بٷگٸندە اسا دٸنشٸلدەر سالت-دەستٷرٸمٸزگە اسىرا سٸلتەپ, كٶپ نەرسەنٸ جوققا شىعارىپ جٷرگەنٸ جاسىرىن ەمەس. بٸراق ارنايى بٸلٸمٸ بار تەولوگ ماماندار قازاقتىڭ سالت-دەستٷرٸ مەن دٸننٸڭ ەگٸز ۇعىم ەكەنٸن ايتىپ-اق كەلەدٸ. وسى ورايدا Ult.kz اقپاراتتىق پورتالى دٸن مەن سالت-دەستٷرگە قاتىستى كٶپشٸلٸكتٸ مازالاعان ساۋالداردى الماتى قالاسى قوعامدىق دامۋ باسقارماسىنىڭ جانىنداعى «كەڭەس بەرۋ جەنە وڭالتۋ ورتالىعىنىڭ» تەولوگى رۋسلان قايىرگەلدٸگە قويىپ كٶردٸ.
–رۋسلان, ەڭگٸمەمٸزدٸ قاراپايىم ادامداردىڭ اداسۋىنان باستايىقشى. دٸن جولىندا اداسقاندا ەڭ بٸرٸنشٸ نەدەن قاتەلەسەدٸ? ولار ٷشٸن سٸزدەر قانداي جۇمىستار اتقارىپ جاتىرسىزدار?
–جالپى قاراپايىم حالىقتىڭ اداسۋى شىن مەنٸندە يا دٸني ساۋاتسىزدىقتان بولادى, يا شىنىن ايتقان كەزدە ٶزٸنٸڭ اتا دٸنٸن, دۇرىس بٸلمەگەندٸكتەن بولادى. اتام زاماننان اتا-بابالارىمىز يمام بولعان عوي. سول اتا دٸنٸمٸز بەن دەستٷردٸ دۇرىس بٸلمەگەندٸكتەن شاتاسادى ادامدار. سەبەبٸ قازاق حالقىنىڭ دەستٷرٸنٸڭ كٶبٸسٸ دٸننەن الىنعان نەرسە. قاراپايىم مىسال, ەلٸمٸزدٸڭ كەي ٶڭٸرلەرٸندە كەلٸننٸڭ سەلەم سالۋى دەگەن دەستٷرٸ بار. قازٸرگٸ تاڭدا وسىعان ٶزگە جات اعىمنىڭ بارلىعى تىيىم سالادى. نە ٷشٸن? سەبەبٸ ول جەردە ەيەل ادام ادامعا رۋكۋك جاسايدى دەپ ايتادى. رۋكۋك تەك قۇدايعا جاسالادى دەيدٸ. ال ول بٸر سەلەفي راكۋرستان قاراعان كەزدە سولاي كٶرٸنەدٸ, بٸراق ادامي جەنە شىنايى مۇسىلمان راكۋرستان قاراساڭىز, ول جەردە ەشقانداي دا بٸر كٷنە نەرسە جوق. كەرٸسٸنشە بۇل جەردە ٶتە-ٶتە ساۋاپتى ٸس جەنە ٶنەگەلٸ دەستٷر. نەگە? بٸرٸنشٸدەن, كەلٸن ٷيدە بولعان كەزدە كٷيەۋٸنٸڭ جولداستارى, كٶرشٸلەرٸ ٷيٸنە كٸرٸپ كەلگەن كەزدە كەي ٶڭٸردٸ الساڭىز, ولار قولىنان ۇستاپ, بەتٸنەن سٷيٸپ, قۇشاقتاپ وتىرا بەرەدٸ. ال كەي جەردە كەلٸن سەلەم سالا ما, ارى قاراي ٶزٸنٸڭ شارۋاسىمەن كەتە بەرەدٸ, شاي-پايىن دايىنداي بەرەدٸ. ولار كەدٸمگٸدەي ارادا قاشىقتىق پايدا بولادى. بىلاي ايتقانشا ەشكٸم كٷنەعا تٷسپەيدٸ. كەرٸسٸنشە سٷننەت امال ساقتالىپ, ەكٸ جاق تا كٷنەعا تٷسپەيدٸ. مەن سونى سەلەفيلەرگە «سەندەر وسىنداي ناعىز كەرەمەت دەستٷردٸ تەرٸسكە