اقمولا وبلىسىندا پوليتسييا ٸرٸ ەسٸرتكٸ جەتكٸزۋ ارناسىنىڭ جولىن كەسٸپ, زاڭسىز اينالىمنان سينتەتيكالىق ەسٸرتكٸنٸڭ ٸرٸ پارتيياسىن تەركٸلەدٸ. ٸشكٸ ٸستەر مينيسترلٸگٸنٸڭ مەلٸمەتٸنشە, تەركٸلەنگەن زاتتاردىڭ قارا نارىقتاعى قۇنى شامامەن 30 ملن تەڭگەنٸ قۇرايدى, دەپ حابارلايدى ult.kz.
تەكسەرۋ بارىسىندا وبلىستىڭ 47 جاستاعى تۇرعىنى تىيىم سالىنعان زاتتاردى ساقتاپ, ولاردى بۋىپ-تٷيۋمەن اينالىسقانى انىقتالعان.
جەدەل-ٸزدەستٸرۋ ٸس-شارالارى نەتيجەسٸندە كٷدٸكتٸ وبلىس ورتالىعى اۋماعىندا ۇستالدى. ونىڭ اۆتوكٶلٸگٸن تٸنتۋ كەزٸندە پسيحوتروپتىق زات سالىنعان ەكٸ پوليەتيلەن پاكەت تابىلىپ, تەركٸلەندٸ.
تەرگەۋ بارىسىندا كٷدٸكتٸنٸڭ كٶكشەتاۋعا سينتەتيكالىق ەسٸرتكٸنٸڭ ٸرٸ پارتيياسىن جەتكٸزٸپ, ونى شاعىن مٶلشەرلەرگە بٶلٸپ, ەرٸ قاراي كۋرەرلەر ارقىلى تاراتۋدى جوسپارلاعانى بەلگٸلٸ بولدى.
اتالعان فاكتٸ بويىنشا سوتقا دەيٸنگٸ تەرگەۋ باستالدى. قاجەتتٸ ساراپتامالار تاعايىندالىپ, قىلمىستىڭ بارلىق مەن-جايى مەن كٷدٸكتٸنٸڭ ىقتيمال سىبايلاستارى انىقتالىپ جاتىر.
