«قازگيدرومەت» رمك 4 تامىزعا ارنالعان اۋا رايى بولجامى مەن داۋىلدى ەسكەرتۋ جارييالادى. ەلٸمٸزدٸڭ باسىم بٶلٸگٸندە جاڭبىر, نايزاعاي, بۇرشاق, داۋىل جەنە ەكپٸندٸ جەل كٷتٸلەدٸ. كەي ٶڭٸرلەردە قاتتى جاڭبىر جاۋىپ, شاڭدى داۋىل سوعۋى مٷمكٸن, دەپ حابارلايدى ult.kz.
سينوپتيكتەردٸڭ مەلٸمەتٸنشە, سولتٷستٸك ٶڭٸرلەردە جاۋىن-شاشىنعا بايلانىستى اۋا تەمپەراتۋراسى تٶمەندەيدٸ. ال ەلدٸڭ شىعىسى مەن باتىسىندا اپتاپ ىستىق ساقتالادى.
استانادا قۇبىلمالى بۇلتتى اۋا رايى كٷتٸلەدٸ. جاڭبىر جاۋىپ, نايزاعاي وينايدى, بۇرشاق جاۋۋى مٷمكٸن. اۋا تەمپەراتۋراسى تٷندە +18…+20 °C, كٷندٸز +28…+30 °C بولادى.
الماتىدا قۇبىلمالى بۇلتتى, جاڭبىرلى اۋا رايى ساقتالادى. نايزاعاي كٷتٸلەدٸ. تٷندە +20…+22 °C, كٷندٸز +25…+27 °C.
شىمكەنتتە دە جاڭبىر مەن نايزاعاي بولجانادى. تٷندە اۋا تەمپەراتۋراسى +21…+23 °C, كٷندٸز +33…+35 °C بولادى.
قاتتى جاۋىن-شاشىن, بۇرشاق جەنە داۋىل جەتٸسۋ, الماتى, جامبىل, تٷركٸستان وبلىستارىنىڭ تاۋلى اۋداندارىندا, سونداي-اق اقمولا, پاۆلودار, قاراعاندى, ۇلىتاۋ, سولتٷستٸك قازاقستان, قوستاناي, شىعىس قازاقستان جەنە اباي وبلىستارىنىڭ بٸرقاتار اۋماقتارىندا كٷتٸلەدٸ. الاكٶل كٶلدەرٸ اۋدانىندا جەلدٸڭ ەكپٸنٸ 23-28 م/س-قا دەيٸن كٷشەيەدٸ.
سونىمەن قاتار ماڭعىستاۋ, اتىراۋ, باتىس قازاقستان, شىعىس قازاقستان جەنە اباي وبلىستارىندا كٷن قاتتى ىسىپ, اۋا تەمپەراتۋراسى 35-38 گرادۋسقا دەيٸن كٶتەرٸلەدٸ.
رەسپۋبليكا بويىنشا جوعارى جەنە تٶتەنشە ٶرت قاۋپٸ ساقتالادى. ەسٸرەسە اتىراۋ, اقتٶبە, قىزىلوردا, تٷركٸستان, الماتى, جامبىل, جەتٸسۋ, ماڭعىستاۋ, اباي جەنە باسقا دا بٸرقاتار ٶڭٸرلەردە ٶرت قاۋپٸ ٶتە جوعارى دەڭگەيدە بولادى.
وسىعان بايلانىستى ماماندار تۇرعىنداردى اۋا رايىنىڭ قولايسىزدىعىنا بايلانىستى ساقتىق شارالارىن ساقتاۋعا شاقىرادى.