شىعارىپ, كەرٸسٸنشە ادامداردى كٷنەعا يتەرٸپ جاتسىڭدار» دەپ ايتامىن. وسى جەردەن ويلاپ قاراساڭ, ادام, قاراپايىم حالىق دەستٷردٸ جاقسى بٸلەتٸن بولسا, كٶپ نەرسە شىنىمەن دٸننەن الىنعان عوي. قاراپايىم ىسىراپقا كەلەتٸن بولساق مىسالى, قازاق جالپى ىسىراپقا قاتتى كٶڭٸل بٶلگەن عوي. دەستٷرٸمٸزدە بالاعا ات قويۋدان باستاپ, قوي سويۋدان باستاپ, كەدٸمگٸ شاريعاتتا سٷننەتتە بار, ۇل تۋسا قانشا قوي, قىز تۋسا قانشا قوي, جولدارى, تاراتىلۋى دەگەندەي. بٸزدە دە قالجا, قۇرمالدىق دەگەن مٸندەتتٸ تٷردە بولادى عوي, قۇربان شالۋ, قوي تاراتۋ. ەندٸ اتەيستٸك جەتپٸس جىلدىق زاماندا دٸندٸ ۇستانىپ قالۋ ٷشٸن اتا بابالارىمىز دانا بولعاندىقتان, وسىنداي دەستٷرگە اينالدىرعان عوي. سول دەستٷر ارقىلى حالىق دٸننەن الىستاعان جوق. ەگەر قاراپايىم حالىققا كەلەتٸن بولساق, سول كٷيٸندە دەستٷردٸ جالعاستىراتىن بولساق, ەش ۋاقىتتا اداسپايدى. ال ول ٷشٸن ەندٸ دٸني ساۋاتىن ارتتىرۋ كەرەك. بٸر جاعىنان ون جىل بۇرىن يمامداردىڭ كٸشكەنە بٸلٸم دەڭگەيٸنٸڭ تٶمەندٸگٸنەن بولدى دەپ ايتساق بولادى. قازٸرگٸ زاماندا يمامدار ٶتە بٸلٸمدٸ, قاتارلارى ٶتە بٸلٸمدٸ يمامدارمەن كٶبەيٸپ جاتىر. بٸر ۋنيۆەرسيتەت, توعىز مەدرەسە بار. ەندٸ ۋاقىت ٶتە كەلە حالىق دٸني ساۋاتتى بولادى دەپ ويلايمىن. بٸراق قازٸرگٸ ۋاقىتتا وسى دەستٷر مەن مەشٸتتەگٸ يمامداردى تىڭداسا, اداسپايدى دەپ ويلايمىن.
–اداسىپ جٷرٸپ, ورتاعا ورالعاندار قانداي بولادى? ولار ورالا ما?
–ورالادى. بٸراق بٸرەۋدٸڭ ويىن ٶزگەرتۋ ٶتە قيىن نەرسە. ەڭ قيىن نەرسە سول دەپ ويلايمىن مەن. كەرٸسٸنشە, باسقا دٸندە جٷرگەن ادامدى مىنا دٸنگە كٶندٸرۋ وڭاي. بٸراق قازاقستاندا ەشكٸم كٶندٸرمەيدٸ, بٸزدە دٸني ەركٸندٸك بار عوي. بٸراق دٸندە جٷرٸپ ويىن ٶزگەرتۋ ٶتە قيىن. ەندٸ بٸر-ەكٸ جىل, ارى كەتسە تٶرت-بەس جىل سول باعىتتا بولسا, ٶزگەرتۋگە بولادى. ال ون جىل جٷرٸپ قالعاندار تٸپتٸ كەتە بەرەدٸ ەكەن. ەۋ باستان بٸر انتيۆيرۋس قويىپ قويعان, سونىمەن سول ەنەرتسييامەن جٷرە بەرەدٸ, ولارعا تٷك قىزىق ەمەس. جاڭالارىن وڭالتۋعا بولادى, بٸراق ول كەي ۋاقىتتا قاۋٸپتٸ دە. ەگەر پسيحولوگييالىق مىقتى ازامات بولسا, تۇلعا رەتٸندە مىقتى