ەلەمدٸك جەنە دەستٷرلٸ دٸندەر كٶشباسشىلارىنىڭ VI سەزٸندە سٶز سٶيلەگەن سەربييا رەسپۋبليكاسىنىڭ پرەزيدەنتٸ الەكساندر ۆۋچيچ دٸن اراسىنداعى ديالوگتى جولعا قويعان سەز جۇمىسىنا جوعارى باعا بەردٸ, دەپ حابارلايدى قازاقپارات تٸلشٸسٸ.
«ەلەمدٸك قاۋٸپسٸزدٸك پەن تۇراقتىلىقتى قامتاماسىز ەتۋ ٷشٸن قولىمىزدان كەلگەننٸڭ بەرٸن دە جاسايمىز. 2003 جىلدان بەرگٸ قازاقستان پرەزدەنتٸنٸڭ ەلەمدٸك دٸن باسشىلارىنىڭ باسىن قوسۋ تۋرالى باستاماسىنىڭ ارقاسىندا بارلىق دٸن باسشىلارى ٶزدەرٸنٸڭ قۇندى يدەيالارىن ايتىپ كەلەدٸ. يسلام دٸنٸ, پراۆوسلاۆ دٸنٸ, ٶزگە دە دٸندەردٸڭ ٶكٸلدەرٸ باس قوسقان وسى جەردە مەنٸڭ دە قانداي مٷددەم بار ەكەنٸن دە ايتقىم كەلەدٸ. ناقتىراق ايتقاندا, بەرٸمٸزدٸڭ مٷددەمٸز, مٸندەتٸمٸز - ٶركەنيەتتٸ قورعاۋ. وسى فورۋمعا قىزىعۋشىلىق تانىتۋىمىزدىڭ سەبەبٸ - بۇل جەردە تۇراقتى ديالوگتىڭ بولۋى», - دەدٸ الەكساندر ۆۋچيچ.
سەربييا رەسپۋبليكاسىنىڭ پرەزيدەنتٸ ەلەمدٸك جەنە دەستٷرلٸ دٸندەر كٶشباسشىلارى ەربٸر ادامدى جاماندىقتان قۇتقارىپ, جاقسىلىققا باستايتىنىن, رۋحاني قۇندىلىقتاردى قورعاپ كەلە جاتقانىن تٸلگە تيەك ەتتٸ.
«دٸن ليدەرلەرٸ قازٸرگٸ تاڭدا ەلەمدٸك دەڭگەيدەگٸ بەدەلدٸ تۇلعالار بولىپ تابىلادى. سوندىقتان, ولاردىڭ ايتقان يدەيالارى, نەگٸزگٸ ٸلٸمدەرٸ قۇندىلىقتارعا نەگٸزدەلەدٸ. گەوساياسات ٶكٸلدەرٸنٸڭ دٸن باسشىلارىنىڭ سٶزدەرٸنە قۇلاق اسپايتىن كەزدەرٸ بار. ال تٷپتەپ كەلگەندە ەلەمدٸك دٸن باسشىلارىنىڭ يدەياسى - حالىقارالىق قۇقىققا نەگٸز بولىپ وتىرعانىن ايتا كەتۋ كەرەك. ەربٸر ادامنىڭ جەكە باسىن سىيلامايىنشا بٸز تۇراقتىلىققا قول جەتكٸزە المايمىز», - دەدٸ ول.
ەسكە سالا كەتسەك, ەلوردادا قر پرەزيدەنتٸ نۇرسۇلتان نازارباەۆتىڭ تٶراعالىعىمەن ەلەمدٸك جەنە دەستٷرلٸ دٸندەر كٶشباسشىلارىنىڭ VI سەزٸ ٶتٸپ جاتىر.
سەز بارىسىندا قازاقستان پرەزيدەنتٸ نۇرسۇلتان نازارباەۆ مەملەكەتتەر اراسىنداعى سەنٸمدٸ نىعايتىپ, قاۋٸپسٸز ەلەمدٸ قالىپتاستىرۋ جولىندا كونفەسسيياارالىق, ٶركەنيەتارالىق ديالوگ ورتالىعىن بەكٸتۋگە دايىن ەكەنٸن مەلٸمدەگەن بولاتىن.
سونداي-اق قازاقستان پرەزيدەنتٸ ۆاتيكاننىڭ پاپالىق كەڭەسٸنە «دٸنارالىق ديالوگقا ٷلەس قوسقانى» ٷشٸن سىيلىعىن تابىس ەتتٸ.
