قازاقستاننىڭ سىرتقى ٸستەر مينيسترلٸگٸنە 618 ازاماتتان ٶتٸنٸش كەلٸپ تٷسكەن. ونىڭ 117-سٸ – قىتايدىڭ بۇرىنعى ازاماتتارىنان. بۇل تۋرالى بٷگٸن سىرتقى ٸستەر مينيسترلٸگٸ باسپاسٶز قىزمەتٸنٸڭ جەتەكشٸسٸ ايبەك سماديياروۆ مەلٸمدەدٸ, دەپ حابارلايدى Sputnik قازاقستان تٸلشٸسٸ.
سماديياروۆتىڭ ايتۋىنشا, جىل باسىنان بەرٸ قىتاي اۋماعىندا قوس ازاماتتىعى ٷشٸن 22 قانداسىمىز ۇستالعان. قازٸرگٸ تاڭدا ونىڭ 15-ٸ بوساتىلدى.
"قازٸرگٸ تاڭدا بٸزگە بەيمەلٸم بولعان فاكتٸلەر انىقتالىپ جاتىر. بٸز ولارعا كٶمەك كٶرسەتەمٸز. قىتايداعى ەلشٸلٸك جەنە باسقا دا كونسۋلدىقتار بۇل مەسەلەمەن اينالىسۋدا", — دەدٸ ول اپتا سايىنعى بريفينگتە.
ول قازاقستاننىڭ بەيجٸڭدەگٸ ەلشٸلٸگٸ, سونىمەن قاتار سٸم قۇرامىنداعى كونسۋلدىق قىزمەت دەپارتامەنتٸ قىتايدىڭ استاناداعى ەلشٸلٸگٸمەن تىعىز جۇمىس ٸستەپ جٷرگٸزٸپ جاتقانىن اتاپ ٶتتٸ.
"قازٸرگٸ تاڭدا سىرتقى ٸستەر مينيسترلٸگٸنە 618 ازاماتتان ارىز كەلٸپ تٷستٸ. ونىڭ 117-سٸ – قىتايدىڭ بۇرىنعى, قازٸرگٸ قازاقستان ازاماتتارىنان. ولار قىتاي ازاماتتىعىنان شىعۋعا كٶمەك كٶرسەتۋ تۋرالى ارىزدانىپ جاتىر. قىتاي تاراپى بارلىعىن قاجەتتٸ قۇجاتپەن قامتاماسىز ەتۋدە", — دەدٸ سماديياروۆ.
سونداي-اق, ونىڭ ايتۋىنشا, قىتاي تاراپى قازاقستانعا ٶتٸنٸش بٸلدٸرگەن.
"قىتاي تاراپى قىتاي ازاماتتىعىنان شىعاتىن قانداستارىمىزعا مٸندەتتٸ تٷردە تولىققاندى اقپارات جەتكٸزۋدٸ ٶتٸندٸ. ٶيتكەنٸ قانداستارىمىز ازاماتتىقتان شىعۋ, قۇجات تاپسىرۋ ەرەجەلەرٸ سەكٸلدٸ بٸراز اقپاراتتتى بٸلمەيدٸ ەكەن. بٸلمەگەندٸكتەن وسىنداي جاعدايعا ۇشىراپ وتىر. قىتاي تاراپى دا بۇل باعىتتا جۇمىس جٷرگٸزٸپ جاتىر", — دەدٸ ول.
