قازاقستان جازۋشىلارىنىڭ قۇرىلتايى قارساڭىندا
قۋانىشىمدا شەك جوق! بٷگٸنگٸ قازاق ەدەبيەتٸنٸڭ, ەسٸرەسە, پوەزييانىڭ جاي-جاپسارى, پٸكٸرتالاستار, كٶزقاراستار ەرتٷرلٸلٸگٸ, ناقتى ەدەبي سىننىڭ جوقتىعى, «الاش», مەملەكەتتٸك سىيلىق دەگەندەردٸڭ كەيدە بارماق باستى, كٶز قىستىلىقپەن بەرٸلەتٸنٸ سيياقتى كٶكەيكەستٸ مەسەلەلەردٸڭ جالعىز ەدەبي گازەتٸمٸز «قازاق ەدەبيەتٸندە» دە كٶتەرٸلمەك تٷگٸل سىڭار اۋىز سٶز ايتىلماعانىنا 23 جىلدىڭ جٷزٸ بولىپ ەدٸ. ادامنىڭ دا, قوعامنىڭ دا اعزاسىن بٸلدٸرمەي جەپ بٸتٸرەتٸن وسىناۋ كەسەلدەرگە قارسى وي-پٸكٸرلەردٸ اشىپ ايتۋعا جول اشىپ بەرگەن, قازاق باسپاسٶزٸنٸڭ بٷگٸندە كٸندٸكتەن قالعان جالعىزىنداي «جاس الاشىما» جەردەگٸ ەمەس, كٶكتەگٸ قۇدايدىڭ نۇرى جاۋسىن!
قۇرىلتاي الدىنداعى بۇل سىني پٸكٸرتالاسقا امانحان ەلٸمنٸڭ نەسٸپبەك ايتۇلىنىڭ «رۋحاني جاڭعىرۋ» بەيگەسٸن العان «پوەما» دەپ اتالعان شىعارماسىنا سىنى جەنە وعان ن. ايتۇلىنىڭ قارسى ماقالاسى كٶپتەن قالىپتاسقان ٷنسٸزدٸك اتتى ۇستانىمعا قوزعاۋ سالعانداي بولدى. ا.ەلٸمنٸڭ بار جازىعى ونىڭ ەشقانداي دا پوەماعا ٷش قايناسا سورپاسى قوسىلمايتىنىن, اۆتور پوەما دەگەننٸڭ نە ەكەنٸنەن حابارسىزداۋ ەكەنٸن ايتقانى ەدٸ. بۇل شىنىندا دا پوەمادان اۋىلى الىستا جاتقان, ەلباسىن ورىندى-ورىنسىز ماقتاۋعا كٶبٸرەك كٶڭٸل بٶلگەن, باستان-اياق ۇرانشىل پافوستان تۇراتىن, بٸر-بٸرٸنە لوگيكالىق بايلانىسى جوق جولداردىڭ جيىنتىعى سيياقتى دەگەن پٸكٸردٸ بٸز دە ايتتىق. ەتتەڭ, ٶزٸنە ايتىلعان سىنعا قالاي جاۋاپ بەرگەنٸنە قاراپ-اق ادامنىڭ وي-ٶرٸسٸ, پارىق-پاراساتى, كٶرگەندٸلٸگٸ, بٸلٸم دەڭگەيٸ قانداي دەرەجەدە ەكەنٸ تايعا تاڭبا باسقانداي كٶرٸنەدٸ دە تۇرادى ەكەن. اۆتور ٶزٸنٸڭ شىعارماسى امانحان ايتقانداي ٶتە قارادٷرسٸن, قارابايىر ەمەس شىنايى كٶركەم شىعارما بولسا, ونىسىنا بۇلتارتپاس دەلەلدەر كەلتٸرٸپ, بايسالدى, ساۋاتتى (ەگەر وندايى بار بولسا) جاۋاپ بەرگەنٸ جٶن ەدٸ. بٸراق 23 جىل بويى ەدەبيەتتەگٸ ٶتكٸر سىننىڭ ورنىنا «ٷنسٸزدٸك», ياعني «تىنىشتىق ساقتاۋ» قاعيداسىن قارۋ ەتٸپ ۇستاپ كەلگەن جازۋشىلار وداعىنا ٶزگەرٸس ەكەلەتٸن قۇرىلتاي كٷنٸ كەپ قالسا