شىمكەنتتە پلاستيكالىق وتادان كەيٸن بٸر كٶزٸنٸڭ كٶرۋ قابٸلەتٸنەن ايىرىلعان ەيەلدٸڭ ٸسٸ بويىنشا سوت ٷكٸمٸ شىقتى, دەپ حابارلايدى ult.kz.
تەرگەۋ مەلٸمەتٸنشە, مەديتسينالىق قىزمەت كٶرسەتۋگە ليتسەنزيياسى جوق ەيەل ٶزٸن بٸلٸكتٸ مامان رەتٸندە تانىستىرىپ, جەبٸرلەنۋشٸگە بلەفاروپلاستيكا جاساۋعا كەلٸسكەن. تٶمەنگٸ قاباقتى تٷزەتۋ وپەراتسيياسى ٷشٸن ول 100 مىڭ تەڭگە العان. بۇعان دەيٸن دەل وسى پاتسيەنتكە قۇلاق پٸشٸنٸن ٶزگەرتۋ بويىنشا دا وپەراتسييا جاساعانى بەلگٸلٸ بولدى.
سوت بارىسىندا جەبٸرلەنۋشٸنٸڭ العاشقى كەزدەسۋدەن-اق ماماننىڭ بٸلٸكتٸلٸگٸنە كٷمەندانعانى انىقتالدى. دەگەنمەن ايىپتالۋشى ٶزٸنٸڭ جوعارى مەديتسينالىق بٸلٸمٸ مەن قاجەتتٸ قۇجاتتارىنىڭ بار ەكەنٸن ايتىپ سەندٸرگەن.
2025 جىلدىڭ شٸلدەسٸندە جاسالعان قايتالاما وپەراتسييا كەزٸندە اۋىر اسقىنۋلار تۋىنداعان. وتا بارىسىندا كٶز ماڭىندا قاتتى ٸسٸنۋ مەن توقتاتۋعا كەلمەيتٸن قان كەتۋ بايقالعان. سوعان قاراماستان پاتسيەنت ٷيٸنە جٸبەرٸلٸپ, جاعدايىنىڭ ۋاقىت ٶتە جاقساراتىنى ايتىلعان.
الايدا ارادا ون كٷن ٶتكەن سوڭ ەيەل سول جاق كٶزٸنٸڭ كٶرۋ قابٸلەتٸن تولىق جوعالتقان. كەيٸن وعان 100 مىڭ تەڭگە كٶلەمٸندە ٶتەماقى تٶلەنگەن.
باقىلاۋشى ورگاندار جٷرگٸزگەن تەكسەرٸس بارىسىندا ايىپتالۋشىنىڭ مەديتسينالىق ليتسەنزيياسى دا, تيٸستٸ سەرتيفيكاتتارى دا جوق ەكەنٸ انىقتالدى.
سوت ونى كٸنەلٸ دەپ تانىپ, 1 جىل 6 ايعا باس بوستاندىعىنان ايىردى جەنە ٷش جىل مەرزٸمگە مەديتسينالىق قىزمەتپەن اينالىسۋ قۇقىعىنان ايىردى. الايدا كەمەلەتكە تولماعان بالالارىنىڭ بولۋىنا بايلانىستى جازا ٶتەۋ مەرزٸمٸ بٸر جىلعا كەيٸنگە شەگەرٸلدٸ.
سونىمەن قاتار سوت مورالدىق زييان مەن ەمدەلۋگە جۇمسالعان شىعىنداردى ٶندٸرٸپ بەرۋ تۋرالى شەشٸم شىعاردى.
