بٷگٸن قر بٸلٸم جەنە عىلىم مينيسترٸ ەرلان ساعاديەۆ الماتىدا بٸر توپ زييالى قاۋىممەن كەزدەستٸ, دەپ حابارلايدى "ۇلت اقپارات" مينيسترلٸكتٸڭ باسپاسٶز قىزمەتٸنە سٸلتەمە جاساپ.
"كەزدەسۋ بارىسىندا مينيستر جۇرتشىلىقتى الاڭداتقان ساۋال - ماماندىقتار جٸكتەۋٸشٸنە (كلاسسيفيكاتورى) توقتالدى. بۇل قۇجات 2011 جىلدان باستاپ تالقىعا تٷسٸپ جاتقانىن ەسكە سالعان ەرلان ساعاديەۆ مينيسترلٸك ماڭىزدى قۇجاتتاردى كٶپشٸلٸك تالقىسىنا سالماي ەنگٸزبەيتٸنٸن ايتتى. سونداي-اق بۇل ساۋال جوو رەكتورلارى كەڭەسٸندە تالقىلانىپ جاتقانىن اتاپ ٶتتٸ"دەيدٸ باسپاسٶز ٶكٸلدەرٸ.
"تاعى بٸر اسا ماڭىزدى سۇراق, بۇل – 11-سىنىپ وقۋشىلارىن حيمييا, فيزيكا, بيولوگييا پەندەرٸن اعىلشىن تٸلٸندە وقىتۋ. «بۇل مەسەلەنٸ تالقىلاۋعا بولادى» دەگەن مينيستر اكادەميك عالىمدار – قازاقستاننىڭ ەڭبەك سٸڭٸرگەن قايراتكەرٸ, مەملەكەتتٸك سىيلىقتىڭ يەگەرٸ, فيلولوگييا عىلىمىنىڭ دوكتورى سەرٸك قيراباەۆ پەن گەوگرافييا عىلىمىنىڭ دوكتورى, پروفەسسور ەلييا بەيسەنوۆامەن كەزدەسكەنٸن, سوندا وسى سۇراقتى تالقىعا سالعاندارىن ايتقان.
«ەلەمدە تەحنيكالىق عىلىم بٸر تٸلگە كەلٸپ جاتىر. ٶزدەرٸڭٸز جاقسى بٸلەسٸزدەر, بۇرىنىراقتا نەمٸس كلاسسيكالىق اتوم مەكتەبٸ, فرانتسۋز ۇلتتىق حيمييا مەكتەبٸ, ورىس يادرولىق مەكتەبٸ بولدى. قازٸر ولار جوق. گەرمانييادا تەحنيكالىق سالاعا گرانتتاردى اعىلشىن تٸلٸندە قابىلدايدى» دەگەن ەرلان ساعاديەۆ كٷنٸ كەشە پەداگوگيكالىق ۇجىممەن كەزدەسكەنٸن, سوندا وقۋشىلاردى جوعارى سىنىپتاردا اعىلشىن تٸلٸندە وقىتۋ مەسەلەسٸنە توقتالعاندارىن ايتادى.
«تاياۋدا الماتى, شىمكەنت, تالدىقورعاندا مەكتەپ ديرەكتورلارى مەن مۇعالٸمدەرمەن كەزدەسكەندە ولارعا اتا-انا بالاسىن جوعارى سىنىپتاردا اعىلشىن تٸلٸندە وقىتقىسى كەلمەسە, ٶزٸ شەشسٸن دەگەن سۇراقتى قويعان بولاتىنبىز, الايدا, ولاردىڭ باسىم كٶپشٸلٸگٸ بۇلاي ەتۋگە بولمايتىنىن ايتادى. پەداگوگتاردىڭ سٶزٸنشە, بۇلاي بولاتىن بولسا, وقۋشىلار اراسىندا ٶزارا بٶلٸنۋ بولۋى مٷمكٸن. تالانتتى نە تالانتسىز دەگەن سٶزدەر تۋىنداۋى ىقتيمال. سول سەبەپتٸ دە بارلىعىنا بٸردەي وقىتقان جٶن. ونىڭ ٷستٸنە اتا-انالاردىڭ 80 پايىزى بالالارىنىڭ اعىلشىن تٸلٸندە بٸلٸم الۋىن قالايدى. اتا-انالاردىڭ, ۇستازداردىڭ پٸكٸرلەرٸنە, ۇلتتىق باعدارلاماعا جٷگٸنٸپ وتىرمىز. ەشتەڭەنٸ ويدان قۇراستىرىپ وتىرعان جوقپىز. باعدارلاما 2019 جىلدان باستالادى. وعان دەيٸن بارلىعىن باقىلاۋدا ۇستايمىز. ەگەر باسقا دا پٸكٸرلەر بولاتىن بولسا, اشىق تالقىلاۋعا دايىنبىز. مٷمكٸن ۇلتتىق عىلىم اكادەميياسى جانىنان وسىنداي قوعامدىق سۇراقتاردى تالقىلاۋ ٷشٸن ورگان قۇرارمىز» دەيدٸ بٸلٸم جەنە عىلىم مينيسترٸ.
سونداي-اق كەزدەسۋ بارىسىندا بۇدان ٶزگە دە مەسەلەلەر ورتاعا سالىنىپ, عالىمدار سٶز سٶيلەدٸ. ٶمٸردٸڭ ٶزٸ قاجەت ەتٸپ وتىرعان – وقۋشىلارعا ٷش تٸلدە بٸلٸم بەرۋدە, ەڭ باستىسى, قازاق تٸلٸنە باسىمدىق بەرٸلەتٸنٸ ايتىلعان.