دا, امانحاندار ايتاتىن ازدى-كٶپتٸ سىن-پٸكٸرگە ەلٸ دە جول اشىلا قويماعانىن نەسٸپبەك مىرزانىڭ دەرەۋ امانحاننىڭ ٶلەڭدەرٸن تۇتقىنعا تٷسكەن جەمقوردىڭ اقشاسىن ساناعان قارجى پوليتسيياسىنداي جٸلٸكتەپ, بورشالاعانىنان انىق كٶردٸك. ەرينە, ەدەبي پٸكٸرتالاس كەزٸندە ەدەپ ساقتالۋى كەرەك ەكەنٸ ايان. امال نە, نەسٸپبەكتٸڭ سول ماقالاسى ەدەبي پٸكٸرتالاس دەگەننەن گٶرٸ اشۋ-ىزا, كەۋدەنٸ كەرنەگەن كەك دەۋگە كەلٸڭكٸرەيتٸن دٷنيە بولىپ شىقتى. ول تٸپتٸ, ا.ەلٸمگە جىلى لەبٸز بٸلدٸرگەندەردٸ «كلاسسيكتەر» دەپ كەكەتۋگە دەيٸن باردى.
ەلدە 23 جىلدان بەرٸ پوەزيياعا قاتىستى بٸر ٶتكٸر پٸكٸرتالاس كٶرمەي شٶلٸركەۋ مە, ەلدە ٶزٸم دە نەسٸپبەك ايتۇلىنىڭ «كلاسسيگٸ» بولعىم كەلدٸ مە قايدام, «جاس الاشقا», «اقىندىق – ەڭ الدىمەن ار تازالىعى» دەگەن ماقالا جازدىم. بٸراق سونىڭ ٸشٸندە امانحان ەلٸمگە جاقتاسىپ, ونى قورعاشتاپ ايتقان بٸر اۋىز سٶز بولعان جوق. "جاقسى ٶلەڭ, ورتاشا ٶلەڭ, ناشار ٶلەڭ بولادى. كەمشٸلٸكسٸز دٷنيە جوق, ەكٸنٸڭ بٸرٸ ۇلى اقىن, كەمەڭگەر اقىن دەپ جٷرگەندەردٸڭ ٶزٸندە شيكٸلٸك كەڭٸردەكتەن كەلەدٸ" دەدٸم. ماقالا نەگٸزٸنەن بٷگٸنگٸ جازۋشىلار وداعىنىڭ جاي-كٷيٸ, پوەزييانىڭ جەكە باسقا تابىنۋشىلىق پوەزيياسىنا, بيلٸك باسىنداعى بيشٸكەشتەردەن باستاپ, قالتالى بايشىكەشتەرگە ارنالعان جاعىمپازدىق, كٷنكٶرٸس پوەزيياسىنا اينالىپ بارا جاتقانى, كەيبٸر ەدەبي سىيلىقتاردىڭ پوەزييا سالاسىندا بارماق باستى, كٶز قىستىلىقپەن بەرٸلەتٸنٸ تۋرالى بولدى. ۇتىرى كەلگەندە ايتا كەتەيٸك, سول ماقالادا وسى كٷنٸ كٶزٸ تٸرٸ بٸر ازاماتتىڭ سول مەمسىيلىق لاۋرەاتى اتانۋ ٷشٸن 5-6 رەت تٷسٸپ, اقىرىندا راكپەن اۋىرامىن, دەرٸگەرلەر 5-6 اي ٶمٸرٸڭ قالدى دەپ وتىر, راكتان ٶلدٸم نە, اسىلىپ ٶلدٸم نە وسى جولى لاۋرەات بولماسام اسىلىپ ٶلەم دەپ جۇرتتىڭ زەرەسٸن العانىن, سول كٸسٸ ارامىزدا ەلٸ جٷرگەنٸ, ەندٸ بٸرٸ ەلباسىمىزعا قارت پارتيزان جازۋشىنى سالىپ لاۋرەاتتىق العانى دا ايتىلدى. سونىڭ ٸشٸندە مەملەكەتتٸك سىيلىقتى نەسٸپبەك ايتۇلىنىڭ قايتا-قايتا تٷسٸپ, جىلارمان بولىپ ماقالا جازىپ جٷرٸپ العانىنا سەل كەڭٸرەك توقتالدىم. ول ەلەۋمەتتٸك جەلٸلەردە جارييالاندى.
