Aqmola oblysynda politsiia iri esirtki jetkizý arnasynyń jolyn kesip, zańsyz ainalymnan sintetikalyq esirtkiniń iri partiiasyn tárkiledi. Ishki ister ministrliginiń málimetinshe, tárkilengen zattardyń qara naryqtaǵy quny shamamen 30 mln teńgeni quraidy, dep habarlaidy ult.kz.
Tekserý barysynda oblystyń 47 jastaǵy turǵyny tyiym salynǵan zattardy saqtap, olardy býyp-túiýmen ainalysqany anyqtalǵan.
Jedel-izdestirý is-sharalary nátijesinde kúdikti oblys ortalyǵy aýmaǵynda ustaldy. Onyń avtokóligin tintý kezinde psihotroptyq zat salynǵan eki polietilen paket tabylyp, tárkilendi.
Tergeý barysynda kúdiktiniń Kókshetaýǵa sintetikalyq esirtkiniń iri partiiasyn jetkizip, ony shaǵyn mólsherlerge bólip, ári qarai kýrerler arqyly taratýdy josparlaǵany belgili boldy.
Atalǵan fakti boiynsha sotqa deiingi tergeý bastaldy. Qajetti saraptamalar taǵaiyndalyp, qylmystyń barlyq mán-jaiy men kúdiktiniń yqtimal sybailastary anyqtalyp jatyr.