پوزيتسيياسى بار جٸگٸت بولسا, ول ارى قاراي وپ-وڭاي ٶمٸر سٷرە بەرەدٸ. كٶبٸنەسە بايقاساڭىزدار, بٸر مەملەكەتتە ۇلتى از حالىق ٶتە ۇيىمشىل بولادى عوي, سول سيياقتى ولار دا ٶتە ۇيىمشىل. قانداي مەسەلەدە دە. مىسالى, بٸر-بٸرٸنە جۇمىس تاۋىپ بەرۋدە, بيزنەستٸ قولداۋدا. قازٸر مىسالى اكسەكسسۋار, تەلەفون ساتۋ, تەلەفون جٶندەۋ, اۆتوماتەريالدار مەن تٷرلٸ ماتەريال كٶبٸسٸندە وسى جات اعىمنىڭ جەتەگٸندە كەتكەندەر جۇمىس ٸستەيدٸ. جەكە كەسٸپتەردە دە. الماتىنى الاتىن بولساق, الماتى قالاسى شاعىن جەنە ورتا بيزنەسكە بەيٸمدٸ قالا عوي. كٶپ اۋدانداردان وسىندا كەلٸپ جۇمىس ٸستەيدٸ. جەنە بٸر-بٸرٸنە قولداۋ بەرگەن كەزدە قاتتى بەرەدٸ, تارتادى, كەدٸمگٸدەي اقشا بەرەدٸ, جەنە ونى پايىزسىز بەرەدٸ. كەسٸپكە يكەمٸ بار ما, قولداي بەرەدٸ. ەندٸ شىنتۋايتىنا كەلگەن كەزدە ولار بٸر نەرسەگە تەۋەلدٸ بولادى. مىسالى, مەن رايىنان تولىق قايتقان ايتولدى (اتى-جٶنٸ ٶزگەرتٸلدٸ – رەد.) دەگەن جٸگٸتتٸ تانيمىن. مەن وعان تالاي ايتتىم, «سەنٸ قولدانىپ, شىن اقپارات بەرەيٸك, سۇحبات الايىق, سەنٸڭ اتىڭدى, تٷرٸڭدٸ ٶزگەرتەيٸك, ۆيدەوعا-سايتقا تٷسٸرٸپ, سەن بەرٸنە تٷسٸندٸر. سەن ولاردىڭ اراسىندا بولدىڭ عوي, سونىڭ ٸشٸندە نەنٸڭ قالاي بولاتىنىن بەرٸن ەگجەي-تەگجەيلٸ بەرٸن ايت, جاستاردىڭ بەرٸنٸڭ الدىن الۋ كەرەك» دەگەنمٸن. ال ول «ماعان ولار كٶمەكتەستٸ عوي, قول ٷشٸن بەردٸ عوي. مەنٸڭ قازٸرگٸ بارىم, بارلىعىم سولاردىڭ ارقاسىندا, بٸر-اق سەتتە مەن ولارعا قالاي قارسى شىعامىن» دەپ بەتبۇرادى. ولار ەندٸ تۇلعالىق ەلسٸز (ٷرەيدەن ارىلماعان) بولادى عوي, ەلسٸز بولعان ادام ۇيالادى. كەسٸبٸن تارتىپ الماسا دا بەتبۇرادى, ول دالادا جالعىز قالعانداي بولىپ سەزٸنٸپ قالادى. سونداي ەلسٸز ادامدار دا بار, ولاردى ەندٸ قايتادان قوعامعا بەيٸمدەۋ قيىنداۋ بولادى. ادامنىڭ ٶزٸنە بايلانىستى. مىسالى ەگەر مىقتى جٸگٸت بولسا, ٶزٸنٸڭ ويىن, پوزيتسيياسىن ۇستاي الاتىن بولسا بولسا, قايتادان قوعامعا سٸڭٸسٸپ, جٷرە الا بەرەتٸن بولادى. ول جاعىنان ەشقانداي پروبلەما جوق.
–جالپى وڭالتۋ جۇمىستارىنا كٶنبەيتٸن قيىن ازاماتتار كەزدەستٸ ما تەجٸريبەڭٸزدە? ولارمەن قالاي جۇمىس ٸستەدٸڭٸز?