سوناۋ سوعىس جىلدارى «پرينيمايۋ وگون نە سەبيا» دەگەن سٶز تٸركەسٸ قالىپتاسقان ەكەن. ادام ايار قىلىعىم جوق, سٶيتٸپ, مەن دە نەسٸپبەك ايتۇلىنىڭ قارداي بوراعان وعىنىڭ تاسقىنىن امانحاننان ٶزٸمە قاراي بۇردىم دا الدىم. يە, كٸم-كٸمنٸڭ دە پارىق-پاراساتىنىڭ دەڭگەيٸن ونىڭ «لەم-ميمٸنەن»-اق كٶرەسٸڭ. نەسٸپبەك مىرزا دا مەنٸ ٶزٸمنٸڭ ٶلەڭدەرٸممەن-اق سويىپ سالماق بولىپ وتىرىپ ٶزٸنٸڭ وي-ٶرٸسٸ, بٸلٸم-بٸلٸگٸ قانداي دەڭگەيدە ەكەنٸن بۇل جولى تاعى بٸر بايقاتىپ قويدى. ٶز باسىم وسىنىڭ الدىندا ونىڭ "مەمسىيلىق لاۋرەاتى" دەگەن اتاققا قانشالىقتى لايىق ەكەنٸنە كٷمەن كەلتٸرگەنٸم مەسەلەنٸڭ بەرجاعى ەكەن. ول ٶزٸ ەدەبي سىن ايتپاق بولعان ادامىن «ۋىزىندا جارىماعان» دەگەن سيياقتى بيولوگييالىق, «كٶتەك اربالى» دەگەن سيياقتى جول-كٶلٸك ۋاقيعالارىنىڭ تەرميندەرٸمەن سىباپ سالاتىنىن كٶرگەنمٸن. ەندٸ ٶزٸمدٸ «ديۋانا» دەگەنٸنە رەنجٸمەك تٷگٸل بٸراز سەلكٸلدەپ كٷلٸپ العانىما اللاھ كۋە! ونىڭ «جاس الاشتا» جارييالاعان «ٶزٸڭ ديۋاناسىڭ, كٸمگە پٸر بولاسىڭ» دەگەن ماقالاسىن وقىپ ەندٸ مىنا نەسٸپبەك قازمۋ-دىڭ جۋرناليستيكا فاكۋلتەتٸن بٸتٸرگەن بە شىنىمەن, مىناۋ نە دەگەن ەدەبي ساۋاتسىزدىق دەپ تاعى قايران قالدىم.
قايران قالعان سەبەبٸم, نەسٸپبەك قاي اقىننىڭ دا شىنشىلدىعى, ار-نامىس الدىنداعى تازالىعى ەڭ ەۋەلٸ ٶزٸنٸڭ بويىنداعى بٷكٸل مٸنٸ مەن كەمشٸلٸگٸن ٶلەڭٸ ارقىلى ٶزٸ ايتىپ وتىراتىنىنان كٶرٸنەتٸنٸن بٸلمەيدٸ ەكەن.
