Foto:TJM
Búgin QR Sý resýrstary jáne irrigatsiia ministrliginiń resmi ókili Móldir Ábdýalieva Qazaqstandaǵy ózender men kólderge tasqyn sýlardy jiberý týraly málimdedi dep habarlaidy "Ult Aqparat".
"Sý resýrstary jáne irrigatsiia ministrligi Kaspii teńizine shamamen 1 mlrd tekshe metr tasqyn sýyn jiberdi. Ol úshin Atyraý oblysynyń Qazsýshar filialy 4 arnany: Baqsai, Naryn, Chernaia rechka jáne Sokolok paidalanady. Jalpy, bul arnalar táýligine 12 million tekshe metrge deiin sý ótkize alady. Olardyń árqaisysynda «Qazsýshar» mamandary tazartý, nyǵaitý jáne basqa da jumystar júrgizdi. Mysaly, Sokolok kanalynyń boiynda uzyndyǵy 14,5 shaqyrym qosymsha arna qazyldy, ol arqyly tasqyn sýy Kaspiige jiberiledi. Búgingi tańda ministrliktiń basty mindetteriniń biri - tasqyn sýyn kólder men ózenderge jiberý. Mamandar Balqash kóline de sý jiberý jumysyn jalǵastyrýda. Kólge Qapshaǵai sý qoimasynan shamamen 2,5 mlrd tekshe metr jiberildi", -dedi M. Ábdýalieva.
Sondai-aq, vedomstvo Reseiden kelgen 30 mln tekshe metr sýdy Batys Qazaqstan oblysynyń Qamys-Samar kólderine de jiberip jatyr eken. Ministrlik ókiliniń sózinshe, atalǵan kólder júiesine sońǵy 20 jylda sý barmaǵan.
"Sońǵy jyldary keýip qalǵan Batys Qazaqstan oblysynyń Edilsor, Jaltyrkól, Birqazan, Sorkól, Saltanat jáne basqa da sý aidyndaryna sý jiberý jumystary bastaldy. Sonymen qatar, Qyzylorda oblysynyń Telikól kólder júiesiniń qarqyndy sý jinaǵany baiqalady. Buǵan Ulytaý oblysynyń Keńgir sý qoimasynan buryn-sońdy bolmaǵan úlken kólemde tasqyn sýyn jiberýdiń arqasynda qol jetkizildi", -dedi Móldir Ábdýalieva.