–كٶنبەيتٸندەر ٶتە كٶپ. كٶبٸنەسە كٶنبەيتٸندەر وسى باعىتتا 10 جىلداپ تەجٸريبەسٸ بار ادامدار. بٸز ولارعا ايتامىز: «سەندەر شىن مەنٸندە اقيقاتتى دەپ كەلەتٸن بولساڭ, كٶنەسٸڭ. سەبەبٸ اقيقات مٸنە, ول مىنا كٸتاپ, ول بۇرىنعى ابۋ انيفانىڭ كٸتابى, يمام ابۋ جاپپار تاحاۋيدىڭ كٸتابى, سەنٸڭ شەيح, ۇستاز دەپ جٷرگەندەرٸڭنٸڭ سٶزٸ مىناۋ» دەپ سالىستىرىپ تۇرىپ كٶرسەتكەن كەزدە, كەيبٸرەۋلەر شىنىمەن ويلانادى. مەسەلەن, ولاردىڭ ەڭ قايماعى شەيح مۋمبار دەگەن كٸسٸ بولعان, سول كٸسٸنٸڭ ايتقانى بار. ول كٸسٸگە سۇراق قويادى, «ناماز وقيدى, كاليما شاحادانى بٸلٸپ, ورازا ۇستاپ, بٸراق ناماز وقىماعان ادامنىڭ جاعدايى نە?» دەگەن كەزدە ول كٸسٸ «ول ادام قالاي دا بولسا كەپٸر» دەپ ايتقان. «مىسالى سەنٸڭ تۋىسقانىڭ ناماز وقي ما, ەكە-شەشەڭ ناماز وقي ما, جوق وقىمايدى. ەندٸ سەنٸڭ مىنا ۇستازىڭ, قايماق-شەيحتاردىڭ ٶزٸ ونداي ادامدى كەپٸر دەپ وتىر. وندا قازاقستاننىڭ 75-80 پايىزىن كەپٸر دەپ وتىر عوي» دەيمٸز. 11 ملن رەسمي مۇسىلمان بولاتىن بولسا, ونىڭ بەرٸ ناماز وقىمايدى عوي. كەز كەلگەن قازاقتى الساڭ, «ەلحامدۋللا, مەن مۇسىلمانمىن» دەپ تٸلٸن كەليماعا كەلتٸرٸپ, ناماز وقىمايدى. سولاردىڭ بەرٸن كٷپٸرلٸككە شىعارىپ وتىر ولار. سول كەزدە كەيبٸرەۋلەر شىنىمەن ويلانا باستايدى. ينتەرنەتتە قولجەتٸمدٸ, شىنىمەن ارابشالاپ تۇرىپ ايتقان. بٸراق ولاردىڭ ۇستازدارى پەندە عوي, قاتەلەسەدٸ, كەزدەسكەن جەرلەردە كٶپ دەلەلدەر كەلتٸرەمٸز. مىسالى نازاراتۋللا دەگەن ۇستازدارى بار. سول نازاراتۋللا ولاردىڭ پايىمداۋىنشا 20 جىل بٸلٸم العان شەيح ابۋللا بۋحاري دەگەن سيياقتى عالىمدار بار. «سولاردىڭ الدىندا بٸرنەشە جىل وتىرىپ, مىنا شەيح بۋحاريدى بٸتٸردٸم, مۋسليمدٸ بٸتٸردٸم, ساحيف مۋسليمدٸ بٸتٸردٸم, قۇجاتىم بار» دەپ ايتقان عوي. سول ۇستازداردان وقىعانىم تۋرالى قۇجاتىم بار, ول «يدجازا» دەپ اتالادى. ارتىنان ول كٸسٸدە «يدجازاسى» بولماي شىقتى. سوسىن ٶزٸ جازىپ ايتادى: «جٸگٸتتەر, باۋىرلار, مەن قاتەلەسٸپپٸن, مەن وتىردىم, كٸتاپتى بٸتٸردٸم, بٸراق مەن قۇجاتقا قىزىقپاعام, بىلايشا ايتقاندا ديپلومعا قىزىقپادىم, بٸلٸمگە قىزىقتىم» دەيدٸ. سٶيتٸپ ولار كەشٸرە سالادى. بارلىعى ول قالەتەستٸ, پەندە عوي, بەرٸمٸز قاتەلەسەمٸز دەپ كەشٸرەدٸ. مەن ايتامىن: «جٸگٸتتەر, «تازكييا يدجازا» دەگەن قاتەلەسۋگە بولمايتىن نەرسە. ادام اتىن, حاديستٸ, تٸزبەك بويىنشا ساحابانىڭ اتىن ۇمىتىپ قالدىڭ, تٸپتٸ ايات پەن حاديستٸ شاتاستىرىپ الدىڭ كەشٸرٸمدٸ نەرسە. پەندە بولعان سوڭ, ونداي