Soltústik Qazaqstan oblysynda qurylysqa bólingen biýdjet qarajatyn jymqyrý deregi anyqtaldy. Qarjylyq monitoring agenttiginiń oblys boiynsha departamenti Aiyrtaý aýdanyndaǵy nysan qurylysyna qatysty tergeý júrgizip jatyr, dep habarlaidy ult.kz.
Vedomstvo málimetinshe, 2017 jyly oblystyq Energetika jáne turǵyn úi-kommýnaldyq sharýashylyq basqarmasy «Biznestiń jol kartasy – 2020» baǵdarlamasy aiasynda «Akcent KZ» JShS-men «Syrymbet» ken ornyna deiin temirjol kirme jolyn, ishki alańdaǵy jol tarmaqtary men injenerlik jelilerdi salý týraly kelisimshart jasasqan.
Jobanyń jalpy quny 1,4 mlrd teńge bolǵan. Qurylys bastapqy jospar boiynsha 2018 jyly aiaqtalýy tiis edi. Alaida nysandy paidalanýǵa berý merzimi birneshe ret uzartylǵan.
Soǵan qaramastan, qurylys jumystary áli kúnge deiin aiaqtalmaǵan.
Tergeý barysynda is júzinde oryndalmaǵan jumystardyń quny 380 mln teńge bolǵany anyqtalǵan.
Qazir merdiger uiymnyń basshysy men oblystyq Energetika jáne turǵyn úi-kommýnaldyq sharýashylyq basqarmasynyń burynǵy basshysy kúdikti dep tanyldy.
Sot sanktsiiasymen kúdiktilerdiń úsh páteri men avtoturaǵyna tyiym salyndy.
Tergep-tekserý jalǵasyp jatyr. Qylmystyq is boiynsha ózge aqparat QR QPK-niń 201-babyna sáikes jariia etilmeidi.
