فوتو: ەل-فارابي اتىنداعى قازۇۋ-دىڭ باسپاسٶز قىزمەتٸ
ەل-فارابي اتىنداعى قازاق ۇلتتىق ۋنيۆەرسيتەتٸنٸڭ باسقارما تٶراعاسى – رەكتور جانسەيٸت تٷيمەباەۆ اقىن, قازاقستاننىڭ ەڭبەك سٸڭٸرگەن قايراتكەرٸ, ايتىس اقىندارى مەن جىرشى-تەرمەشٸلەردٸڭ حالىقارالىق وداعىنىڭ تٶراعاسى جٷرسٸن ەرمان جەنە جازۋشى, فيلولوگييا عىلىمىنىڭ دوكتورى, ابايتانۋشى, الاشتانۋشى تۇرسىن جۇرتبايمەن كەزدەستٸ.
قوس رۋحانييات جاناشىرى قازۇۋ-دى بٸتٸرگەندەرٸنە 50 جىل بولعان سالتاناتتى شاراعا قاتىسۋ ٷشٸن ارنايى وقۋ ورداسىنا كەلگەن.
ۋنيۆەرسيتەت باسشىسى جانسەيٸت تٷيمەباەۆ جٷرسٸن ەرمان مەن تۇرسىن جۇرتبايعا «ەرەن ەڭبەگٸ ٷشٸن» التىن مەدالٸن تابىستاپ, قالامگەرلەردٸڭ ۇلتتىق مەدەنيەت پەن رۋحانيياتتى دامىتۋعا قوسقان ەلەۋلٸ ەڭبەكتەرٸن ايرىقشا اتاپ ٶتتٸ.
«سٸزدەر وقىپ, بٸلٸم العان قازۇۋ قازٸرگٸ تاڭدا دامىپ, گٷلدەنٸپ كەلەدٸ. «ەلۋ جىلدا – ەل جاڭا», بيىل وقۋ ورداسىنا – 90 جىل. مەملەكەت باسشىسى قاسىم-جومارت توقاەۆتىڭ قولداۋىمەن قازۇۋ قالاشىعىن جاڭعىرتۋدىڭ ەكٸنشٸ كەزەڭٸ قولعا الىنىپ, جاڭا قۇرىلىستار باستاۋ الدى. بٷگٸن ٶزدەرٸڭٸز ۋنيۆەرسيتەتكە كەلٸپ, تىنىس-تٸرشٸلٸگٸمەن تانىسىپ, جاستارمەن پٸكٸرلەستٸڭٸزدەر. ۋنيۆەرسيتەت ٶزدەرٸڭٸزدەي قايراتكەر تٷلەكتەرٸن ەردايىم ماقتان تۇتادى», – دەدٸ رەكتور.
ٶز كەزەگٸندە م.ماقاتاەۆ اتىنداعى سىيلىقتىڭ ەكٸ مەرتە يەگەرٸ, كٶرنەكتٸ اقىن جٷرسٸن ەرمان كٶشباسشى جوعارى وقۋ ورنىن مەرەيلٸ بەلەسٸمەن قۇتتىقتاپ, ىستىق لەبٸزٸن جەتكٸزدٸ. «تٶل ۋنيۆەرسيتەتٸمٸزدٸڭ مەرەيتويى ايتۋلى وقيعا. بٷگٸندە بٸلٸم ورداسى الىپ ۋنيۆەرسيتەتكە اينالدى. جۇمىستارىڭىزعا سەتتٸلٸك تٸلەيمٸن. بولاشاقتا قازۇۋ كٶركەيٸپ, ٷلكەيٸپ, جاڭارا بەرسٸن. بٸز ەردايىم تٸلەكتەسپٸز», – دەدٸ اقىن جٷرسٸن ەرمان.
سونداي-اق كەزدەسۋدە تۇرسىن جۇرتباي سٶز سٶيلەپ, «ەل-فارابي اتىنداعى قازاق ۇلتتىق ۋنيۆەرسيتەتٸ – قازاقتىڭ ۇلتتىق ويلاۋ جٷيەسٸنٸڭ التىن ۇياسى» دەپ سانايتىنىن باسا ايتتى.
«ەر ۇلتتىڭ ويلاۋ جٷيەسٸن, بولاشاققا باعدارىن, ٶتكەن تاريحىن بولجاپ, زەرتتەۋگە مٷمكٸندٸك بەرەتٸن – ول ۋنيۆەرسيتەت. كەشەگٸنٸ, بٷگٸنگٸنٸ, ەرتەڭگٸنٸ بايلانىستىرىپ, سوعان قوزعالىس بەرەتٸن ماماندار دايىندالماسا, ۇلت ەش ۋاقىتتا جوعارى دەڭگەيگە كٶتەرٸلمەيدٸ. فارابي ۋنيۆەرسيتەتٸ اقىل-ويدىڭ, قازاقى تەربيەنٸڭ, عىلىمنىڭ بولاشاقتاعى كەپٸلٸ دەپ سانايمىن», – دەدٸ تۇرسىن جۇرتباي.
قاراگٶز سەرٸكقىزى,
ەل-فارابي اتىنداعى قازۇۋ, باسپاگەرلٸك, رەداكتورلىق جەنە ديزاينەرلٸك ٶنەر
كافەدراسىنىڭ وقىتۋشىسى
