instagram/taldykorganec_kolesa
تالدىقورعاندا 20 جاستاعى ستۋدەنت جەڭگٸر نۇرلانۇلى فۋتبول ماتچىن كٶرگەننەن كەيٸن قازا تاپتى. قايعىلى وقيعا 7 مامىر كٷنٸ بولعان, دەپ حابارلايدى Ult.kz taldykorganec_kolesa-عا سٸلتەمە جاساپ.
مارقۇمنىڭ اناسىنىڭ ايتۋىنشا, ۇلى سول كەشتە دوستارىمەن بٸرگە فۋتبول كٶرۋگە كەتكەن. جاستار جينالعان پەتەردە شامامەن ون ادام بولعان, ولاردىڭ اراسىندا 17 جاستاعى مەكتەپ وقۋشىسى دا جٷرگەن.
الدىن الا مەلٸمەت بويىنشا, وتىرىس بارىسىندا جاستار اراسىندا جانجال تۋىنداعان. كەيٸن ولار سىرتقا شىعىپ, بٸراز ۋاقىتتان سوڭ قايتا كەزدەسكەن. اناسىنىڭ سٶزٸنشە, سول كەزدە مەكتەپ وقۋشىسى جەڭگٸردٸ سىرتقا شاقىرىپ الىپ, وعان التى جەردەن پىشاق جاراقاتىن سالعان. ستۋدەنت العان جاراقاتتارىنان كٶز جۇمدى.
ەيەلدٸڭ ايتۋىنشا, وقيعاعا دەيٸن از ۋاقىت بۇرىن ۇلىمەن بەينەقوڭىراۋ ارقىلى سٶيلەسكەن. ول كەزدە جەڭگٸردٸڭ كٶڭٸل كٷيٸ جاقسى بولىپ, قالجىڭداپ سٶيلەسكەن ەرٸ كەيٸن قايتا حابارلاساتىنىن ايتقان.
قازٸر قىلمىستىق ٸس بويىنشا تەرگەۋ جٷرٸپ جاتىر. ساراپتامالار تاعايىندالىپ, كۋەگەرلەردەن جاۋاپ الىنۋدا. مارقۇمنىڭ تۋىستارى ەدٸل تەرگەۋ جٷرگٸزٸلٸپ, كٸنەلٸ ادامنىڭ قاتاڭ جازالانۋىن تالاپ ەتۋدە.
جەتٸسۋ وبلىستىق پوليتسييا دەپارتامەنتٸ كٷدٸكتٸنٸڭ ۇستالىپ, ۋاقىتشا ۇستاۋ يزولياتورىنا قامالعانىن مەلٸمدەدٸ. سوت وعان قاتىستى كٷزەتپەن ۇستاۋ تٷرٸندەگٸ بۇلتارتپاۋ شاراسىن سانكتسييالاعان.
پوليتسييا ٶكٸلدەرٸنٸڭ مەلٸمەتٸنشە, وقيعانىڭ بارلىق مەن-جايىن انىقتاۋعا باعىتتالعان كەشەندٸ تەرگەۋ امالدارى جٷرگٸزٸلٸپ جاتىر. ٸس وبلىستىق پوليتسييا دەپارتامەنتٸ باسشىلىعىنىڭ باقىلاۋىنا الىنعان.
