سولتٷستٸك قازاقستان وبلىسىندا قۇرىلىسقا بٶلٸنگەن بيۋدجەت قاراجاتىن جىمقىرۋ دەرەگٸ انىقتالدى. قارجىلىق مونيتورينگ اگەنتتٸگٸنٸڭ وبلىس بويىنشا دەپارتامەنتٸ ايىرتاۋ اۋدانىنداعى نىسان قۇرىلىسىنا قاتىستى تەرگەۋ جٷرگٸزٸپ جاتىر, دەپ حابارلايدى ult.kz.
ۆەدومستۆو مەلٸمەتٸنشە, 2017 جىلى وبلىستىق ەنەرگەتيكا جەنە تۇرعىن ٷي-كوممۋنالدىق شارۋاشىلىق باسقارماسى «بيزنەستٸڭ جول كارتاسى – 2020» باعدارلاماسى اياسىندا «Akcent KZ» جشس-مەن «سىرىمبەت» كەن ورنىنا دەيٸن تەمٸرجول كٸرمە جولىن, ٸشكٸ الاڭداعى جول تارماقتارى مەن ينجەنەرلٸك جەلٸلەردٸ سالۋ تۋرالى كەلٸسٸمشارت جاساسقان.
جوبانىڭ جالپى قۇنى 1,4 ملرد تەڭگە بولعان. قۇرىلىس باستاپقى جوسپار بويىنشا 2018 جىلى اياقتالۋى تيٸس ەدٸ. الايدا نىساندى پايدالانۋعا بەرۋ مەرزٸمٸ بٸرنەشە رەت ۇزارتىلعان.
سوعان قاراماستان, قۇرىلىس جۇمىستارى ەلٸ كٷنگە دەيٸن اياقتالماعان.
تەرگەۋ بارىسىندا ٸس جٷزٸندە ورىندالماعان جۇمىستاردىڭ قۇنى 380 ملن تەڭگە بولعانى انىقتالعان.
قازٸر مەردٸگەر ۇيىمنىڭ باسشىسى مەن وبلىستىق ەنەرگەتيكا جەنە تۇرعىن ٷي-كوممۋنالدىق شارۋاشىلىق باسقارماسىنىڭ بۇرىنعى باسشىسى كٷدٸكتٸ دەپ تانىلدى.
سوت سانكتسيياسىمەن كٷدٸكتٸلەردٸڭ ٷش پەتەرٸ مەن اۆتوتۇراعىنا تىيىم سالىندى.
تەرگەپ-تەكسەرۋ جالعاسىپ جاتىر. قىلمىستىق ٸس بويىنشا ٶزگە اقپارات قر قپك-نٸڭ 201-بابىنا سەيكەس جارييا ەتٸلمەيدٸ.
