بٸر جەردە سۇحبات جازىلىپ جاتىر, ەكٸنشٸ جاقتا سپيكەرلەر پٸكٸر الماسۋدا. كامەراسىن دايىنداعان تٸلشٸلەر, ەرٸپتەسٸن كەزدەستٸرگەن جۋرناليستەر, جاڭا جوباعا سەرٸكتەس ٸزدەگەن مەديا ٶكٸلدەر.
بەيبٸتشٸلٸك جەنە كەلٸسٸم سارايىندا تاڭنان بەرٸ قاربالاس. قاتىسۋشىلار تٸركەۋدەن ٶتٸپ, سەسسييا زالدارىنا اسىعىپ بارادى. جۋرناليستەر سپيكەرلەردەن پٸكٸر الىپ ٷلگەرۋگە تىرىسسا, تٷسٸرٸلٸم توپتارى تٸكەلەي قوسىلىمعا دايىندالىپ جاتىر.
فويەدە ەرٸپتەستەر جٷزدەسٸپ, بٸر-بٸرٸنٸڭ جۇمىسىن سۇراسىپ, جاڭالىق بٶلٸسۋدە.
كٶپ ۇزاماي ەڭگٸمە كەسٸبي مەسەلەلەرگە اۋىسادى: اۋديتورييانىڭ تالعامى قالاي ٶزگەردٸ, جاڭا تەحنولوگييالاردى جۇمىستا قالاي قولدانۋعا بولادى, بٸرلەسكەن قانداي جوبا جاساۋعا مٷمكٸندٸك بار?
مەدياپتاعا دەستٷرلٸ جەنە تسيفرلىق باق, باسپاسٶز قىزمەتتەرٸ, PR سالاسى, مەملەكەتتٸك ورگاندار مەن كۆازيمەملەكەتتٸك سەكتور ٶكٸلدەرٸ جينالدى. قاتىسۋشىلاردىڭ ماقساتى ەرتٷرلٸ بولعانىمەن, بەرٸنە ورتاق مەسەلە بار — ٶزگەرٸپ جاتقان اقپارات كەڭٸستٸگٸندە ٶز اۋديتوريياسىمەن بايلانىستى ساقتاۋ.
مەدياعا سەنٸم نەدەن باستالادى?
بيىلعى فورۋمنىڭ نەگٸزگٸ تاقىرىبى — «MEDIA. HUMAN. AI: 10 جىلدىق ترانسفورماتسييا. سەنٸمنٸڭ جاڭا ارحيتەكتۋراسى».
العاشقى كٷنگٸ تالقىلاۋلاردا جاساندى ينتەللەكت پەن اقپاراتقا دەگەن سەنٸم مەسەلەسٸ قاتار قوزعالدى. نەيروجەلٸ جاساعان مەتٸن مەن بەينەنٸ شىنايى اقپاراتتان قالاي اجىراتامىز? تەحنولوگييا جۋرناليستٸڭ جۇمىسىن قانشالىقتى ٶزگەرتەدٸ? اقپارات تاراتۋ جىلدامداعان سايىن ونىڭ دۇرىستىعىنا كٸم جاۋاپ بەرەدٸ?
پلەنارلىق سەسسييادا قازاقستاننىڭ مەدەنيەت جەنە اقپارات ۆيتسە-مينيسترٸ قانات ىسقاقوۆ, Meta ٶكٸلٸ فيليپ چۋا, Q.AI باس ديرەكتورى دميتريي مۋن, Euronews ٶكٸلدەرٸ جەنە ٶزگە دە ساراپشىلار باس قوستى.
زالدا وتىرعاندار سپيكەرلەردٸڭ سٶزٸن تىڭداپ, ماڭىزدى تۇستارىن جازىپ الىپ جاتتى. ال ٷزٸلٸس كەزٸندە ساحنادا ايتىلعان ويلار ەرٸپتەستەر اراسىنداعى ەڭگٸمەنٸڭ ارقاۋىنا اينالدى.
سەسسييادان كەيٸن دە جالعاسقان ەڭگٸمە
العاشقى كٷنٸ قاتىسۋشىلار جاساندى ينتەللەكتٸنٸ قولدانۋداعى جاۋاپكەرشٸلٸك, جاستاردىڭ تسيفرلىق قاۋٸپسٸزدٸگٸ, ورتالىق ازيياداعى اعىلشىنتٸلدٸ مەديانىڭ دامۋى جەنە بٸرنەشە تٸلدە حابار تاراتۋدىڭ جاڭا قۇرالدارىن تالقىلادى.
اقپاراتتىڭ شىنايىلىعىن ساقتاۋ مەسەلەسٸنە دە نازار اۋدارىلدى. مەتٸن, سۋرەت پەن بەينەنٸ ساناۋلى سەكۋندتا جاساۋعا بولاتىن كەزدە جۋرناليستٸڭ دەرەكتٸ تەكسەرۋٸ مەن جارييالانىمعا جاۋاپكەرشٸلٸگٸ بۇرىنعىدان دا ٶزەكتٸ بولا تٷستٸ.
فورۋمنىڭ تٸرشٸلٸگٸ زالداعى باعدارلامامەن بٸرگە توقتاعان جوق. دەلٸزدە قىسقا سۇحباتتار جازىلىپ, فويەدە تانىستىقتار جالعاستى. بٸرٸ ەرٸپتەسٸمەن ەستەلٸك سۋرەتكە تٷسسە, ەندٸ بٸرٸ الداعى جوبانىڭ جايىن تالقىلاپ جاتتى.
Astana Media Week 2026 استانادا 14-16 قازان ارالىعىندا ٶتەدٸ.