يە, مەنٸڭ ٶلەڭدەرٸمدە مىنا جالعان دٷنيەنٸڭ قۋ تٸرلٸگٸنەن گٶرٸ مۇڭ, ٶتكەن كٷندەردٸ اڭساۋ, «بيٸك قىپ ارمان بەرگەن كٷيٸكتٸ ەرگە» دەپ قول جەتپەسكە قول سوزۋ جيٸ كەزدەسەدٸ, ەسٸرەسە, ٶزٸمنٸڭ ٶمٸر سٷرۋگە قابٸلەتسٸزدٸگٸم, جوق جەردەن ٶزٸمە جاۋ تاۋىپ الاتىن شاتاقتىعىم, اقىلسىزدىعىم تۋرالى دا كٶپ ايتقانىم راس. بۇل بٸر مەندە ەمەس, ٶزگە دە اقىندار اراسىندا كٶپ ۇشىراساتىن جاعداي. ايتۇلى سونىڭ ٸشٸندە مەنٸڭ بٷگٸندە «ميسىز دەگەن اتاعىم بار» دەگەن سٶزٸمدٸ كٶرگەندە كٶكتەن ٸزدەگەنٸ جەردەن تابىلعانداي قۋانىپ, سەن شىنىندا دا ميسىزسىڭ, مەن باياعىدان بەرٸ سونى بٸلمەي كەلٸپپٸن, سەن ايتىسۋعا تۇرمايتىن ادامسىڭ دەگەنگە شەيٸن بارادى. مٸنە, نەكەڭنٸڭ ەلەم ەدەبيەتٸنٸڭ پوەزيياسى تٷگٸل ٷيدٸڭ ٸرگەسٸندەگٸ ورىس ەدەبيەتٸنەن ساۋاتى ٶتە تٶمەن ادام ەكەنٸ وسى سٶزٸنەن تاعى مەن مۇندالاپ شىعا كەلەدٸ. ٶزٸن-ٶزٸ شەنەۋ, مٸنەۋ, ٶزٸنە-ٶزٸ كٷيٸنۋ ولار تٷگٸل كٷنٸ كەشەگٸ جۇمەكەن, مۇقاعالي, كەڭشٸلٸكتەردە دە جەتكٸلٸكتٸ. تٶرت جاعى تٷگەل تٶرت قۇبىلاداي دەرلٸك گراف, اتى ەلەمگە ەيگٸلٸ ل.تولستوي بٸر سٶزٸندە مەن حايۋاندارشا ٶمٸر سٷرٸپ جاتىرمىن دەسە, باس اقىن ابايىڭنىڭ ٶزٸ «ات كٶتەرمەس مٸنٸم بار», ەندٸ بٸردە «جٷرەگٸمە قاراسام, ينەدەيٸن تازا جوق» دەيدٸ. سەرگەي ەسەنيننٸڭ «نا كوي چەرت منە, چتو يا پوەت, ي بەز مەنيا ۆ دوستاتكە درياني» دەگەن ٶلەڭٸن كەزٸندە ٶزٸم قازاقشاعا اۋدارعانمىن. «دريان» دەگەن ورىستا تٷككە تۇرعىسىز, سٸلٸمتٸك دەگەندٸ بٸلدٸرەدٸ. بۇلايشا ٶزٸن-ٶزٸ ٶلتٸرە سىناپ-مٸنەۋ, ٶزٸن كەم ساناۋ ا. بلوكتا دا جەتەرلٸك. ولار ٶزدەرٸن سولاي دەپ وتىرعاندا مەنٸڭ ٶزٸمدٸ «ميسىز» دەۋٸمنٸڭ ٶزٸ نەسٸپبەكتٸڭ لاۋرەاتتىعىمەن بارا-بار شىعار (ەزٸل عوي). سول اتاقتى ادامداردىڭ ٶزدەرٸن ٶزدەرٸ سولاي مٸنەگەنٸنەن حابارى بار ساۋاتتى ادام بولسا ول وسىلاي بەتالدى سٶيلەمەس ەدٸ. دەمەك, ول ەدەبيەتتەن ونشا جان سۋسىنىن قاندىرماعان ادام بولعانى. ونىڭ جۋرفاكتى قالاي بٸتٸرگەنٸنە تاڭدانۋىما دا سول سەبەپ بولدى.
