فوتو: Kazakhcinema.kz
قر مەدەنيەت جەنە اقپارات مينيسترلٸگٸنٸڭ جەنە ۇلتتىق كينونى قولداۋ مەملەكەتتٸك ورتالىعىنىڭ قولداۋىمەن تٷسٸرٸلگەن «سابىر» قىسقامەتراجدى فيلمٸ حالىقارالىق دەڭگەيدە جوعارى باعالانىپ, Cineshort قىسقامەتراجدى فيلمدەر پلاتفورماسىندا رەيتينگ كٶشباسشىلارىنىڭ قاتارىنا ەندٸ. فيلم 9,3 ۇپاي جيناپ, كٶرەرمەندەردٸڭ ەرەكشە ىقىلاسىنا بٶلەندٸ, دەپ حابارلايدى Ult.kz.
تۋىندىدا ەكٸنشٸ سىنىپ وقۋشىسى سابىرجاننىڭ شىنايى تاعدىرى سۋرەتتەلەدٸ. وقىپ-جازا المايتىن بالاعا اناسى مەن مۇعالٸمدەرٸ تٷسٸنٸستٸك تانىتا الماي, جيٸ جازعىرادى. الايدا سابىرجاندا ديسلەكسييا دەرتٸ بار ەكەنٸ كەيٸن بەلگٸلٸ بولادى. بۇل – بالالاردىڭ ەرەكشە قابىلداۋىن قاجەت ەتەتٸن, قوعامدا كەڭٸنەن تٷسٸنٸلۋگە تيٸستٸ جاعداي. فيلم وسى ەلەۋمەتتٸك مەسەلەگە نازار اۋدارىپ, مەكتەپ جاسىنداعى بالالاردىڭ پسيحولوگييالىق قيىندىقتارىنا بەيجاي قاراماۋعا ٷندەيدٸ.
فيلمنٸڭ رەجيسسەرلەرٸ — مارينا زيبەرت پەن دامير تاناتوۆ. «سابىر» تۋىندىسى VIII حالىقارالىق BAIQONYR كينوفەستيۆالٸنٸڭ ۇلتتىق بايقاۋىندا «ٷزدٸك فيلم» اتالىمىن جەڭٸپ الدى. سونداي-اق باستى رٶلدٸ سومداعان ساليح بەيسەنباي ٶزٸنٸڭ ەسەرلٸ ويىنى ٷشٸن ارنايى ماراپاتقا يە بولدى.
بۇدان بٶلەك, فيلم UMUT حالىقارالىق كينوفورۋمىندا «ٷزدٸك رەجيسسەر» سىيلىعىنا يە بولىپ, تورونتودا ٶتكەن Peaks Central Asian Film Festival اياسىندا سولتٷستٸك امەريكاداعى تۇساۋكەسەرٸن ٶتكٸزدٸ.
Cineshort – ەلەمنٸڭ ەر تٷكپٸرٸنەن اۆتورلىق جەنە فەستيۆالدٸك كينوتۋىندىلاردى جيناقتايتىن بەدەلدٸ پلاتفورما. وندا ٷزدٸك شىعۋعا «سابىر» فيلمٸ لايىقتى ەكەنٸن دەلەلدەدٸ.
