الماتىداعى Forum ساۋدا ورتالىعىنداعى كينوتەاترلاردىڭ بٸرٸندە 29 جاستاعى ەر ادام پوپكورن جەيمٸن دەپ كٶز جۇمدى, دەپ حابارلايدى ult.kz.
قايعىلى وقيعا 17 مامىر كٷنٸ بولعان.
تۋىستارىنىڭ ايتۋىنشا, ەر ادام كينو باستالار الدىندا پوپكورن جەپ وتىرىپ قاقالىپ قالعان. كەيٸن دەرەتحاناعا بارىپ كەلگەن سوڭ ٶزٸن جاقسى سەزٸنگەنٸن جەتكٸزگەن. بٸراق كينو زالىنا كٸرگەن سوڭ “تاماعىم جىبىرلاپ تۇر”, “جٷرەگٸم قىسىلىپ بارادى” دەپ شاعىمدانا بەرگەن. كٶپ ۇزاماي ەسٸنەن تانىپ قۇلاپ قالعان.
كۋەگەرلەر العاشقى كٶمەك كٶرسەتۋگە تىرىسىپ, جەدەل جەردەم شاقىرعان. ولاردىڭ سٶزٸنشە, كينوتەاتر قىزمەتكەرلەرٸنەن مەديتسينا مامانىن شاقىرۋدى سۇراعاندا, “بٷگٸن جەكسەنبٸ, مەديتسينا قىزمەتكەرلەرٸ جۇمىس ٸستەمەيدٸ” دەگەن جاۋاپ العان. شامامەن 15 مينۋتتان كەيٸن مەديتسينا قىزمەتكەرٸ كەلگەنٸمەن, ەر ادامدى امان الىپ قالۋ مٷمكٸن بولماعان.
كۋەگەرلەر جەدەل جەردەم 15-20 مينۋتتا جەتكەنٸن ايتادى.
دەرٸگەر ٶمٸرزاق نۇرسۇلتان بۇل جاعداي انافيلاكتيكالىق شوك بولۋى مٷمكٸن ەكەنٸن بولجادى. ونىڭ ايتۋىنشا, پوپكورن نەمەسە ونىڭ قۇرامىنداعى قوسپالار اۋىر اللەرگييالىق رەاكتسييا تۋعىزۋى ىقتيمال.