جالپى, وسى ازاماتتىڭ سىن ماقالاسىنىڭ قايسىسىن الساڭىز دا الىپ وتىرعان وبەكتٸسٸن تالداۋ, تالقىلاۋ, ساليحالى پٸكٸر ايتۋدان گٶرٸ ونىڭ اۆتورىن «ۋىزىندا جارىماعان», «كٷل تاسىعان امانحان», مەنٸ «ديۋاناسىڭ كٸمگە پٸر بولاسىڭ» دەپ, اۋىل-ٷيدٸڭ اراسىنداعى ۇرىس-كەرٸسكە ەبدەن ماشىقتانعان ەيەلدەرشە كەمسٸتۋ, ايقاي-شۋ ۇرىسۋ باسىم بولىپ كەلەدٸ. ال ەنەبٸر كەزدە قۇل كەرٸم ەلەمەس دەگەن اقىننىڭ ٶلەڭدەرٸن سىناپ وتىرىپ, ونى «كٶك شاپاندى, كٶتەك اربالى كەرٸم ەلەمەس» دەپ اتاۋى ونىڭ سىنشىلدىعىنىڭ ەڭ «شىرقاۋ شەگٸ» بولدى. رەتٸ كەلگەندە رەنٸشٸمٸزدٸ ايتا كەتەيٸك, ونىڭ وسىنداي بىلاپىت سٶزدەرٸنٸڭ «مۇرتىن بۇزباي» بەرگەن «جاس الاش» مەنٸڭ «اقىندىق ەڭ الدىمەن ار تازالىعى» دەگەن ماقالامنىڭ ەلگٸندەي اششىلاۋ تۇستارىن قىسقارتىپ بەردٸ.
نەسٸپبەك مەنٸڭ اقىندىق ەڭ الدىمەن ار تازالىعى دەگەنٸمە تازا ادامدار ٷندەمەيدٸ دەگەن سيياقتى كٸسٸ كٷلەرلٸك «تۇجىرىم» ايتادى. وسىنىڭ ٶزٸنەن-اق ونىڭ ەلەم اقىندارىنىڭ قاي-قايسىسى دا ار-نامىس تازالىعىن دۇعاداي قايتالاۋمەن ٶتكەنٸنەن, بەيحابار ەكەنٸ تاعى دا كٶرٸنٸس بەرەدٸ. راس, ار-نامىس تازالىعى حاقىندا ٷندەمەيتٸندەر بار. «ۇرىنىڭ ارتى قۋىس», ەرتٷرلٸ اتاق-داڭقتى, سىي-سيياپاتتى, لاۋرەاتتىقتى نەشە تٷرلٸ قۋلىق-سۇمدىقپەن العاندار ار تازالىعى تۋرالى ٷندەمەيدٸ. ٶيتكەنٸ, ٶزٸنٸڭ ارتى اشىلىپ قالادى. اپىر-اي, بۇل ٶزٸ باسقانى ايتپاعاندا عۇلاما شايىر ەبۋبەكٸر كەردەرٸنٸڭ «ايرىلساڭ ٶمٸر بويى جيعانىڭنان, ەي, پەندە, ايىرىلماشى يمانىڭنان دەگەنٸن, ال ورىس پوەزيياسىنىڭ ەڭ ايتۋلى تۇلعالارىنىڭ ٶزٸ «دۋشا پوەتا دولجنا بىت چيستوي», «دۋشا مويا, بۋد بەزۆيينا كاك انگەل» دەۋمەن ٶتكەنٸن دە بٸلمەيدٸ ەكەن عوي دەيسٸڭ تاعى دا.
