Qazaqstan Respýblikasynyń Premer-ministri Oljas Bektenov qaldyqtardy energiiaǵa ainaldyrý salasyndaǵy QHR men Ortalyq Aziiadaǵy iri jobalardy júzege asyrý tájiribesi bar jetekshi qytailyq kompaniialardyń biri – Hunan Junxin Environmental Protection Co., Ltd kompaniiasynyń direktorlar keńesi tóraǵasy Dai Daogomen kezdesý ótkizdi, dep habarlaidy ult.kz.
Kezdesý buǵan deiin ótkizilgen dialogtiń jalǵasy boldy, onyń qorytyndysy boiynsha Almaty qalasynda qaldyqtardy energetikalyq kádege jaratý týraly investitsiialyq kelisim jasaldy.
Birlesken investitsiialyq jobany júzege asyrý barysy talqylandy: investitsiialardyń jalpy kólemi 145,5 mlrd teńgeni quraidy.
Nysan eki jyl ishinde paidalanýǵa beriledi dep josparlanýda. Joba TQQ óńdeýdiń anaǵurlym zamanaýi modelin engizýdi kózdeidi – iaǵni olardy keiinnen elektr energiiasyna ainaldyra otyryp qaita óńdeý qarastyrylǵan. Zaýyttyń iske qosylýy jylyna shamamen 200 myń tonna CO₂ shyǵaryndylaryn azaitýǵa, poligon kólemin jyl saiyn shamamen 800 myń tekshe metr únemdeýge jáne «jasyl» energiiany turaqty óndirýge yqpal etedi. Kásiporyn táýligine 2 myń tonnaǵa deiin qaldyqty óńdep, 60 MVt-qa deiin elektr energiiasyn óndire alady. Qurylys kezeńinde keminde 700 ýaqytsha jumys orny qurylady, al zaýyt iske qosylǵannan keiin 120 turaqty jumys orny ashylady.
