بٷگٸن ورتالىق كوممۋنيكاتسييالار قىزمەتٸندە بريفينگ ٶتكٸزگەن بٸلٸم جəنە عىلىم مينيسترلٸگٸنٸڭ ٶكٸلدەرٸ «قازاق تٸلٸ» مەن «قازاق əدەبيەتٸ» پəندەرٸ جالپى جٸكتەۋٸشتەن الىنباعانىن رەسمي مəلٸمدەدٸ, - دەپ حابارلايدى قازاقپارات اگەنتتٸگٸ.
بٸلٸم ۆيتسە-مينيسترٸ ەلميرا سۋحانبەرديەۆا ٶتكەن سەنبٸدەن جەكسەنبٸگە قاراعان تٷنٸ مينيسترلٸكتٸڭ سايتىنا شابۋىل جاسالعان ايتتى. سونىمەن قاتار, ول جٸكتەۋٸش قۇجاتتىڭ ٶزگەرگەنٸ تۋرالى اقپاراتتىڭ جالعان ەكەنٸن رەسمي مəلٸمدەدٸ.
جوعارى جəنە جوعارى وقۋدان كەيٸنگٸ جٸكتەۋٸشتەن «قازاق تٸلٸ» جəنە «قازاق əدەبيەتٸ» پəندەرٸ جويىلدى دەگەن اقپارات شىققان سوڭ, بٸر توپ اكادەميكتەر پرەمەر-مينيستر باقىتجان ساعىنتاەۆتىڭ اتىنا اشىق حات جولداعان ەدٸ. بٸلٸم مينيسترلٸگٸنٸڭ جوعارى جəنە جوعارى وقۋدان كەيٸنگٸ بٸلٸم دەپارتامەنتٸنٸڭ ديرەكتورى دارحان احمەد-زاكي ول اكادەميكتەر قانداي مəتٸندٸ اشىق حاتقا قول قويعانىن تٷسٸنبەۋٸ دە مٷمكٸن دەيدٸ.
«قازٸر قازاقستاندا جالعىز زاڭدى تٷردە بەكٸتٸلگەن قۇجات بار. ول - جوعارعى وقۋ جəنە جوعارعى وقۋدان كەيٸنگٸ جٸكتەۋٸش. وسى قۇجات 2009 جىلى بەكٸتٸلگەن, سودان بەرٸ ٶزگەرگەن جوق. وسى ماماندىقتارعا بايلانىستى كەيٸن مەملەكەتتٸك گرانتتار بٶلٸنەدٸ, ال, قازٸر «قازاق تٸلٸ» جəنە «قازاق əدەبيەت» پəندەرٸ بويىنشا جەتٸ مىڭنان اسا مامان وقىپ جاتىر. ونىڭ ٸشٸندە ەكٸ مىڭنان استامى گرانتتا. جالپى, بيىل دا, كەلەشەكتە دە ول باعىتتا ٶزگەرٸستەر بولادى دەپ كٶزدەپ وتىرعان جوقپىز», - دەدٸ دەپارتامەنت ديرەكتورى.
«Əرينە, مەنٸڭ ويىمشا قول قويعان كەزدە ول اكادەميكتەرگە دە بەلگٸلٸ اقپاراتتى دۇرىس جەتكٸزبەگەن شىعار. سوندىقتان, ٶكٸنٸشكە قاراي, ول كٸسٸلەر بٸلمەي قول قويعان. ال, اشىق حاتتىڭ ٸشٸندە ايتىلعانداي «قازاقستانداعى ماماندىقتاردىڭ اراسىنان قازاق تٸلٸ ساباعى كەتتٸ» دەگەن اقپارات شىندىققا جاناسپايدى», - دەدٸ ول.