يە, كەزٸندە ەسەنينگە, بلوكقا, مۇقاعاليعا, تٶلەگەنگە, ماراتقا (وتاراليەۆ) ەلٸكتەپ, بٸزدٸڭ قاتارلاردىڭ ٸشپەگەنٸ كەم دە كەم شىعار. قازمۋ-دىڭ العاشقى كۋرسىندا وقىپ جٷرٸپ «ماسكٷنەم ستۋدەنتتٸڭ مونولوگى» دەگەن ەزٸل ٶلەڭ جازعام. ول
قۇدايىم, بٸزدٸ ەركەك قىپ جاراتقاندا,
دەپتٸ عوي: «ال ٶمٸردەن قاراپ قالما!»
جۋايىق قايعى-مۇڭدى كەۋدەدەگٸ,
ەي, دوسىم كٶڭٸل اشار شاراپ بار ما? - دەپ باستالىپ, ونىڭ تٸپتٸ, لەكتسييا, زاچەت, ەمتيحان دەگەندەردٸ كٶپ ۋايىمداتپايتىن «كەرەمەت قاسيەتتەرٸن» ايتىپ كەلٸپ:
بۇل ٶمٸر-ٶمٸر ەمەس اۆتوبازا
ٸشكٸشتەر – ەڭ مىقتىسى «كراز», «مازى»
قيرايمىز بٸر كٷنٸ ەلٸ تاسقا سوعىپ,
وسىلاي جٷرەمٸز دە بٸراز عانا, - دەگەن ەزٸلمەن اياقتالاتىن. ول كەيٸن بٷكٸل ۋنيۆەرسيتەتكە تارالىپ كەتٸپتٸ. ٶتكەن جاستىق شاقتان ەستەلٸك بولسىن دەپ كٸتابىما كٸرگٸزسەم, نەسٸپبەك دوس مەنٸڭ اقىندىعىمدى سىناۋ ٷشٸن جٷزدەگەن ٶلەڭنٸڭ ٸشٸنەن سونى قالاي تاۋىپ العان دەسەڭٸزشٸ!? اۋ, سوناۋ ومار ھەييامنان بەرٸ قارايعىلاردىڭ ٸشٸندە ٶلەڭٸنە اراق-شاراپتى, كەيٸپكە تٷسكەن ماساڭ كٷيدٸ جىرلاماعان شايىر بار ما!? ارۋاقتارى كەشٸرسٸن, تاعى دا مۇقاعالي, تٶلەگەن, ماراتتار ەسكە تٷسەدٸ. ەڭ بٸر مەدەنيەتتٸلەۋ سانالاتىن ا. بلوكتىڭ:
«تى پراۆو, پيانوە چۋدوۆيششە,
يا زنايۋ, يستينا ۆ ۆينە,
ۋ پيانوگو پوەتا سلەزى,
ۋ پيانوي پروستيتۋتكي سمەح, دەگەن جولدارىنان نەسٸپبەكتٸڭ حابارى بار ما جوق پا, وندا شارۋام جوق. مەنٸ الداعى قۇرىلتايىمىزدىڭ قارساڭىندا ەدەبيەتتٸڭ بەيكٷنە ارۋداي ەڭ بٸر پەكيزات جانرى پوەزييامىز تۋرالى ونىڭ ەدٸل باعاسىن ەشقانداي «الاش» سىيلىعى دا, ەركٸم ەرتٷرلٸ ايلا-تەسٸلمەن الاتىن مەملەكەتتٸك سىيلىق تا بەرە المايتىنى, قىسقاسى اقىندىق ەشقانداي سىيلىقپەن ٶلشەنبەيتٸنٸ تۋرالى ماقالا جازۋىما ايتۇلىنىڭ اقىن ا.ەلٸمدٸ سىناعان ماقالاسى تٷرتكٸ بولعانىنا ەلٸ دە قۋانامىن.
