ٷكٸمەت باسشىسى باقىتجان ساعىنتاەۆ قاراجاتتى يگەرە الماي جاتقان ەكٸمدٸكتەرگە كەزەكتٸ رەت ەسكەرتۋ جاسادى, دەپ حابارلايدى "ۇلت اقپارات".
«توعىز ايدىڭ قورىتىندىسى بويىنشا جالپى ٸشكٸ ٶنٸمنٸڭ ٶسٸمٸ 4,1 پايىزدى قۇراپ وتىر. سەگٸز ايدىڭ قورىتىندىسىمەن سالىستىرعاندا ٶتە ٷلكەن ٶزگەرٸس بار. بۇل, جۇمىستى العا قاراي جىلجىتۋ بويىنشا بارلىعىمىزدىڭ بٸرلەسە اتقارعان ٸس-ەرەكەتتەرٸمٸزدٸڭ نەتيجەسٸ دەپ بٸلەمٸن. دەگەنمەن, ەلٸ دە رەزەرۆتەرٸمٸز بار. ونى بارشامىز كٶرٸپ-بٸلٸپ وتىرمىز. قازٸر جوبالاۋ كەڭسەسٸ بويىنشا ەسەپتەر جٷرٸپ جاتىر. سول ەسەپتەردٸڭ نەگٸزٸندە ەلباسىنىڭ قويعان تاپسىرماسىن تولىققاندى ورىنداۋعا مٷمكٸندٸكتەرٸڭٸز بار», - دەدٸ ٷكٸمەت باسشىسى.
باقىتجان ساعىنتاەۆ قالعان كٷش-جٸگەردٸ سوعان سالۋ كەرەكتٸگٸن ەسكەرتتٸ.
«قالعان 51 كٷن - ەكٸ ايدىڭ ٸشٸندە ەلباسىنىڭ تاپسىرماسىن تولىق ورىنداۋىمىز قاجەت. دەگەنمەن, ٶڭدەۋ ٶنەركەسٸبٸنە, كيٸم ٶندٸرۋ, تەرٸ ٶندٸرٸسٸ, مەتالل, تٸگٸن, مينەرالدىق ٶندٸرٸس, فارماتسەۆتيكا سالاسىندا كٶپتەگەن مٷمكٸندٸكتەرٸمٸز بار. جىلدىڭ سوڭىنا دەيٸن قاجەتتٸ جۇمىستاردى اتقارۋىمىز قاجەت», - دەدٸ ٷكٸمەت باسشىسى.
قر پرەمەر-مينيسترٸ سٶز سوڭىندا بٶلٸنگەن قارجىنى يگەرۋ مەسەلەسٸ ەلٸ دە بارىن تٸلگە تيەك ەتتٸ.
«قازٸر بٸز بيۋدجەتتٸ قايتا قاراۋ مەسەلەسٸن پىسىقتاپ جاتىرمىز. توعىز ايدىڭ قورىتىندىسى بويىنشا يگەرٸلمەگەن قارجىنىڭ بارلىعى الىناتىنى تۋرالى ٶزدەرٸڭٸزگە ەسكەرتٸلگەن بولاتىن. وسى ۇسىنىستار قارجى مينيسترٸ تاراپىنان بەرٸلگەن. بيۋدجەتتٸڭ ٶزگەرٸستەرٸ قارالدى. ەرتەڭ پارلامەنتتە ول تۋرالى باياندالاتىن بولادى. ياعني, 9 ايدىڭ نەتيجەسٸ بويىنشا قاي ەكٸمدٸك قارجىنى يگەرمەدٸ - سول قاراجاتتاردىڭ بەرٸ الىنادى. الىنعان قارجى باسقا ەكٸمدٸكتەر تاراپىنان جاسالعان ۇسىنىستارعا بەرٸلەدٸ. كٸم يگەرٸپ جاتىر - سوعان بەرٸلەدٸ. كٸم يگەرمەدٸ - ولاردىڭ بەرٸنەن الىنادى. جىلدىڭ سوڭىنا دەيٸن ەلٸ ٷش اي بار. ەر ايدىڭ قورىتىندىسى بويىنشا يگەرٸلمەگەن قارجى وسىلاي الىنىپ وتىرادى. ەليحان اسحانۇلى (قارجى مينيسترٸ - اۆت.), كٸمدەر يگەرمەي جاتىر - ول مەسەلەنٸ پارلامەنتكە بارماي-اق ٶزٸمٸز شەشەتٸندەي مٷمكٸندٸك بولادى», - دەدٸ ٷكٸمەت باسشىسى.
ايتا كەتەيٸك, ب.ساعىنتاەۆ وسى جىلدىڭ ماۋسىم ايىندا بٶلٸنگەن قاراجاتتى يگەرە الماي جاتقان مينيسترلٸكتەر مەن ەكٸمدٸكتەرگە ەسكەرتۋ جاساعان ەدٸ.
بٷگٸنگٸ ٷكٸمەت وتىرىسىندا قر ۇلتتىق ەكونوميكا مينيسترٸ تيمۋر سٷلەيمەنوۆ وسى جىلدىڭ قاڭتار-قىركٷيەك ايلارىندا ەلەۋمەتتٸك-ەكونوميكالىق دامۋ كٶرسەتكٸشٸ بويىنشا ٷزدٸك نەتيجەگە قول جەتكٸزگەن ٶڭٸرلەردٸ اتاعان بولاتىن.
