21 قاڭتار مەن 19 اقپان ارالىعىندا استانا قالاسىندا «ەلەمنٸڭ ۇلى ەيەلدەرٸ» اتتى كٶرمەسٸ ٶتتٸ, دەپ حابارلايدى "ۇلت اقپارات".
بۇل بٸرەگەي جوبانىڭ قاتىسۋشىلارى ەۋرازييالىق ٶنەر وداعىنىڭ مٷشەلەرٸ, قازاقستان رەسپۋبليكاسىنىڭ كٶركەمسۋرەت اكادەميياسىنىڭ پروفەسسورلارى, وقىتۋشىلار مەن قازاقستان سۋرەتشٸلەر وداعىنىڭ ٶكٸلدەرٸ بولدى. بۇل ٸس-شارا تٷركيياداعى قازاقستاننىڭ باس كونسۋلدىعى جەنە "سۇلتان" جۋرنالى رەداكتسيياسىنىڭ قولداۋىمەن ۇيىمداستىرىلدى.
"بۇل كٶرمە ارقىلى بٸز قازاق ەيەلدەرٸنٸڭ سۇلۋلىعىن, ولاردىڭ ۇلىلىعى مەن باتىرلىعىن كٶرسەتكٸمٸز كەلدٸ. كٶرمەنٸ العاش ىستامبۇل قالاسىندا ٶتكٸزدٸك. سۋرەتشٸلەرٸمٸزدٸڭ تۋىندىسىن 60 مىڭنان استام ادام تاماشالادى. ٸس-شارانىڭ اشىلۋىنا تٷركييانىڭ تۋريزم مينيسترٸ ەرسوي مەحمەت نۋري قاتىستى. كەلگەن قوناقتار وسى ٶنەر تۋىندىلارىنان شىققان ەنەرگيياعا ريزا بولدى. ەسٸرەسە, "زەرە", "قىز جٸبەك" سۋرەتتەرٸ قوناقتارعا قاتتى ەسەر ەتتٸ. راسىندا دا, ولار قازاق ەيەلدەرٸنٸڭ سۇلۋلىعىنا تاڭ قالدى", - دەيدٸ كٶرمەنٸ ۇيىمداستىرۋشى "سۇلتان" جۋرنالىنىڭ باس رەداكتورى قاراكٶز ايداش.
تٷركٸ حالىقتارىنىڭ تاريحىندا تەڭدٸك, ەيەلدٸ قۇرمەتتەۋ دەستٷرٸ ەرتەدەن بار. تٷركٸ تاريحىنىڭ ەرتٷرلٸ كەزەڭدەرٸندە, ياعني كٶنە دەۋٸردەن قازٸرگٸ زامانعا دەيٸن ەيەلدەر قوعامدىق ٶمٸرگە بەلسەنە ارالاسقان. ونىڭ بٸر كٶرنەكتٸ مىسالى رەتٸندە, التىن وردا دەۋٸرٸندەگٸ تٷركٸ ەيەلدەرٸنٸڭ ەكٸمشٸلٸكتە ماڭىزدى قىزمەتتەر اتقارىپ, ەسكەري ٸس-قيمىلدارعا قاتىسىپ, عىلىم مەن ٶنەرگە قوسقان ٷلەسٸن ايتا الامىز.
كٶرمەدە ساق پاتشايىمى توميريستٸڭ سۋرەتٸ قوناقتاردىڭ ەرەكشە نازارىن اۋداردى. ٶيتكەنٸ ول ەيەلدەردٸڭ تاريحتاعى جەنە ساياساتتاعى رٶلٸنٸڭ سيمۆولىنا اينالدى. ونىڭ بەينەسٸ ەسٸرەسە, قازٸرگٸ ەيەل قۇقىعى شەكتەلگەن ۋاقىتتا ەيەلدەردٸڭ مەسەلەسٸنە نازار اۋدارۋدى, گەندەرلٸك تەڭدٸك جەنە ەيەلدەردٸڭ قوعامدى قالىپتاستىرۋداعى ەسەرٸ تاقىرىبىن تالقىلاۋعا شاقىرادى.
سونداي-اق, ەكٸنشٸ دٷنيەجٷزٸلٸك سوعىسقا قاتىسقان باتىر قىزدار ەلييا مولداعۇلوۆا مەن مەنشٷك مەمەتوۆانىڭ بەينەلەرٸن جاڭعىرتۋ كٶرمەنٸڭ ەڭ بٸر ۇتىمدى تۇسى دەۋگە بولادى. ٶيتكەنٸ, سۋرەتشٸلەر ٶزدەرٸنٸڭ پولوتنولارى ارقىلى تەك فيزيكالىق ۇقساستىقتىعىن عانا ەمەس, سونىمەن بٸرگە ولار كەيٸپكەرلەردٸڭ ەنەرگيياسى مەن تاباندىلىعىن كٶرسەتە الدى. كەنەپتەگٸ اشىق تٷستەر مەن كٶلەڭكەلەر باتىر قىزداردىڭ ەرلٸك رۋحىن ەرەكشە ايشىقتاي تٷسكەن.
"كٶرمەدەگٸ ەربٸر سۋرەت تەك تەحنيكالىق شەبەرلٸكتٸڭ تۋىندىسى عانا ەمەس, سونىمەن بٸرگە تەرەڭ ماعىناعا يە. وندا ەيەلدەردٸڭ قايتالانباس قاسيەتتەرٸ, قوعامعا قوسقان ٷلەسٸ مەن ىقپالى اشىلادى. ولاردىڭ شىعارمالارىندا ۇلى ٸستەر, قيىن جاعدايداعى تاباندىلىق, قۇقىق پەن پروگرەسس ٷشٸن كٷرەس تاقىرىپتارى بەينەلەنگەن. ولار ەر سۋرەتتٸڭ بٸرەگەي ەكەنٸن جەنە ونى بٶلۋگە بولمايتىنىن اتاپ ٶتەدٸ. مۇنداي شىعارماشىلىق پروتسەسستٸڭ سوڭعى نٷكتەسٸ جوق, سۋرەتشٸلەر تۋىندىلارىن ونداعان جىلدار بويى ٷزدٸكسٸز سالىپ, ولاردى بٸتپەيتٸن پروتسەسس رەتٸندە قاراستىرىپ, سۋرەتتەردٸڭ دەتالدارىن تولىقتىرىپ, جەتٸلدٸرە تٷسۋگە دايىن", - دەيدٸ وسى كٶرمەنٸڭ سۋرەتشٸلەرٸ جانۇزاق مٷسەپٸر مەن ەدٸلعالي باياندين.
اۆتورى: توميريس كازىبەكوۆا