ٶيتكەنٸ, باسپاسٶز بەتٸندە شيرەك عاسىرداي ۋاقىتتان بەرٸ ناقتى سىن ماقالا كٶرمەي شٶلٸركەگەنەپ قالعانىمىزدى جاسىرۋدىڭ قاجەتٸ جوق. بٸر عانا «ەتتەڭ-ايى» سول ن. ايتۇلى ٶزٸنە باعىشتاپ ايتىلعان سىندى كٶتەرە الماۋىنا ەدەبي ٶرەسٸنٸڭ دەڭگەيٸ سەبەپ بولعانىن كٶرسەتٸپ الدى. تاعى بٸر ەتتەڭ-ايى سول – مەنٸڭ نەسٸپبەك دوس سىناعان ٶلەڭدەرٸم تۋرالى سٶز قادٸرٸن بٸلەتٸن اقىندار مەن تالاي-تالاي وقىرمان باسپاسٶز بەتٸندە شىن تەبٸرەنٸستەرٸن بٸلدٸرگەن ەدٸ. راس, مەندە كەيبٸرەۋلەرشە ەلٸمٸز تەۋەلسٸزدٸك العالى قازاق جۇماقتاعىداي قارھەللەزي ٶمٸر سٷرۋدە, مىڭداعان جىلدار كٶرمەگەن جاقسىلىقتى ەندٸ كٶردٸك نەمەسە استانام, باس قالام, جاس قالام دەپ, نەسٸپبەكشٸلەپ بٸر ٶلەڭنٸڭ انا جەرٸنە دە, مىنا جەرٸنە ەلباسىمىزدى ەنگٸزٸپ ەسٸم كەتە جىرلاعان بٸر ٶلەڭ جازىپ كٶرمەپپٸن. ونىڭ ەسەسٸنە, ەلدٸڭ, قازاق ۇلتىنىڭ, ەلەۋمەتتٸك اۋىر جاعدايى, انا تٸلٸمنٸڭ ٶز وتانىنداعى ايانىشتى حالٸ, جەرٸم مەن جەر بايلىعىمنىڭ رەتسٸز رەسۋا بولىپ جاتقانى سيياقتى ۇلتقا ورتاق ۋايىمىمدى ايتۋعا بەيٸمدەۋ ەكەنٸم دە راس. كەيبٸر ۇرانشىلدار استانا قالاسىنىڭ تۋعان كٷنٸنە ارناپ اتويلاتىپ 300-دەن استام ٶلەڭ وقىپ جاتقاندا
ازاتتىق تاڭى اتقاندا
الدىمنان شىعىپ كٸل ەگەس,
الاقان جايىپ اسپانعا
بٸز كٷتكەن باقىت بۇل ەمەس, - دەپ باستالاتىن ٶلەڭٸم جارييالانىپ, قالىڭ وقىرمان ريزاشىلىعىن بٸلدٸرٸپ جاتقاندا بۇل مىرزان-قايعى عوي دەپ مازاقتاعاندار دا بولدى.
بولمايتىنىن بٸلسەڭ دە جازا جەڭٸل,
ايتقىزباستى ايتقىزار نالا كٶڭٸل.
بٸز قيمايتىن ەشنەرسەڭ قالمادى عوي
كەلەڭسٸزدەر كەمسٸتكەن مازاق ٶمٸر, - دەدٸك تە قويدىق. ەلدە گەلۆەتسييدەن, ەلدە جان بودرياردان «بٸر مەملەكەتتٸڭ باسشىسىن ماقتاپ-ماقتاپ مەملەكەتٸمەن قوسىپ قۇرتىپ جٸبەرۋگە بولادى» دەگەندٸ وقىعانىم بار.
سٶز سوڭىندا الداعى قۇرىلتايىمىزدىڭ قارساڭىندا وسى ماقالانى جازۋىما سەبەپكەر بولعان نەسٸپبەككە قاتتى ريزا بولا وتىرىپ, وعان دا, باسقا دا اقىن دوستارىما ايتارىم اقىلى بار ادام سىننان ەمەس باس سالىپ بٸرٸن-بٸرٸ ماقتاۋدان قورقۋى كەرەك. سىندى ۇناتپايتىن ادام ەشقانداي شىندىقتى دا ۇناتپايدى.
مىرزان كەنجەباي, اقىن
