قازاقستان حالىقارالىق ينۆەستيتسييالىق تارتىمدىلىعى بويىنشا پوزيتسيياسىن نىعايتىپ كەلەدٸ. ەل 2026 جىلعى «ينۆەستورلار ٷشٸن ەڭ قاۋٸپسٸز ەلدەر» جاھاندىق رەيتينگٸندە 17 ساتىعا جوعارىلاپ, 53-ورىنعا كٶتەرٸلدٸ. وسىلايشا قازاقستان ورتالىق ازيياداعى كٶشباسشى مەرتەبەسٸن ساقتاپ وتىر, دەپ حابارلايدى ult.kz investing.com-عا سٸلتەمە جاساپ.
2026 جىلدىڭ العاشقى جارتىجىلدىعىندا ەلگە تارتىلعان ينۆەستيتسييا كٶلەمٸ 9,6%-عا ٶسٸپ, 20 ميلليارد اقش دوللارىنان استى. جەكە ينۆەستيتسييالار اعىنى 21%-دان استام ۇلعايدى. ساراپشىلار بۇل كٶرسەتكٸشتەردٸ قازاقستان ەكونوميكاسىنا دەگەن حالىقارالىق سەنٸمنٸڭ ارتۋىمەن بايلانىستىرادى.
سوڭعى جىلدارى جاھاندىق ينۆەستورلار تابيعي رەسۋرستاردان گٶرٸ مەملەكەتتٸك ينستيتۋتتاردىڭ تيٸمدٸلٸگٸنە, ەكونوميكالىق ساياساتتىڭ تۇراقتىلىعىنا جەنە ۇزاق مەرزٸمدٸ دامۋ ەلەۋەتٸنە كٶبٸرەك مەن بەرە باستادى. وسى تۇرعىدان العاندا قازاقستان حالىقارالىق كاپيتال ٷشٸن سەنٸمدٸ باعىت رەتٸندە باعالانىپ كەلەدٸ.
حالىقارالىق ۆاليۋتا قورىنىڭ بولجامىنشا, قازاقستان ەكونوميكاسى 2026 جىلى 4,6%-عا ٶسەدٸ. ال دٷنيەجٷزٸلٸك بانك ەلدەگٸ تۇراقتى ەكونوميكالىق ٶسٸم الداعى جىلدارى دا ساقتالاتىنىن اتاپ ٶتەدٸ.
ەكونوميكانىڭ قۇرىلىمى دا ٶزگەرٸپ كەلەدٸ. سوڭعى جىلدارى ٶسٸمنٸڭ نەگٸزگٸ درايۆەرلەرٸ ٶڭدەۋ ٶنەركەسٸبٸ, كٶلٸك, لوگيستيكا, قۇرىلىس جەنە ساۋدا سالالارى بولدى. جاڭا ينۆەستيتسييالار دا دەل وسى باعىتتارعا كٶبٸرەك تارتىلۋدا. بۇل قازاقستاننىڭ شيكٸزاتتىق ەكونوميكادان ەرتاراپتاندىرىلعان ٶندٸرٸستٸك مودەلگە كەزەڭ-كەزەڭٸمەن كٶشٸپ جاتقانىن كٶرسەتەدٸ.
پرەزيدەنت قاسىم-جومارت توقاەۆتىڭ تاپسىرماسىمەن ينۆەستيتسييالىق ساياسات جاڭا ساپالىق دەڭگەيگە كٶتەرٸلدٸ. باستى باسىمدىق ەندٸ تەك كاپيتال تارتۋ ەمەس, جوعارى تەحنولوگييالى ٶندٸرٸستەردٸ دامىتۋ, ٶڭدەۋ ٶنەركەسٸبٸن كٷشەيتۋ, ٶندٸرٸستٸ جەرگٸلٸكتەندٸرۋ جەنە ۇزاق مەرزٸمدٸ ينۆەستيتسييالاردى ىنتالاندىرۋ بولىپ وتىر.
وسى ساياسات اياسىندا ينۆەستيتسييالىق شتاب, ۇلتتىق تسيفرلىق ينۆەستيتسييالىق پلاتفورما جەنە ستراتەگييالىق ينۆەستورلارعا ارنالعان 25 جىلعا دەيٸنگٸ تۇراقتى شارتتاردى كٶزدەيتٸن ينۆەستيتسييالىق كەلٸسٸمدەر ەنگٸزٸلدٸ. سونىمەن قاتار ينۆەستورلار مەن جوعارى بٸلٸكتٸ ماماندار ٷشٸن «التىن» ۆيزاسى ٸسكە قوسىلۋدا.
قازاقستاننىڭ ينۆەستيتسييالىق سەنٸمدٸلٸگٸ حالىقارالىق رەيتينگتٸك اگەنتتٸكتەردٸڭ باعالاۋىمەن دە راستالدى. Fitch Ratings ەلدٸڭ ەگەمەن كرەديتتٸك رەيتينگٸن BBB دەڭگەيٸندە تۇراقتى بولجاممەن ساقتادى. S&P Global Ratings قازاقستاننىڭ BBB- رەيتينگٸن وڭ بولجاممەن راستادى. ال Moody's اگەنتتٸگٸ Baa1 رەيتينگٸن وڭ بولجاممەن ٶزگەرتپەدٸ. بۇل ٷش جەتەكشٸ حالىقارالىق اگەنتتٸكتٸڭ باعالاۋى قازاقستان ەكونوميكاسىنىڭ تۇراقتىلىعى مەن ينۆەستيتسييالىق دەڭگەيٸن تاعى بٸر مەرتە دەلەلدەيدٸ.
قازاقستاننىڭ حالىقارالىق رەيتينگتەردەگٸ كٶرسەتكٸشتەرٸ دە جاقسارىپ كەلەدٸ. ەل IMD World Competitiveness Ranking رەيتينگٸندەگٸ پوزيتسيياسىن نىعايتسا, Global Peace Index بويىنشا بەس ساتىعا كٶتەرٸلدٸ. سونداي-اق بۇۇ-نىڭ تۇراقتى دامۋ جٶنٸندەگٸ 2026 جىلعى بايانداماسىندا قازاقستان 169 مەملەكەتتٸڭ ٸشٸندە 67-ورىنعا كٶتەرٸلٸپ, تٷركييا, ٷندٸستان, يندونەزييا, مەكسيكا, ساۋد ارابيياسى جەنە وڭتٷستٸك افريكا سيياقتى بٸرقاتار ٸرٸ دامۋشى ەكونوميكالاردى باسىپ وزدى.
حالىقارالىق ساراپشىلاردىڭ باعالاۋىنشا, مۇنداي رەيتينگتەر ەلدٸڭ بەدەلٸن ارتتىرىپ قانا قويماي, ينۆەستيتسييالىق تەۋەكەلدٸ تٶمەندەتۋگە, كاپيتال تارتۋ قۇنىن ازايتۋعا جەنە حالىقارالىق بيزنەستٸڭ قازاقستاندى جاڭا جوبالارعا ارنالعان سەنٸمدٸ الاڭ رەتٸندە قاراستىرۋىنا ىقپال ەتەدٸ.
