Sankt-Peterbýrg soty "terroristik qaýymdastyqqa qatysy bar" degen aiyppen 25 jastaǵy Viktor Filinkovti jeti jylǵa, 28 jastaǵy Iýlii Boiarshinovti 5,5 jylǵa bas bostandyǵynan aiyrdy. Bul týraly Azattyq radiosynyń Sever.Realii mediajobasynyń tilshisi habarlady.
Resei biligi qazaqstandyq Viktor Filinkov pen reseilik Iýlii Boiarshinovti "Jeli" dep atalatyn anarhiialyq sipattaǵy terrorlyq qaýymdastyqtyń peterbýrgtyq bólimine kirdi dep aiyptady. Kremldiń pikirinshe, "Jeli" qaýymdastyǵy bilikti qulatýdy” kózdeidi.
Aiyptalýshylar taǵylǵan aiypty joqqa shyǵaryp, istiń qoldan jasalǵanyn aitty.
Prokýratýra Iýlii Boiarshinovke alty jyl, Viktor Filinkovqa toǵyz jyl suraǵan edi.
Qylmystyq isti Resei federaldy qaýipsizdik qyzmeti 2017 jyldyń qazanynda qozǵaǵan. Ol is boiynsha Penza, Sankt-Peterbýrg jáne Máskeý qalalarynyń 11 turǵyny qamaýǵa alynyp, keiinnen bosatyldy. Olardyń kóbi – anarhister men antifashister. Tergeý qyzmetiniń sózinshe, jas azamattar terakt jasaý jáne bilikti qulatý maqsatynda jelilik qaýymdastyq qurǵan.
Filinkov ta, basqa aiyptalýshylar da federaldyq qaýipsizdik qyzmeti isti qoldan jasaǵanyn, moiyndaý túsiniktemesin zorlyqpen jazdyrǵanyn aitty. Tergeý komiteti qaýipsizdik qyzmetiniń áreketin zańsyz eshnárse tappaǵanyn málimdedi.
