«Qazgidromet» RMK 4 tamyzǵa arnalǵan aýa raiy boljamy men daýyldy eskertý jariialady. Elimizdiń basym bóliginde jańbyr, naizaǵai, burshaq, daýyl jáne ekpindi jel kútiledi. Kei óńirlerde qatty jańbyr jaýyp, shańdy daýyl soǵýy múmkin, dep habarlaidy ult.kz.
Sinoptikterdiń málimetinshe, soltústik óńirlerde jaýyn-shashynǵa bailanysty aýa temperatýrasy tómendeidi. Al eldiń shyǵysy men batysynda aptap ystyq saqtalady.
Astanada qubylmaly bultty aýa raiy kútiledi. Jańbyr jaýyp, naizaǵai oinaidy, burshaq jaýýy múmkin. Aýa temperatýrasy túnde +18…+20 °C, kúndiz +28…+30 °C bolady.
Almatyda qubylmaly bultty, jańbyrly aýa raiy saqtalady. Naizaǵai kútiledi. Túnde +20…+22 °C, kúndiz +25…+27 °C.
Shymkentte de jańbyr men naizaǵai boljanady. Túnde aýa temperatýrasy +21…+23 °C, kúndiz +33…+35 °C bolady.
Qatty jaýyn-shashyn, burshaq jáne daýyl Jetisý, Almaty, Jambyl, Túrkistan oblystarynyń taýly aýdandarynda, sondai-aq Aqmola, Pavlodar, Qaraǵandy, Ulytaý, Soltústik Qazaqstan, Qostanai, Shyǵys Qazaqstan jáne Abai oblystarynyń birqatar aýmaqtarynda kútiledi. Alakól kólderi aýdanynda jeldiń ekpini 23-28 m/s-qa deiin kúsheiedi.
Sonymen qatar Mańǵystaý, Atyraý, Batys Qazaqstan, Shyǵys Qazaqstan jáne Abai oblystarynda kún qatty ysyp, aýa temperatýrasy 35-38 gradýsqa deiin kóteriledi.
Respýblika boiynsha joǵary jáne tótenshe órt qaýpi saqtalady. Ásirese Atyraý, Aqtóbe, Qyzylorda, Túrkistan, Almaty, Jambyl, Jetisý, Mańǵystaý, Abai jáne basqa da birqatar óńirlerde órt qaýpi óte joǵary deńgeide bolady.
Osyǵan bailanysty mamandar turǵyndardy aýa raiynyń qolaisyzdyǵyna bailanysty saqtyq sharalaryn saqtaýǵa shaqyrady.
