فوتو: pixabay/vidhyarthidarpan
شىمكەنتتە بٸلٸم بەرۋ سالاسىنا بٶلٸنگەن بيۋدجەت قاراجاتىن ٸرٸ كٶلەمدە جىمقىرۋ دەرەگٸ انىقتالدى. قارجىلىق مونيتورينگ اگەنتتٸگٸنٸڭ مەلٸمەتٸنشە, ٸس بويىنشا قىلمىستىق سحەما سوتقا جولدانعان6 دەپ حابارلايدى Ult.kz.
تەرگەۋ دەرەكتەرٸنە سەيكەس, 2018–2023 جىلدار ارالىعىندا «وڭتٷستٸك قازاقستان جوعارى مەديتسينالىق كوللەدجٸ» جشس جەنە «وڭتٷستٸك قازاقستان گۋمانيتارلىق-قارجى كوللەدجٸ» جشس بازاسىندا جالعان وقىتۋ جٷيەسٸ ۇيىمداستىرىلعان.
سحەماعا كوللەدج باسشىلارى, بۋحگالتەرلەر جەنە ٶزگە دە تۇلعالار قاتىسقانى بەلگٸلٸ بولدى. ازاماتتار وقۋ ورىندارىنا فورمالدى تٷردە قابىلدانعانىمەن, ٸس جٷزٸندە بٸلٸم الماعان. سونىڭ نەتيجەسٸندە مەملەكەت ەسەبٸنەن بٶلٸنەتٸن قارجى زاڭسىز الىنعان.
سونىمەن قاتار جالعان بۇيرىقتار رەسٸمدەلٸپ, ەلەكتروندىق تسيفرلىق قولتاڭبا ارقىلى قۇجاتتار بەكٸتٸلگەن, ال ورىندالعان جۇمىستار تۋرالى جالعان اكتٸلەر جاسالعان. كەيبٸر ستۋدەنتتەر اقىلى بٶلٸمنەن مەملەكەت ەسەبٸندەگٸ بٸلٸم الۋشىلار قاتارىنا زاڭسىز اۋىستىرىلعان.
«وڭتٷستٸك قازاقستان گۋمانيتارلىق-قارجى كوللەدجٸ» ٸس جٷزٸندە جۇمىس ٸستەمەي, تەك بيۋدجەت قاراجاتىن الۋ ٷشٸن پايدالانىلعان.
مەملەكەتكە كەلتٸرٸلگەن جالپى زالال 1,3 ملرد تەڭگەدەن اسقان.
تەرگەۋ بارىسىندا سحەما ۇيىمداستىرۋشىسىنىڭ بۇعان دەيٸن دە سوتتالعانى, تٸپتٸ قاماۋدا وتىرىپ قىلمىستىق ەرەكەتتەردٸ باسقارعانى انىقتالدى. كٷدٸكتٸلەر 65 ملن تەڭگە كٶلەمٸندەگٸ زالالدى ەرٸكتٸ تٷردە ٶتەگەن.
سوت سانكتسيياسىمەن مٷلٸكتەرگە, سونىڭ ٸشٸندە دۋبايداعى پەتەرگە, بٸرنەشە تۇرعىن ٷي مەن اۆتوكٶلٸكتەرگە تىيىم سالىندى. ەكٸ كٷدٸكتٸ قاماۋعا الىنسا, ٷش ادامعا قاتىستى ەشقايدا كەتپەۋ تۋرالى بۇلتارتپاۋ شاراسى قولدانىلعان.
قىلمىستىق ٸس سوت قاراۋىنا جٸبەرٸلدٸ.
