٶل, سالتانات جەنە باسقا دا سۋ ايدىندارىنا سۋ جٸبەرۋ جۇمىستارى باستالدى. سونىمەن قاتار, قىزىلوردا وبلىسىنىڭ تەلٸكٶل كٶلدەر جٷيەسٸنٸڭ قارقىندى سۋ جيناعانى بايقالادى. بۇعان ۇلىتاۋ وبلىسىنىڭ كەڭگٸر سۋ قويماسىنان بۇرىن-سوڭدى بولماعان ٷلكەن كٶلەمدە تاسقىن سۋىن جٸبەرۋدٸڭ ارقاسىندا قول جەتكٸزٸلدٸ", -دەدٸ مٶلدٸر ەبدۋاليەۆا.
