Forbes جۋرنالى رەسەيدەگٸ ەڭ باي ون ەۋلەتتٸڭ رەيتينگٸن جارييالادى. تٸزٸمدە گۋتسەريەۆتەر ەۋلەتٸ بيىل دا بٸرٸنشٸ ورىندا تۇر. ەۋلەتتٸڭ ورتاق دەۋلەتٸ التى ميلليارد دوللارعا باعالانادى.
ەكٸنشٸ ورىنداعى روتەنبەرگتەر ەۋلەتٸندە بەس ميلليارد دوللار بار. ەۋلەتتٸڭ ٷلكەنٸ اركاديي روتەنبەرگ رەسەي پرەزيدەنتٸ ۆلاديمير پۋتيننٸڭ جاقىن سەرٸگٸ سانالادى. اقش اركاديي روتەنبەرگكە قىرىمنىڭ كەرچەنسك بۇعازىندا كٶپٸر سالۋعا قاتىسقانى ٷشٸن سانكتسييا سالعان.
تٸزٸمدە ٷشٸنشٸ ورىندا IPG Photonics كومپانيياسىنىڭ يەسٸ گاپونتسەۆتەر ەۋلەتٸ ورنالاسقان. ولاردىڭ ٷش ميلليارد دوللاردان استام بايلىعى بار دەپ سانالادى.
جەتٸنشٸ ورىندا بٸر جارىم ميليلارد دوللارى بار شامالوۆتار ەۋلەتٸ تۇر. باق ەۋلەت مٷشەسٸ كيريلل شامالوۆتى رەسەي پرەزيدەنتٸنٸڭ كٷيەۋ بالاسى دەپ توپشىلايدى. 2018 جىلى "سيبۋر" كومپانيياسى ديرەكتورلار كەڭەسٸنٸڭ مٷشەسٸ كيريلل شامالوۆ اقش-تىڭ سانكتسييا سالىنعاندار تٸزٸمٸنە ەنگٸزٸلگەن. اقش قارجى مينيسترلٸگٸ سول كەزدە بيزنەسمەننٸڭ بايلىعى ول 2013 جىلى كاتەرينا تيحونوۆاعا ٷيلەنگەن سوڭ كٷرت ارتقانىن مەلٸمدەگەن. Reuters اگەنتتٸگٸ تيحونوۆانى پۋتيننٸڭ قىزى دەپ اتايدى. بيىل قاڭتاردا Bloomberg اگەنتتٸگٸ تيحونوۆانىڭ كيريلل شامالوۆپەن اجىراسقانىن حابارلاعان.
بۇل ەۋلەتتٸڭ ٷلكەنٸ, پۋتيننٸڭ دوسى سانالاتىن نيكولاي شامالوۆ "روسسييا" بانكٸ اكتسيياسىنىڭ 10 پايىزىنا يەلٸك ەتەدٸ. 2014 جىلى بانك رەسەي اننەكسييالاپ العان قىرىمدا جۇمىس ٸستەگەنٸ ٷشٸن سانكتسيياعا ٸلٸككەن. نيكولاي شامالوۆتىڭ ٶزٸنە دە "وزەرو" كووپەراتيۆٸنٸڭ تەڭ قۇرىلتايشىسى رەتٸندە سانكتسييا سالىنعان.
رەسەيدەگٸ ەڭ باي ون ەۋلەتتٸڭ قاتارىنا قازٸر تەرگەۋ اباقتىسىندا وتىرعان اعايىندى ماگومەدوۆتەر دە ەنگەن. "سۋمما" كومپانييالار توبى ديرەكتورلار كەڭەسٸنٸڭ تٶراعاسى زيياۆۋدين ماگومەدوۆ پەن "كاردو اليانس" كومپانيياسىنىڭ باس ديرەكتورى ماگومەد ماگومەدوۆكە مەملەكەتتٸك كەلٸسٸمشارتتان قارجى جىمقىردى دەگەن ايىپ تاعىلعان.
رەيتينگكە ەنگەن ەۋلەتتەر ٸشٸندەگٸ دەۋلەتٸ ەڭ ازىندا 1,05 ميلليارد دوللار بار.
