سانكت-پەتەربۋرگ سوتى "تەرروريستٸك قاۋىمداستىققا قاتىسى بار" دەگەن ايىپپەن 25 جاستاعى ۆيكتور فيلينكوۆتٸ جەتٸ جىلعا, 28 جاستاعى يۋليي بويارشينوۆتٸ 5,5 جىلعا باس بوستاندىعىنان ايىردى. بۇل تۋرالى ازاتتىق راديوسىنىڭ سەۆەر.رەاليي مەدياجوباسىنىڭ تٸلشٸسٸ حابارلادى.
رەسەي بيلٸگٸ قازاقستاندىق ۆيكتور فيلينكوۆ پەن رەسەيلٸك يۋليي بويارشينوۆتٸ "جەلٸ" دەپ اتالاتىن انارحييالىق سيپاتتاعى تەررورلىق قاۋىمداستىقتىڭ پەتەربۋرگتىق بٶلٸمٸنە كٸردٸ دەپ ايىپتادى. كرەملدٸڭ پٸكٸرٸنشە, "جەلٸ" قاۋىمداستىعى بيلٸكتٸ قۇلاتۋدى” كٶزدەيدٸ.
ايىپتالۋشىلار تاعىلعان ايىپتى جوققا شىعارىپ, ٸستٸڭ قولدان جاسالعانىن ايتتى.
پروكۋراتۋرا يۋليي بويارشينوۆكە التى جىل, ۆيكتور فيلينكوۆقا توعىز جىل سۇراعان ەدٸ.
قىلمىستىق ٸستٸ رەسەي فەدەرالدى قاۋٸپسٸزدٸك قىزمەتٸ 2017 جىلدىڭ قازانىندا قوزعاعان. ول ٸس بويىنشا پەنزا, سانكت-پەتەربۋرگ جەنە مەسكەۋ قالالارىنىڭ 11 تۇرعىنى قاماۋعا الىنىپ, كەيٸننەن بوساتىلدى. ولاردىڭ كٶبٸ – انارحيستەر مەن انتيفاشيستەر. تەرگەۋ قىزمەتٸنٸڭ سٶزٸنشە, جاس ازاماتتار تەراكت جاساۋ جەنە بيلٸكتٸ قۇلاتۋ ماقساتىندا جەلٸلٸك قاۋىمداستىق قۇرعان.
فيلينكوۆ تا, باسقا ايىپتالۋشىلار دا فەدەرالدىق قاۋٸپسٸزدٸك قىزمەتٸ ٸستٸ قولدان جاساعانىن, مويىنداۋ تٷسٸنٸكتەمەسٸن زورلىقپەن جازدىرعانىن ايتتى. تەرگەۋ كوميتەتٸ قاۋٸپسٸزدٸك قىزمەتٸنٸڭ ەرەكەتٸن زاڭسىز ەشنەرسە تاپپاعانىن مەلٸمدەدٸ.
