تارازدا كٷيەۋ بالاسى ەنەسٸنٸڭ ٷيٸن توناپ, قاجىلىققا جيناعان اقشاسىن الىپ كەتكەن

تارازدا كٷيەۋ بالاسى قايىن ەنەسٸنٸڭ ٷيٸن تونادى, دەپ حابارلايدى قازاقپارات جامبىل وبلىستىق پوليتسييا دەپارتامەنتٸنە سٸلتەمە جاساپ.

تاراز قالاسىنىڭ پوليتسييا بٶلٸمٸنە 66 جاستاعى ەيەل حابارلاسىپ, ٷيٸ تونالعانىن جەتكٸزگەن. 

شامامەن ساعات 00:20-دا بەلگٸسٸز ەر ادام ٷيٸنە باسا-كٶكتەپ كٸرٸپ, قورقىتىپ, 2450 اقش دوللارىن, 100 000 تەڭگەسٸن, 2 التىن ساقيناسى مەن ۇيالى تەلەفونىن اشىق تٷردە الىپ كەتكەن. 

جەبٸرلەنۋشٸ ەيەلدٸڭ ايتۋىنشا, ول قاجىلىققا بارۋ ٷشٸن اقشا جيناعان.

اتالعان دەرەككە قاتىستى قىلمىستىق كودەكستٸڭ 191-بابى 3-بٶلٸگٸ 3-تارماعى بويىنشا سوتقا دەيٸنگٸ تەرگەۋ امالدارى باستالدى.

جەدەل-ٸزدەستٸرۋ شارالارىنىڭ نەتيجەسٸندە پوليتسييا قىزمەتكەرلەرٸ ەكٸ كٷدٸكتٸنٸ انىقتاپ, ۇستادى. 

ولار - تاراز قالاسىنىڭ 47 جەنە 51 جاستاعى تۇرعىندارى. 

سونداي-اق, كٷدٸكتٸلەردٸڭ بٸرٸ جەبٸرلەنۋشٸنٸڭ كٷيەۋ بالاسى بولىپ شىقتى. 

ۇستالعاندار ٶز كٸنەسٸن تولىق مويىندادى. تەرگەۋ امالدارى جٷرٸپ جاتىر.