بولادى. «تازكييا يدجازا» دەگەن مىنامەن تەڭ: سەن مەكتەپتە 11 جىل بويى ەكٸلٸكپەن وقىپ, مەكتەپ بٸتٸردٸڭ. سوسىن باسقا قالاعا بارىپ مەن ٷزدٸكا وقىعانمىن, وتليچنيكپٸن التىن بەلگٸمەن بٸتٸردٸم دەپ ايتتىڭ بەرٸنە. سٶيتٸپ, سوڭىنان ارتى اشىلىپ, ول جالعان ەكەنٸ انىقتالادى. ال سەن: «جٸگٸتتەر, رەنجٸمەڭدەر, مەن قاتەلەسٸپپٸن. مەن التىن بەلگٸ ەمەسپٸن, «دۆوەچنيك» بولدىم» دەيسٸڭ. سونداي عوي, ول ولاي قاتەلەسەتٸن نەرسە ەمەس. «يدجازا» بار دەپ ايتۋ ٷلكەن ٶتٸرٸكشٸ, سۋايت دەگەن سٶز. سول كەزدە كٶبٸسٸ قاشان, قاي جەردە ايتقان دەپ تاڭعالادى. مٸنە دەپ كٶرسەتەم. سول سيياقتى دٸلمۋراد تا قانداي ٷلكەن سەلەم سالۋ دەستٷردٸ شيرك دەپ جاتىر. شيرك دەگەن قۇداي كەشٸرمەيتٸن كٷنە ول. بىلاي ٸشكٸ جاعىنان قاراساڭ, كەرٸسٸنشە, ٶتە ساۋاپتى ٸس. ەيەل مەن ەركەك قول ۇستاسپادى, بەت سٷيٸسپەدٸ. سەن ساۋاپتى ٸستٸ شيرك دەپ جاتسىڭ. كٶبٸسٸ وسىنداي نەرسەلەردٸ تٷسٸندٸرگەن كەزدە, اقيقاتتى ٸزدەپ كەلگەن باۋىرلار ٶزدەرٸ كەدٸمگٸدەي ويلانىپ قالادى. ەگەر شىنىمەن زومبي بولىپ قالىپ, قاتىپ قالعان ادامدار شىن مەنٸندە قيىندىق تۋدىرىپ جاتادى. بٸراق بٸز ەشكٸممەن ۇرىس-تٶبەلەسكە بارمايمىز. ەڭ بٸرٸنشٸ بٸز دياگنوز قويۋعا تىرىسامىز. دياگنوز قويعاننان كەيٸن, دۇرىس دياگنوز قويىپ جاتساق, ارى قاراي جۇمىس ٸستەۋ وڭايىراق بولادى. ادامنىڭ سول قولى سىنسا, ونىڭ وڭ قولىن قانشا ەمدەسەڭ دە پايداسى جوق قوي. بٸراق بٸزدٸڭ ەڭ قاتتى مەن بەرەتٸنٸمٸز وسى باق ٶكٸلدەرٸنٸڭ دە, قۇزىرلى ورگاندارىنىڭ دا ىلعي مىنا ماتحالىپ باعىتتاعى سەلەفيلەردٸ سولاردان قاۋٸپ بار دەپ ايتىپ جٷرگەنٸ بار. سەبەبٸ ولار ٶتە «حيترىي» جاعدايدا. ولارعا قازٸر ٶتٸرٸك ايتا سالۋ وپ-وڭاي, بۇرىن ونداي ەمەس ەدٸ. سول سەبەپتٸ قازٸر «باسشىعا باعىنامىز, پرەزيدەنتكە باعىنامىز, كونستيتۋتسييا قۇراننان الىنعان, بەرٸنە باعىنامىز-باعىنامىز» دەپ كەلەدٸ دا, دٸني باسشىعا نەگە باعىنبايسىڭ دەگەن كەزدە «وعان مٸندەتتٸ ەمەسپٸز» دەيدٸ. مۋفتيعا, مەشٸتتەگٸ يمامعا باعىنبايدى, مىسالى.
سول سەكٸلدٸ ەرتەڭ ولاردىڭ شەيحتارى قانات جايىپ كٶبەيگەن كەزدە بٸر-اق اۋىز سٶز جەتەدٸ, بٸر-اق اۋىز سٶزبەن ولاردىڭ ۇستانىمىن ٶزگەرتە سالادى ەكەن. ولار بٸر عانا سٶز ايتسا, بەرٸنە ەسەر ەتەدٸ. مىسالى «قازاقستاندا مىنا ادام كەپٸر, جيھادقا شىعىڭدار» دەي سالاتىن بولسا, اللا ساقتاسىن, ولار ۇستانىمىن ٶزگەرتە سالادى. ٶيتكەنٸ ولار ىلعي ۇستانىمدارىن ٶزگەرتە بەرەتٸن سەكتا. بولاشاقتا وسىنداي قاۋٸپ بار. وسىنى دا ەسكەرۋٸمٸز كەرەك سيياقتى.
