فوتو: مەۋلەن مۇقاتاەۆ. "استانا وپەرا" تەاترى
قر ەڭبەك سٸڭٸرگەن ەرتٸسٸ مايرا مۇحاممەدقىزىنىڭ ساحنادا جٷرگەنٸنە 30 جىل تولۋىنا وراي «استانا وپەرادا» تانىمال وپەرا ەنشٸسٸنٸڭ جەكە شىعارماشىلىق كونتسەرتٸ ٶتتٸ.
ٶتكەن سەنبٸدە ٶتكەن كونتسەرتتە ريحارد شتراۋستىڭ «تاك سكازال زاراتۋسترا», فرانتس شۋبەرتتىڭ «سەرەناداسى», سونداي-اق, احمەت جۇبانوۆ پەن لاتيف حاميديدٸڭ «مايراسى», اباي قۇنانباەۆتىڭ «كٶزٸمنٸڭ قاراسى» سيياقتى جيىرمادان ارتىق شىعارمالدار ورىندالدى.
مايرا مۇحامەدقىزىنىڭ ٶزٸ كونتسەرتتە 30 جىلدا ورىنداعان ەندەرٸنٸڭ ٸشٸنەن ٸرٸكتەپ-تاڭداپ, ٷزدٸك شىعارمالارى ورىنداعانىن ايتتى. ول ٶز سٶزٸندە شىعارماشىلىق جولىندا باي تەجٸريبە جيناعانىن, كونتسەرتتە سونىمەن بٶلٸسكٸسٸ كەلەتٸنٸن ايتتى.
«ٶمٸربايانىما جاقىنداستىرىپ, كونتسەرتتٸك باعدارلاما قۇردىق»
«ساحنادا 30 جىل جٷرۋ بٸرەۋگە كٶپ, بٸرەۋگە از. بٸراق ساحنانىڭ قىزىعىنا باتىپ جٷرٸپ, ۋاقىتتىڭ قالاي تەز ٶتٸپ كەتكەنٸن سەزبەي دە قالدىم. ساحنادا نە ايتسام ەكەن, نەنٸ كٶرسەتە الامىن دەپ ويلانا وتىرىپ, 30 جىلدا قانداي تەجٸريبە جينادىم دەپ ارتىما ٷڭٸلسەم, 50 شاقتى وپەرانىڭ باستى رٶلدەرٸن ايتىپپىن, كومپوزيتورلاردىڭ ەنٸنەن بٶلەك 100 قازاقتىڭ حالىق ەنٸن ورىنداپپىن. سوندىقتان مەنٸڭ قورجىنىمدا بٸراز دٷنيەلەر بار. سودان ٶزٸم ورىنداعان بارلىق شىعارمالاردىڭ اراسىنان ٸرٸكتەۋٸمە تۋرا كەلدٸ. بٸر شىعارمانى تاڭداسام, ەكٸنشٸسٸن قيمايمىن. بارلىق جاقسى شىعارمالاردى حالىققا كٶرسەتكٸم كەلەدٸ. سونىمەن تاڭداپ, رەجيسسەرمەن اقىلداسىپ, مەنٸڭ بالا كٷنٸمنەن باستاپ, شىمكەنت وپەرا جەنە بالەت تەاترى ديرەكتورى قىزمەتٸنە دەيٸنگٸ جٷرٸپ ٶتكەن جولىمداعى شىعارمالاردىڭ ٸنجۋ-مارجاندارىن تاڭداپ, ٶمٸربايانىما جاقىنداستىرىپ, 2 ساعاتتىق كونتسەرتتٸك باعدارلامانى قۇردىق», -دەيدٸ مايرا مۇحامەدقىزى.
تانىمال وپەرا ەنشٸسٸنٸڭ ساحناداعى 30 جىلدىق مەرەيتويىنا بايلانىستى ٶتكٸزٸلگەن كونتسەرتٸنٸڭ ەرەكشەلٸگٸ ەشقانداي جٷرگٸزۋشٸ بولماۋىندا. ەنشٸنٸڭ بارلىق ٶمٸر جولى ٷلكەن ەكراندا جازىلىپ تۇردى. مۇنداعى ەنشٸنٸڭ ماقساتى ٶزٸنٸڭ ٶمٸرٸ مەن شىعارماشىلىق جولىن ەنمەن جەتكٸزۋ.
كونتسەرتتە مايرا مۇحامەدقىزى ورىنداعان ەندەردٸڭ اراسىندا ٶتە كٷردەلٸ شىعارمالار بار. مىسالى ەيتور ۆيللا-لوبوستىڭ «برازيلسكايا باحيانا No5» دەگەن شىعارماسىن ەكٸنٸڭ بٸرٸ ايتا المايدى ەكەن.
«ٶيتكەنٸ ول شىعارمادا ادامداردىڭ ٸشكٸ جان دٷنيەسٸندەگٸ جان ايقايى بەرٸلەدٸ. باسقاشا ايتقاندا, قۇران باعىشتاعان سيياقتى ەسەر بەرەتٸن ٶتە اۋىر شىعارما. بۇنى باياعىدا كومپوزيتور 8 ۆيولونچەلگە ارناپ جازعان. سونى وركەستورمەن ەمەس, 8 ۆيولونچەلدٸڭ سٷيەمەلدەۋٸمەن ايتىپ كٶرسەم قايتەدٸ دەپ, سونداي كٷردەلٸ شىعارمانى ورىندادىم», -دەيدٸ ول.
