پرەزيدەنت قاسىم-جومارت توقاەۆ بۇقارالىق اقپارات قۇرالدارى قىزمەتكەرلەرٸن ماراپاتتاۋ رەسٸمٸندە قازاق تەلەۆيزيياسىنىڭ ارداگەرٸ, 106 جاستاعى زۇلقييا جۇماتوۆانى «قۇرمەت» وردەنٸمەن ماراپاتتاۋ تۋرالى شەشٸم قابىلداعانىن مەلٸمدەدٸ, دەپ حابارلايدى ult.kz.
مەملەكەت باسشىسى جۋرناليستەردٸ كەسٸبي مەرەكەسٸمەن قۇتتىقتاپ, ولاردىڭ ەدٸلەتتٸ, تازا, قاۋٸپسٸز ەرٸ كٷشتٸ قازاقستاندى قۇرۋ جولىنداعى ەڭبەگٸن جوعارى باعالادى. پرەزيدەنتتٸڭ ايتۋىنشا, باق ٶكٸلدەرٸ قوعامدا «زاڭ مەن تەرتٸپ», «ادال ازامات» قاعيداتتارىن ورنىقتىرۋعا جەنە «تازا قازاقستان» تۇجىرىمداماسىن كەڭٸنەن ناسيحاتتاۋعا ەلەۋلٸ ٷلەس قوسىپ كەلەدٸ.
سٶز بارىسىندا قاسىم-جومارت توقاەۆ ۇلتتىق تەلەۆيزييانىڭ قالىپتاسۋىنا زور ەڭبەك سٸڭٸرگەن زۇلقييا جۇماتوۆانى ەرەكشە اتاپ ٶتتٸ.
– ۇلتتىق تەلەۆيزييانىڭ العاشقى كەسٸبي ماماندارىنىڭ بٸرٸ, قازاق تٸلٸندەگٸ تۇڭعىش ەفيردٸ جٷرگٸزگەن مايتالمان ديكتور زۇلقييا جۇماتوۆانى ەرەكشە اتاپ ٶتكٸم كەلەدٸ. بٷگٸنگٸ تاڭدا 106 جاسقا كەلگەن ارداقتى تۇلعانى حالقىمىز ايرىقشا قۇرمەتتەيدٸ. سوندىقتان مەن زۇلقييا مۇقانقىزىنا «قۇرمەت» وردەنٸن تابىستاۋ تۋرالى شەشٸم قابىلدادىم, – دەدٸ پرەزيدەنت.
زۇلقييا جۇماتوۆا قازاق تەلەۆيزيياسىنىڭ العاشقى قارلىعاشتارىنىڭ بٸرٸ سانالادى. ول قازاق تٸلٸندەگٸ تۇڭعىش ەفيردٸ جٷرگٸزٸپ, وتاندىق تەلەجۋرناليستيكانىڭ قالىپتاسۋىنا ٶلشەۋسٸز ٷلەس قوستى.
پرەزيدەنت سونداي-اق قازاقستان جۋرناليستيكاسى مەن تەلەۆيزيياسىنىڭ دامۋىنا ەلەۋلٸ ٷلەس قوسقان بٸرقاتار مەديا ماماندارىن مەملەكەتتٸك ناگرادالارمەن ماراپاتتاۋ تۋرالى جارلىققا قول قويعانىن حابارلادى. ماراپاتتالعانداردىڭ قاتارىندا اقپارات سالاسىنا سانالى عۇمىرىن ارناعان ارداگەرلەر مەن تەجٸريبەلٸ جۋرناليستەر بار.
مەملەكەت باسشىسى تەجٸريبەلٸ جۋرناليستەردٸڭ ەڭبەگٸ جاس بۋىن ٷشٸن ٷلگٸ ەكەنٸن اتاپ ٶتٸپ, اقپارات سالاسى ماماندارى الداعى ۋاقىتتا دا ەل يگٸلٸگٸ جولىندا قىزمەت ەتە بەرەتٸنٸنە سەنٸم بٸلدٸردٸ.
