Tarazda kúieý balasy qaiyn enesiniń úiin tonady, dep habarlaidy QazAqparat Jambyl oblystyq politsiia departamentine silteme jasap.
Taraz qalasynyń politsiia bólimine 66 jastaǵy áiel habarlasyp, úii tonalǵanyn jetkizgen.
Shamamen saǵat 00:20-da belgisiz er adam úiine basa-kóktep kirip, qorqytyp, 2450 AQSh dollaryn, 100 000 teńgesin, 2 altyn saqinasy men uialy telefonyn ashyq túrde alyp ketken.
Jábirlenýshi áieldiń aitýynsha, ol qajylyqqa barý úshin aqsha jinaǵan.
Atalǵan derekke qatysty Qylmystyq kodekstiń 191-baby 3-bóligi 3-tarmaǵy boiynsha sotqa deiingi tergeý amaldary bastaldy.
Jedel-izdestirý sharalarynyń nátijesinde politsiia qyzmetkerleri eki kúdiktini anyqtap, ustady.
Olar - Taraz qalasynyń 47 jáne 51 jastaǵy turǵyndary.
Sondai-aq, kúdiktilerdiń biri jábirlenýshiniń kúieý balasy bolyp shyqty.
Ustalǵandar óz kinásin tolyq moiyndady. Tergeý amaldary júrip jatyr.