فوتو: مەۋلەن مۇقاتاەۆ. "استانا وپەرا" تەاترى
«ەر بٸر رٶل سەنٸڭ بالاڭ سيياقتى»
ودان كەيٸن, دج. ۆەرديدٸڭ «ترۋبادۋر» وپەراسىنان بٸر ساحنا تولىق كٶرسەتٸلدٸ. وندا كٶرٸنٸس قويىلىپ, ارييا حورمەنەن بٸرگە ٷلكەن دۋەت شىرقادى.
«ودان كەيٸنگٸ ٷلكەن شىعارمالار مەنٸڭ فرانتسييادا 7 جىل جۇمىس ٸستەگەن تەجٸريبەمنەن الىندى. ونىڭ دا ٸشٸنەن كونتسەرتتە ورىندايتىن شىعارمالاردى تاڭداپ الۋ وڭايعا سوقپادى. اقىرى تاڭداپ جٷرٸپ مەنٸڭ ەڭ كٶپ ورىنداعان تانىمال پارتييالارىمنىڭ بٸرٸ شارل گۋنونىڭ «فاۋست» وپەراسىن ورىنداۋدى شەشتٸم. ەرينە 50 شاقتى وپەرانىڭ بارلىعىن كٶرسەتە المايسىڭ عوي. اناۋ دا مەنٸڭ سٷيٸكتٸ وپەرام, مىناۋ دا مەنٸڭ سٷيٸكتٸ رٶلدەرٸم. ەر بٸر رٶل سەنٸڭ بالاڭ سيياقتى عوي. بالالارىڭدى مىنانى جاقسى كٶرەمٸن, مىنانى جاقسى كٶرمەيمٸن دەپ بٶلٸپ-جارىپ ايتا المايسىڭ عوي, سول سيياقتى ورىندايتىن شىعارمالاردى دا قيمايسىڭ», -دەيدٸ مايرا مۇحامەدقىزى.
فوتو: مەۋلەن مۇقاتاەۆ. "استانا وپەرا" تەاترى
ەلەمدٸك كلاسسيكالاردان بٶلەك ماەسترو قازاقتىڭ حالىق ەنٸ «اعاجاي التاي» سيياقتى ەندەرٸ سيمفونييالىق وركەستوردىڭ سٷيەمەلدەۋٸمەن ورىندادى.
«بۇل ەن بٷكٸل قازاقتىڭ تاعدىرىنا جازىلعان ەن عوي. بٸزدٸڭ اتالارىمىزدىڭ بٸرازى قىتايدا قالىپ, جارتىسى بەرگٸ بەتتە قالىپ قويدى. ال سول اتالارىمىزدىڭ بٷگٸنگٸ قارلىعاشتارى, مەن تاريحي وتانىما ورالدىم. وسى ەنمەنەن تاريحي وتانىمدا مەنٸ وتانداستارىم قابىلدادى, جاقسى قارسى الدى, وسى ەن كٶپشٸلٸكتٸڭ جٷرەگٸنەن ورىن الدى», - دەيدٸ وپەرا ەنشٸسٸ.
مايرا مۇحامەدقىزى كٶپتەگەن بايقاۋلارعا قاتىسىپ, جٷلدەلٸ ورىندار العانى دا بەلگٸلٸ. كونتسەرتتە ول بايقاۋلاردا ورىنداعان پارتييالاردان ٷزٸندٸ رومانستار شىرقادى.
«تىڭدارماندارىمنىڭ قۋانىشىنان اسقان باقىت جوق»
«ونىڭ ٸشٸندە پورتۋگالييادا العان بٸرٸنشٸ ورىن, سوسىن مۋزىكانتتاردىڭ اراسىندا چايكوۆسكيي بايقاۋى ولليمپيادا سيياقتى 4 جىلدا بٸر ٶتەتٸن ٶتە بەدەلدٸ بايقاۋ. مەن سول بايقاۋدا قازاق ەنشٸلەرٸنٸڭ اراسىندا العاشقى لاۋرەاتىمىن», - دەيدٸ ول.
فوتو: مەۋلەن مۇقاتاەۆ. "استانا وپەرا" تەاترى
كونتسەرت ت. جارمۇقامەتتٸڭ «دومالاق انا» وپەراسىنان كٶرٸنٸسپەن اياقتالدى. بۇل قويىلىمدا شىمكەنتتٸك ٶنەرپازداردان قۇرالعان 60 ادامنان تۇراتىن حور ايتىلدى.
«مەن ٷشٸن تىڭدارماندارىمنىڭ جٷرەكتەرٸ سەل دە بولسا سٸلكٸنٸپ, كونتسەرتتەن ەسەر الىپ, قۋانىپ قايتسا, سودان اسقان باقىت جوق», -دەپ وتىر ماەسترو.
ەنشٸنٸڭ كونتسەرتٸ ٶتەتٸنٸ تۋرالى جارناما شىققاننان باستاپ, ەلٸمٸزدٸڭ تٷكپٸر-تٷكپٸرٸنەن كونتسەرت قويۋعا شاقىرىپ جاتقاندار بار كٶرٸنەدٸ. مايرا مۇحامەدقىزى دەمەۋشٸلەر تابىلسا قازاقستاندى ارالاپ كونتسەرت قويعىسى كەلەتٸنٸن دە ايتتى.
دايىنداعان: بالجان جەڭٸسقىزى
