قازاقستان قاتارىنان ەكٸنشٸ جىل ٶزبەكستان نارىعىنا ٶسٸمدٸك مايىن جەتكٸزەتٸن ەڭ ٸرٸ ەكسپورتتاۋشى ەل بولىپ وتىر.
2025 جىلعى قىركٷيەك پەن 2026 جىلعى مامىر ارالىعىندا قازاقستاننىڭ ماي-توڭماي ٶنٸمدەرٸنٸڭ ٶزبەكستانعا ەكسپورتى 553 مىڭ تونناعا جەتتٸ. بۇل ٶتكەن ماركەتينگتٸك جىلدىڭ سەيكەس كەزەڭٸمەن سالىستىرعاندا 130,8 مىڭ تونناعا نەمەسە 31%-عا ارتىق.
2025 جىلدىڭ قورىتىندىسى بويىنشا قازاقستاننىڭ ٶزبەكستانداعى ٶسٸمدٸك مايى نارىعىنداعى ٷلەسٸ 90%-دان استى. سوڭعى بەس ماۋسىم بويى جەتكٸزٸلٸم كٶلەمٸ تۇراقتى تٷردە ٶسٸپ كەلەدٸ.
سونىمەن قاتار, ماي-توڭماي سالاسى ٶنٸمدەرٸنٸڭ جالپى ەكسپورت كٶلەمٸ دە ارتىپ وتىر. ماركەتينگتٸك جىلدىڭ توعىز ايىندا قازاقستان شەتەل نارىعىنا ٶسٸمدٸك مايىن, شروت پەن كٷنجارانى 944 ملن اقش دوللارى كٶلەمٸندە ەكسپورتتادى.
ەكسپورتتان تٷسكەن تابىس 2024/2025 ماركەتينگتٸك جىلىنىڭ قىركٷيەك–مامىر كەزەڭٸمەن سالىستىرعاندا 331 ملن اقش دوللارىنا نەمەسە 54%-عا ٶستٸ. بولجام بويىنشا, اعىمداعى ماركەتينگتٸك جىلدىڭ سوڭىنا قاراي ٶسٸمدٸك مايى, شروت پەن كٷنجارا ەكسپورتىنىڭ كٶلەمٸ 1,15 ملرد اقش دوللارىنان اسادى.
سىرتقى نارىققا جەتكٸزٸلٸمنٸڭ ۇلعايۋىنا ەلدەگٸ قايتا ٶڭدەۋ سالاسىنىڭ دامۋى ىقپال ەتۋدە. قازٸرگٸ تاڭدا قازاقستاندا مايلى داقىلداردى ٶڭدەۋ قۋاتى جىلىنا 5,2 ملن توننادان اسادى. ونىڭ ٸشٸندە كٷنباعىس ٶڭدەۋ قۋاتى 4,4 ملن توننانى قۇرايدى. بۇل ٶزبەكستانداعى جالپى ٶڭدەۋ قۋاتىنان 700 مىڭ تونناعا ارتىق.
جاڭا كەسٸپورىنداردى ٸسكە قوسۋ جەنە سالۋ ەسەبٸنەن 2028 جىلعا قاراي قازاقستاننىڭ ماي-توڭماي سالاسىنىڭ ٶڭدەۋ قۋاتىن جىلىنا 8 ملن تونناعا دەيٸن جەتكٸزۋ جوسپارلانىپ وتىر.
قازاقستاننىڭ ماي-توڭماي ٶنٸمدەرٸ بٷگٸندە ەلەمنٸڭ 20-دان استام ەلٸنە ەكسپورتتالادى. سونداي-اق ەلٸمٸز ورتالىق ازييا مەملەكەتتەرٸنٸڭ كٷنباعىس شروتى بويىنشا سۇرانىسىن تولىق قامتاماسىز ەتٸپ, كٷنباعىس مايىن ەكسپورتتاۋ كٶلەمٸ جٶنٸنەن ەلەمدە التىنشى ورىندا تۇر.
الداعى ۋاقىتتا سالا ەلەمدەگٸ كٷنباعىس مايىن ەكسپورتتايتىن جەتەكشٸ ٷش ەلدٸڭ قاتارىنا قوسىلىپ, ەكسپورتتىق تٷسٸمدٸ 2 ملرد اقش دوللارىنا دەيٸن جەتكٸزۋدٸ كٶزدەپ وتىر.
