قازاقستان رەسپۋبليكاسىنىڭ پرەمەر-مينيسترٸ ولجاس بەكتەنوۆ قالدىقتاردى ەنەرگيياعا اينالدىرۋ سالاسىنداعى قحر مەن ورتالىق ازيياداعى ٸرٸ جوبالاردى جٷزەگە اسىرۋ تەجٸريبەسٸ بار جەتەكشٸ قىتايلىق كومپانييالاردىڭ بٸرٸ – Hunan Junxin Environmental Protection Co., Ltd كومپانيياسىنىڭ ديرەكتورلار كەڭەسٸ تٶراعاسى داي داوگومەن كەزدەسۋ ٶتكٸزدٸ, دەپ حابارلايدى ult.kz.
كەزدەسۋ بۇعان دەيٸن ٶتكٸزٸلگەن ديالوگتٸڭ جالعاسى بولدى, ونىڭ قورىتىندىسى بويىنشا الماتى قالاسىندا قالدىقتاردى ەنەرگەتيكالىق كەدەگە جاراتۋ تۋرالى ينۆەستيتسييالىق كەلٸسٸم جاسالدى.
بٸرلەسكەن ينۆەستيتسييالىق جوبانى جٷزەگە اسىرۋ بارىسى تالقىلاندى: ينۆەستيتسييالاردىڭ جالپى كٶلەمٸ 145,5 ملرد تەڭگەنٸ قۇرايدى.
نىسان ەكٸ جىل ٸشٸندە پايدالانۋعا بەرٸلەدٸ دەپ جوسپارلانۋدا. جوبا تقق ٶڭدەۋدٸڭ اناعۇرلىم زاماناۋي مودەلٸن ەنگٸزۋدٸ كٶزدەيدٸ – ياعني ولاردى كەيٸننەن ەلەكتر ەنەرگيياسىنا اينالدىرا وتىرىپ قايتا ٶڭدەۋ قاراستىرىلعان. زاۋىتتىڭ ٸسكە قوسىلۋى جىلىنا شامامەن 200 مىڭ توننا CO₂ شىعارىندىلارىن ازايتۋعا, پوليگون كٶلەمٸن جىل سايىن شامامەن 800 مىڭ تەكشە مەتر ٷنەمدەۋگە جەنە «جاسىل» ەنەرگييانى تۇراقتى ٶندٸرۋگە ىقپال ەتەدٸ. كەسٸپورىن تەۋلٸگٸنە 2 مىڭ تونناعا دەيٸن قالدىقتى ٶڭدەپ, 60 مۆت-قا دەيٸن ەلەكتر ەنەرگيياسىن ٶندٸرە الادى. قۇرىلىس كەزەڭٸندە كەمٸندە 700 ۋاقىتشا جۇمىس ورنى قۇرىلادى, ال زاۋىت ٸسكە قوسىلعاننان كەيٸن 120 تۇراقتى جۇمىس ورنى اشىلادى.
