قاسىم-جومارت توقاەۆ پاۆلودار وبلىسىنىڭ ەكٸمٸ اسايىن بايحانوۆتى قابىلداپ, ٶڭٸردٸڭ ەلەۋمەتتٸك-ەكونوميكالىق دامۋى جٶنٸندەگٸ ەسەبٸن تىڭدادى, دەپ حابارلايدى ult.kz.
كەزدەسۋ بارىسىندا وبلىس ەكٸمٸ بىلتىر جەنە 2026 جىلدىڭ العاشقى توقسانىنداعى نەگٸزگٸ كٶرسەتكٸشتەر تۋرالى باياندادى. ونىڭ ايتۋىنشا, پاۆلودار وبلىسىنا شامامەن 1,3 تريلليون تەڭگە ينۆەستيتسييا تارتىلىپ, ٶسٸم 47 پايىزدى قۇراعان. وسىلايشا ٶڭٸر ينۆەستيتسييا كٶلەمٸ بويىنشا ەلدەگٸ كٶشباسشىلاردىڭ بٸرٸنە اينالعان.
سونداي-اق ٶتكەن جىلى ٶنەركەسٸپ ٶندٸرٸسٸنٸڭ كٶلەمٸ 4,1 تريلليون تەڭگەگە جەتكەن. قازاقستاندا ٶندٸرٸلەتٸن كٶمٸر مەن فەرروقورىتپانىڭ 58 پايىزى, ەلەكتر ەنەرگيياسىنىڭ 42 پايىزى پاۆلودار وبلىسىنىڭ ٷلەسٸنە تيەسٸلٸ ەكەنٸ ايتىلدى.
اۋىل شارۋاشىلىعى سالاسىندا دا ٶسٸم بايقالعان. ٶنٸم كٶلەمٸ 571,4 ميلليارد تەڭگەگە جەتٸپ, 9,6 پايىزعا ارتقان. ٶڭٸردە ىلعال ٷنەمدەۋ تەحنولوگييالارى كەڭٸنەن قولدانىلىپ, كارتوپ, كٷنباعىس جەنە قاراقۇمىقتان مول ٶنٸم الىنعان.
ەلەۋمەتتٸك سالا بويىنشا ٶڭٸردە 30 مىڭنان استام جاڭا جۇمىس ورنى اشىلىپ, قالالاردا ەكٸ مەكتەپ, اۋىلداردا ٷش مەكتەپ جەنە 30 دەنساۋلىق ساقتاۋ نىسانى سالىنعان. بيىل تاعى ەكٸ مەكتەپ پەن بەس ٸرٸ ەلەۋمەتتٸك جوبانى ٸسكە اسىرۋ جوسپارلانىپ وتىر.
بۇدان بٶلەك, وبلىستاعى بارلىق اۋىل تازا اۋىز سۋمەن قامتىلعانى حابارلاندى. ٷش قالاداعى قوعامدىق كٶلٸك پاركٸ تولىق جاڭارتىلىپ, جاقسى جاعدايداعى جولداردىڭ ٷلەسٸ 96 پايىزعا جەتكەن. ٶتكەن جىلى 621 شاقىرىم جول مەن اۋىل كٶشەلەرٸ جٶندەلگەن.
كەزدەسۋدە ەرتٸس ارقىلى ٶتەتٸن جاڭا كٶپٸر سالۋ, ەۋەجايدىڭ ۇشۋ-قونۋ جولاعىن جاڭعىرتۋ, ترامۆاي پاركٸن جاڭارتۋ جەنە ٷشٸنشٸ گرەس قۇرىلىسى سەكٸلدٸ ٸرٸ جوبالاردىڭ جٷزەگە اسىرىلۋى دا تالقىلاندى.
پرەزيدەنت ەكٸباستۇز قالاسىنىڭ ەۋە قاتىناسىن دامىتۋعا ەرەكشە نازار اۋدارىپ, جاڭا ەۋەجاي اشۋ مەسەلەسٸن جان-جاقتى قاراستىرۋدى تاپسىردى.
– بۇل جوبا ٶڭٸردٸڭ كٶلٸك-ترانزيت ەلەۋەتٸن ارتتىرىپ, ينۆەستيتسييالىق تارتىمدىلىعىن كٷشەيتەدٸ, – دەپ اتاپ ٶتتٸ مەملەكەت باسشىسى.
سونداي-اق قاسىم-جومارت توقاەۆ ينۆەستيتسييا تارتۋ, ەلەۋمەتتٸك ينفراقۇرىلىمدى دامىتۋ جەنە ينجەنەرلٸك-كوممۋنالدىق جٷيەلەردٸ جاڭعىرتۋ جۇمىستارىن جالعاستىرۋدى تاپسىردى.