–بٸز راديكالدى يدەيالاردى قولداۋشىلار مەن تەرروريستەردٸ بٸر دەپ قاراستىرىپ جٷرگەن سيياقتىمىز? وسى دۇرىس پا?
–جوق, بٸر دەپ ايتۋعا بولمايدى. سەبەبٸ جالپى تەرروريست دەگەن سٶز بانديت دەگەن سٶز, قانٸشەر دەگەن سٶز. راديكال, بانديت, كٸسٸ ٶلتٸرۋشٸ, بەرٸبٸر قانٸشەر ادام عوي شىنىمەن. بٸراق دٸني-راديكالدى دەگەن بولمايدى. مىسالى, كەشەگٸ اقتٶبەدەگٸ جاعدايدى دٸني-راديكالدى دەپ جاتىر, ول دٸني ەمەس, شىنايى راديكالدى جاعداي. پايعامبارىمىز مۇسىلمانداردا ەشۋاقىتتا تٸلمەن دە, قولمەن دە زييان تيگٸزبەيتٸن ادام بولۋ كەرەگٸن ايتقان. ەگەر شىنايى مۇسىلمان بولاتىن بولسا ول ادام, ەش ۋاقىتتا قارۋ كٶتەرٸپ, ٶزٸنٸڭ مۇسىلمان باۋىرىنا قانتٶگٸس جارييالاماق تٷگٸلٸ تٸلمەن دە, قولمەن دە زييان تيگٸزبەۋشٸ ەدٸ. قازٸر يسلام بار, تەرروريزم بار. ەكەۋٸ بٸر-بٸرٸنە قايشى نەرسە. بٸراق ٶكٸنٸشكە قاراي ونى بٸر دەپ قاراپ, بٸر دەپ جەتكٸزەدٸ حالىققا. تٸپتٸ اقتٶبەدەگٸ سوتتالعان جٸگٸتتٸڭ اناسى «كەزٸندە بالام ٸشٸمدٸك ٸشٸپ, ناشاقور بولىپ ەدٸ. كەيٸن مەشٸتكە بارىپ, جٸگٸتتەرمەن ارالاسىپ, وسى جولعا تٷسٸپ كەتتٸ. قازٸر ٶكٸنەم, سول بۇرىنعىداي كەپٸر كٷيٸندە ٶتٸپ كەتكەنٸ دۇرىس ەدٸ, ناماز وقىعاننان گٶرٸ» دەيدٸ. دٸن دۇشپاندارى قازٸر تازا يسلامدى وسىنداي قۇبىجىق رەتٸندە كٶرسەتٸپ تۇر. باياعىدا شىنىمەن بالالار ناماز باستاسا اتا-انالار قۋاناتىن. قازٸر مەشٸتكە بارىپ جٷرسە, ناماز وقيمىن دەسە اتا-انالار قورقاتىن بولدى. مٸنە وسىلاي دٸنگە قاتىسى جوق دٸن دۇشپاندارى يسلامدى قۇبىجىق رەتٸندە كٶرسەتٸپ قويدى.
–جات اعىمعا ەرٸپ كەتكەندەردٸ بٸز قالاي تانيمىز?
–قازٸر ونى تانۋ مٷمكٸن ەمەس. بۇرىنعىداي ساقال مەن بالاققا قاراپ تانۋ دەگەن قاتە تٷسٸنٸك. ونىڭ ٷستٸنە ساقال قازٸر سەندە, ترەندتە عوي. سوندىقتان اداممەن سٶيلەسٸپ, ونىڭ اۋزىنان شىققان ەڭگٸمەلەرٸن تىڭداۋ ارقىلى عانا انىقتامايىنشا, سىرت كەلبەتٸنەن دياگنوز قويۋ دۇرىس ەمەس. اناليز جاساعاننان كەيٸن بٸر-اق ول تۋرالى ايتۋىمىزعا بولادى.
–ەڭگٸمەڭٸزگە راحمەت!
اقبوتا مۇسابەك
