سەناتور مۇرات باقتييارۇلى بايقوڭىر قالاسىنىڭ تالاپ-ٶتٸنٸشتەرٸ بويىنشا ٷكٸمەت باسشىسى اسقار ماميننٸڭ اتىنا دەپۋتاتتىق ساۋال جولدادى, دەپ حابارلايدى "ۇلت اقپارات".
«بايقوڭىر قالاسىندا قازٸر 77 مىڭنان اسا حالىق تۇراتىن بولسا, ونىڭ 70%-ى قازاقستاندىقتار بولىپ سانالادى. بايقوڭىر حالقىنىڭ ەڭ باستى مەسەلەسٸ – قازاقستاندىق ستاندارتپەن بٸلٸم بەرەتٸن بالاباقشالار مەن مەكتەپتەردٸڭ تاپشىلىعى بولىپ وتىر. 2015 جىلى قر مەن رف ٷكٸمەتارالىق كوميسسيياسىنىڭ شەشٸمٸمەن رەسەيگە قاراستى 5 مەكتەپ پەن 1 بالاباقشا قازاقستاننىڭ قاراماعىنا الىنىپ, بالالارعا قازاقستاندىق ستاندارتپەن قازاق تٸلٸندە بٸلٸم الۋعا مٷمكٸندٸك جاسالدى. وسى جلى مەملەكەتتٸك-جەكەمەنشٸك ەرٸپتەستٸك بويىنشا قوسىمشا 2 بالاباقشا اشىلىپ, قىزمەت كٶرسەتۋدە. قازاق تٸلٸندە تەلٸم بەرەتٸن بالاباقشالاردىڭ بٷگٸنگٸ جاعدايى الاڭداتىپ وتىر. بۇل بالاباقشالاردا انا تٸلٸندە بٸلٸم بەرۋ جەنە تولىققاندى مەكتەپالدى دايارلىقتى ٶتكٸزۋدە كەمشٸلٸكتەر بار», - دەدٸ مۇرات باقتييارۇلى.
دەپۋتاتتىڭ ايتۋىنشا, اتا-انالارى ٶز بالالارىنىڭ قازاق مەكتەپتەرٸندە بٸلٸم الۋى ٷشٸن تولىققاندى مەكتەپالدى دايارلىقتان ٶتۋلەرٸ قاناعاتتاندىرماي كەلەدٸ. سەناتور ٶز ساۋالىندا بٸرنەشە دەرەكتەردٸ العا تارتتى. مىسالى, قازاق تٸلٸندە بٸلٸم بەرەتٸن بايقوڭىر قالاسىنداعى 5 مەكتەپتە بٷگٸنگٸ كٷنٸ 5 236, ال رەسەيلٸك 7 مەكتەپتە 4049 بالا بٸلٸم الادى. ونىڭ 1 508-ٸ, ياعني 37%-ى قازاقستان ازاماتتارىنىڭ بالالارى. بايقوڭىردا قازٸر رەسەي فەدەراتسيياسىنا قاراستى 7 مەكتەپ بار. دەپۋتات ولاردىڭ سىيىمدىلىعى تولىق قامتىلماعان دەيدٸ. مۇرات باقتييارۇلىنىڭ ايتۋىنشا, قالا تۇرعىندارىمەن كەزدەسۋ بارىسىندا ورىس تٸلٸندە وقىتاتىن قازاقستاندىق مەكتەپكە سۇرانىستىڭ جوعارى ەكەنٸن ەسكەرە وتىرىپ, وسى 7 مەكتەپتٸڭ بٸرٸن مەملەكەت مەنشٸگٸنە ٶتكٸزۋدٸ سۇراپ وتىر ەكەن.⠀
«بۇل جاعداي, رەسەيلٸك مەكتەپتە وقيتىن بالالاردىڭ مەكتەپ بٸتٸرگەننەن سوڭ ۇبت-عا قاتىسۋىنا جەنە قازاقستاندىق جوعارى وقۋ ورىندارىنا تٷسۋٸنە كٶپ كەدەرگٸ كەلتٸرۋدە. سەبەبٸ ەمتيحاننىڭ مٸندەتتٸ پەندەرٸ – قازاقستان تاريحى, قازاق تٸلٸ, قازاق ەدەبيەتٸ ول مەكتەپتەردە وقىتىلمايدى», - دەدٸ سەناتور.
ودان بٶلەك, بايقوڭىردىڭ ورتالىق اۋداندارىندا رەسەي فەدەراتسيياسىنىڭ مەنشٸگٸندەگٸ, سىيىمدىلىعى تولىق پايدالانىلماي تۇرعان 13 بالاباقشا بار. دەپۋتات حالىقتىڭ بٸرنەشە بالاباقشانى مەملەكەتتٸك يۋريسديكتسيياعا ٶتكٸزۋ تالابى ورىندى دەپ سانايدى.
«ولار قازاقستان اۋماعىندا تۋىپ-ٶسكەنٸمەن, ٶز جەرٸندە تۇرىپ, مەنٸڭ وتانىم – روسسييا, مەنٸڭ استانام – موسكۆا دەپ, روسسييانىڭ ارعى-بەرگٸ تاريحىن, تٸلٸ مەن ەدەبيەتٸن وقىپ, ەرينە رەسەيلٸك پاتريوتيزم رۋحىندا تەربيەلەنەدٸ. ايتا ٶتۋٸمٸز كەرەك, بٸز جەرٸمٸزدٸ جالعا بەرگەنٸمٸزبەن, سول جەردە تۇرىپ جاتقان حالقىمىزدى جالعا بەرگەن جوقپىز عوي», - دەدٸ مۇرات باقتييارۇلى.
سەناتور ٷكٸمەت باسشىسىنان بايقوڭىر قالاسى تۇرعىندارىنىڭ بٸلٸم بەرۋ سالاسىنا قاتىستى وسى تٷيتكٸلدٸ مەسەلەسٸن باستى نازارعا الىپ, وڭ شەشٸلۋٸنە ىقپال ەتۋٸن سۇرادى.
