فوتو: anatili.kazgazeta.kz
الماتىدا بەلگٸلٸ جازۋشى-ساتيريك, اقىن, ەلٸمٸزدٸڭ قوعام قايراتكەرٸ شونا سماحانۇلىنىڭ عاسىرلىق مەرەيتويىن اتاپ ٶتتٸ. قالامگەردٸڭ ەسٸمٸ بەرٸلگەن بٸلٸم ورداسىندا ەدەبي-تاريحي كەش ۇيىمداستىرىلدى. بۇل ٸس-شاراعا قازاقستاننىڭ ەڭبەك سٸڭٸرگەن ۇستازى, قازاقستاننىڭ ەڭبەك ەرٸ اياگٷل ميرازوۆا, قازاقستاننىڭ ەڭبەك سٸڭٸرگەن قايراتكەرٸ اسىلى وسمان, گيمنازييانىڭ ارداگەر ۇستازدارى, وقۋشىلارى مەن مەكتەپ ەكٸمشٸلٸگٸ قاتىستى. سونداي-اق جيىنعا شونا سماحانۇلىنىڭ ۇلى جانسەرٸك شوناۇلى مەن نەمەرەلەرٸ, گيمنازييانىڭ وقۋشىلارى جەنٸبەك پەن جانالي شونالار قاتىستى.
مەرەيتويلىق ٸس-شاراعا ارنايى كەلگەن قوناقتار گيمنازييا اۋماعىندا جەمٸس اعاشتارىن وتىرعىزىپ, شونا سماحانۇلىنىڭ ٶمٸرٸ مەن شىعارماشىلىعى تۋرالى سىر شەرتەتٸن جاڭا مۋزەيدٸڭ سالتاناتتى اشىلۋىنا قاتىستى. سونداي-اق قادٸرلٸ قوناقتار ٷشٸن گيمنازييا ٸشٸندە ارنايى ەكسكۋرسييا ۇيىمداستىرىلدى, ولار بٸلٸم ورداسىنىڭ وقۋ كابينەتتەرٸن ارالاپ, وقۋشىلارمەن ەڭگٸمەلەستٸ.
مەرەكەلٸ كەشتٸ اشقان گيمنازييا ديرەكتورى ميرامگٷل نابيدوللاەۆا كەلگەن قوناقتارعا العىس بٸلدٸرٸپ, جينالعانداردى مەرەيتويلى داتامەن قۇتتىقتادى. ول مەكتەپتٸڭ اشىلۋىنا شونا سماحانۇلىنىڭ ٶزٸ سەبەپكەر بولعانىن ايتىپ, بيىل مەكتەپتٸڭ ٸرگەتاسى قالانعانىنا 40 جىل تولىپ وتىرعانىن اتاپ ٶتتٸ.
ال قازاقستاننىڭ ەڭبەك ەرٸ اياگٷل ميرازوۆا گيمنازييا ۇستازدارى مەن ارداگەر مۇعالٸمدەردٸ قوس مەرەكەمەن قۇتتىقتاپ, شونا سماحانۇلى تۋرالى ەستەلٸك ايتتى. قازاقستاننىڭ ەڭبەك سٸڭٸرگەن ۇستازى وسىنداي ٸس-شارالار مەدەني مۇرالاردى ساقتاۋدا, جاس ۇرپاققا رۋحاني تەربيە بەرۋدە مەنٸ زور ەكەنٸن ەرەكشە اتاپ ٶتتٸ.
– 1976 جىلى وتباسىمەن بٸرگە الماتىعا كٶشٸپ كەلدٸم. ول كەزدە قالادا بٸر عانا قازاق مەكتەبٸ جۇمىس ٸستەيتٸن. ول مەكتەپكە مەن ورنالاسا المادىم. سوندىقتان ورىس تٸلٸن جەتٸك بٸلمەسەم دە, ورىس مەكتەبٸنە جۇمىسقا تۇرۋعا مەجبٷر بولدىم. كەلەسٸ جىلى №86 قازاق-ورىس مەكتەبٸ اشىلاتىنىن ەستٸپ, بٸردەن سوندا باردىم. قۋانىشىمدا شەك بولمادى. بۇل مەكتەپ شونا سماحانۇلى مەن ونىڭ زامانداستارىنىڭ ارقاسىندا اشىلعان ەدٸ. مەن سول مەكتەپتە قىزمەت جاساي جٷرٸپ شونا اعامىزدى ٶز كٶزٸممەن كٶردٸم. ول جان-جاعىنا شۋاق شاشىپ, بەرٸمەن قالجىڭداسىپ جٷرەتٸن تاماشا ادام ەدٸ. قازاق مەكتەپتەرٸن اشپاسا, ۇلت بولاشاعىنا قاۋٸپ تٶنٸپ تۇرعانىن ايتىپ, الماتىدا بٸرنەشە قازاق مەكتەبٸنٸڭ اشىلۋىنا بٸردەن-بٸر سەبەپكەر بولعانىن بەرٸمٸز جاقسى بٸلەمٸز. بۇل – ەرلٸككە پاراپار ٸزگٸ ٸس. بارشاڭىزدى وسى قوس مەرەيتويمەن قۇتتىقتايمىن, – دەدٸ اياگٷل ميرازوۆا.
سالتاناتتى كەش بارىسىندا گيمنازييا ۇجىمىنا باسقا دا تٸلەكتەر ايتىلدى. ال وقۋشىلار جينالعاندارعا كونتسەرتتٸك باعدارلاما ۇيىمداستىرىپ, اقىننىڭ شىعارمالارىن جاتقا ايتىپ, ٶلەڭدەرٸن ورىندادى.
