بٷگٸن استانا ەكونوميكالىق فورۋمى اياسىنداعى يننوۆاتسييالىق سامميت بارىسىندا قر پرەمەر-مينيسترٸ باقىتجان ساعىنتاەۆ كۆازيمەملەكەتتٸك كومپانييالاردا «دينوزاۆرلار» جۇمىس ٸستەپ جاتقاندىعىن مەلٸم ەتتٸ.
ونىڭ پايىمىنشا, بۇل ادامدار كومپانييانىڭ يننوۆاتسييالىق جاڭعىرۋىنا كەدەرگٸ جاساپ كەلەدٸ, دەپ حابارلايدى قازاقپارات.
«بٷگٸندە جۇمىس ٸستەپ جاتقان كۆازيمەملەكەتتٸك كەسٸپورىنداردا تيٸستٸ كەسٸپورىندى جاڭعىرتۋ باعاتىندا ەشقانداي قىزىعۋشىلىق پەن ىنتا بايقالماي تۇر. سەبەبٸ ولار تۇراقتى تٷردە بيۋدجەت تاراپىنان قولداۋعا يە بولىپ كەلەدٸ. ەگەر دە قانداي دا بٸر مەسەلە تۋىنداپ جاتسا, ولار ٷكٸمەتكە كەلٸپ: «بٸز كۆازيمەملەكەتتٸك كەسٸپورىن بولعاندىقتان, قاراماعىمىزدا كٶپ ادام جۇمىس ٸستەيدٸ. ەگەر دە ادامدار سانىن قىسقارتساق, وندا ەلەۋمەتتٸك شيەلەنٸس تۋىندايدى», دەپ ايتادى. وسىنداي تەسٸلمەن ولار بٸزدٸ ٷرەيلەندٸرۋگە تىرىسادى», - دەپ توقتالدى ٷكٸمەت باسشىسى.
ونىڭ سٶزٸنە قاراعاندا, بۇل رەتتە ٷكٸمەتتەن كۆازيمەملەكەتتٸك كەسٸپورىندار بيۋدجەتتەن قارجى بٶلۋدٸ سۇراپ, ولاردىڭ قىزمەتٸنە ارالاسپاۋدى العا تارتادى ەكەن. نەتيجەسٸندە, اتالعان كەسٸپورىندار تاراپىنان دامۋ بەلگٸلەرٸ بايقالمايدى.
«بٷگٸن بٸرنەشە عالىممەن جەنە ەكونوميستپەن كەزدەستٸم. ولاردىڭ بٸرٸ جاقسى وي-پٸكٸردٸ ايتتى. يننوۆاتسييالاردى ەنگٸزۋ - ول وڭاي ەمەس, بۇل باعىتتا ەرٸك-جٸگەر بولۋى كەرەك. سەبەبٸ يننوۆاتسييالار «دينوزاۆرلار» جٷرگەن جەرگە كەلەدٸ. اتاپ ايتقاندا, وسى «دينوزاۆردى» الىپ تاستاپ, ونىڭ ورنىنا يننوۆاتوردىڭ كەلۋٸ - بۇل ٷكٸمەت الدىندا تۇرعان قادام . ال وسى كۆازيمەملەكەتتٸك سەكتورلاردا «دينوزاۆرلار» وتىر. سوندىقتان ولاردان تازارتقاننان كەيٸن, ماقسات-مٸندەتتەر ٸسكە اسىرىلادى دەگەن ويدامىز», - دەپ توقتالدى ب. ساعىنتاەۆ.
سونىمەن قاتار ٷكٸمەت باسشىسى ٸرٸ كەسٸپورىنداردا دامىعان ەلدەرمەن سالىستىرعاندا ەڭبەك ٶنٸمدٸلٸگٸ تٶمەن ەكەنٸن ايتا كەلە, «سونىمەن بٸرگە ولاردىڭ ٶنٸمٸنٸڭ ساتىلماي تۇرعانىن جاي عانا باقىلاپ تۇرا المايمىز. ٶنٸم ساتىلۋى ٷشٸن ولارعا كٶمەك كٶرسەتۋ كەرەك. وسىدان كٶلٸككە جەنە باسقا باعىتتارعا سۋبسيدييالار بٶلٸنەدٸ. ٶز كەزەگٸندە وسى جەڭٸلدٸكتەرگە كەسٸپورىندار دا ٷيرەنٸپ الادى. بۇل رەتتە ولار «مەملەكەتتەن سۇراپ الۋ مٷمكٸندٸگٸ بار كەزدە ٶز قالتامىزدان شىعىندانىپ قايتەمٸز» دەگەندٸ ەدەتكە الا باستايدى. «مەندە 20 مىڭ ازامات جۇمىس ٸستەيدٸ. ٶنٸم بەسەكەگە قابٸلەتتٸ بولماعاندىقتان, ادامداردى قىسقارتۋعا مەجبٷرمٸن» دەگەن ۋەجدٸ العا تارتادى. ەرينە, بٸز ٶز كەزەگٸمٸزدە: «ادامداردى قىسقارتۋشى بولما, بٸز ساعان كٶمەكتەسەمٸز. ادامدار جۇمىستارىن جالعاستىرىپ, جالاقىسىن الا بەرسٸن» دەپ ايتامىز. بٷگٸندە بٸز قادامدارىمىزدى ٶزگەرتۋدەمٸز, 2025 جىلعا دەيٸن ولار تولىقتاي جاڭعىرتۋ شارالارىن ٸسكە اسىرۋى تيٸس», - دەدٸ ساعىنتاەۆ.
