قحر بيزنەس ٶكٸلدەرٸمەن «دٶڭگەلەك ٷستەل» فورماتىندا ٶتكەن كەزدەسۋدە پرەزيدەنت قىتايلىق سەرٸكتەستەرگە شىنايى ريزاشىلىعىن بٸلدٸرٸپ, قازاقستان مەن قىتاي اراسىنداعى مەڭگٸلٸك ەرٸ جان-جاقتى ستراتەگييالىق ەرٸپتەستٸككە جوعارى باعا بەردٸ, دەپ حابارلايدى ult.kz.
پرەزيدەنت قازاقستان-قىتاي قارىم-قاتىناسىنىڭ جاڭا «التىن وتىز جىلدىعىنا» بٸرگە قادام باسقانىن اتاپ ٶتتٸ. وسى ورايدا قىتاي حالىق رەسپۋبليكاسىنىڭ تٶراعاسى سي تسزينپين مىرزاعا زور العىس ايتتى.
قاسىم-جومارت توقاەۆ قىتاي قازاقستان ەكونوميكاسىنا 30 ميلليارد دوللاردان استام ينۆەستيتسييا سالعانىن ايتتى. مەملەكەت باسشىسىنىڭ ايتۋىنشا, جوعارى دەڭگەيدەگٸ ساياسي سەنٸم ساۋدا-ەكونوميكالىق جەنە ينۆەستيتسييالىق ىنتىماقتاستىقتى ودان ەرٸ كەڭەيتۋگە بەرٸك نەگٸز قالايدى.
– بىلتىر ەكٸجاقتى ساۋدا كٶلەمٸ 49 ميلليارد دوللارعا جەتتٸ. بۇل – رەكوردتىق كٶرسەتكٸش. قىتاي قازاقستان ەكونوميكاسىنا 30 ميلليارد دوللاردان استام ينۆەستيتسييا سالدى. قازٸر قازاقستاندا قىتاي كاپيتالى بار 8500-دەن استام كەسٸپورىن تابىستى جۇمىس ٸستەپ جاتىر. سونىڭ ٸشٸندە CNPC, CITIC جەنە Huawei سيياقتى ٸرٸ كومپانييالاردى اتاپ ٶتۋ قاجەت. بٸز قىتاي بيزنەس ٶكٸلدەرٸنٸڭ قازاقستان ەكونوميكاسىن جاڭعىرتۋعا سٷبەلٸ ٷلەس قوسىپ جاتقانىن جوعارى باعالايمىز, – دەدٸ پرەزيدەنت.
قاسىم-جومارت توقاەۆ جاھاندىق عىلىم مەن يننوۆاتسييا ورتالىقتارىنىڭ بٸرٸ سانالاتىن شانحاي قالاسىنداعى دٷنيەجٷزٸلٸك جاساندى ينتەللەكت كونفەرەنتسيياسى قارساڭىندا باس قوسۋدىڭ سيمۆولدىق مەنٸ زور ەكەنٸن ايتتى. سونىمەن قاتار قاتىسۋشىلارعا قازاقستاننىڭ تسيفرلىق ترانسفورماتسييانىڭ باسىمدىقتارىن تانىستىرىپ, تەحنولوگييالىق ىنتىماقتاستىقتىڭ نەگٸزگٸ باعىتتارىنا توقتالدى.
پرەزيدەنتتٸڭ ايتۋىنشا, قازاقستان جاساندى ينتەللەكتٸنٸ بولاشاق ەكونوميكالىق ٶسٸمنٸڭ باستى فاكتورلارىنىڭ بٸرٸ رەتٸندە قاراستىرادى, سونداي-اق حالىقارالىق ينۆەستورلاردى تارتۋ ٷشٸن زاماناۋي تسيفرلىق ينفراقۇرىلىم جاساقتاۋدا.
– ەكٸباستۇز قالاسىنداعى Data Center Valley جوباسىنا ەرەكشە توقتالعىم كەلەدٸ. بۇل – ەلٸمٸزدٸڭ بٸرەگەي ستراتەگييالىق باستاماسى. اتالعان جوبا قازاقستان مەن بٷكٸل ورتالىق ازييا تسيفرلىق ينفراقۇرىلىمىنىڭ نەگٸزگٸ تٸرەگٸ بولادى دەپ سانايمىز. باستى ماقسات – دەرەكتەردٸ ٶڭدەۋ ورتالىقتارىن, بۇلتتى سەرۆيستەردٸ جەنە جاساندى ينتەللەكت ينفراقۇرىلىمىن دامىتۋعا ارنالعان حالىقارالىق دەڭگەيدەگٸ پلاتفورما قالىپتاستىرۋ. بٸز قىتايلىق سەرٸكتەستەرٸمٸزبەن ٶزارا تيٸمدٸ ىنتىماقتاستىقتى نىعايتا تٷسۋگە مٷددەلٸمٸز, – دەدٸ مەملەكەت باسشىسى.
پرەزيدەنت تسيفرلىق لوگيستيكانى جەنە پەرسپەكتيۆتٸ كٶلٸك دەلٸزدەرٸن دامىتقان جٶن دەپ سانايدى.
– قازاقستان قىتايدى ورتالىق ازييامەن, كاۆكازبەن, تاياۋ شىعىسپەن جەنە ەۋروپامەن بايلانىستىراتىن نەگٸزگٸ كٶلٸك-لوگيستيكا حابى بولۋعا تيٸس. باستى ماقسات – ەۋرازييانىڭ بٸرىڭعاي تسيفرلىق كٶلٸك كەڭٸستٸگٸن قالىپتاستىرۋ. بٸر سٶزبەن, دەرەكتەر تسيفرلىق جەلٸ ارقىلى قالاي تەز جٸبەرٸلسە, تاۋارلار دا شەكارادان دەل سونداي جىلدام ەرٸ تيٸمدٸ ٶتەتٸن كەڭٸستٸك قۇرۋىمىز كەرەك, – دەدٸ قاسىم-جومارت توقاەۆ.
سونداي-اق پرەزيدەنت اسا ماڭىزدى مينەرالداردى يگەرۋ سالاسىن پەرسپەكتيۆتٸ باعىت رەتٸندە اتادى. ول قازاقستان ستراتەگييالىق رەسۋرستاردىڭ قورى بويىنشا ەلەمدٸك كٶشباسشىلار قاتارىنا ەنەتٸنٸن جەنە حالىقارالىق سەرٸكتەستەرمەن بٸرلەسە قوسىلعان قۇنى جوعارى ٶندٸرٸستٸ دامىتۋدى كٶزدەيتٸنٸن مەلٸمدەدٸ.
